Lukaa 16 - A Buk 1896 (Bible Portions)

U RA PETPALIG MA LASARO.

¹⁹ Rā muana, a petpalig, i papai un i ta in tara na malu, ma ra malu ba kinkinalik na kuarina kai, ma i anan awakak na utna u ra bugbug na wanua rap:

²⁰ Rā muana kai, a kanau, a iana Lasaro, di wainepta i na ra bonanaka i ra ruma a nu ra petpalig, i kedekede rap a panpanina,

²¹ ma i nem akiti lena din wawagan i ma ra kum mutamuta na utna i puka ko ra lu na winagan a nu ra petpalig: a kum pap kai diat wan korom i ma diat dami a kedekede un i.

²² A kanau i mat ma diat a kum agelo diat lota i u ra rabrabon Abarama; a petpalig kai i mat, ma di punag i.

²³ I tatada u ra matananion, di wagugut i iai, ma i bobo Abarama taka na welwelik, ma Lasaro u ra rabrabono.

²⁴ I wata i, ma i piri tana lenkumi, Tamag, Abarama, un mari iau, un tula Lasaro urin, in tukpa a kalkali na limana u ra pala, in wamadirig a karamenawag mai, kuma i gugut akit a panig u ra kupkup na ugan bi.

²⁵ Abarama i piri tana, Na tuglik, un kodopoi ba u lalaun kubai u rakanpa a num kum wakwakak na lig, Lasaro kai a kum akakaina lig: kumari i manatug kumin, ui kai di waguguta ui.

²⁶ Rā lig bulug, in a gala na balanamala pi i tana na liwan ta dat; ma diat ba diat ligna winawan taka kumin korom muat diat kana wan larapai; diat kai diat ki kumarog diat kana wan korom miat.

²⁷ I piri tana, Ia kuma iau arig ui uni, tamag, lena, un tulata i korom matākin tamag;

²⁸ kuma lima na tetegliklik; in wadubat diat, kaduk diat kai diat wan u ra bual na gunugut kumi

²⁹ Abarama i piri tana, A pirapira a nun Mosese ma diat a kum parofita i tana na diat; awakak kun ba diat a walogoro diat.

³⁰ I piri balet tana, Pate, tamag Abarama; ba ta pa diat a kum minat i wan korom diat kura diat a nukpuku diat uni.

³¹ I piri tana, Ba pa diat walogoro Mosese ma diat a kum parofita, pa diat a walogoro te ba i turu balet ko ra mat.