Lukaa 12 - A Buk 1896 (Bible Portions)

U RA PETPALIG.

¹³ Ma rā pa diat a tala‐na‐kaiia i piri tana, Tenawawera, un piri tan teglik lena mira we kiana a utna a nu ra tamamira.

¹⁴ Iesu i piri tana, Tolig, o oi kuma i tula iau lena ăg na ko kon, ma ăg palau muat?

¹⁵ I piri kai ta diat, Muat katom, muat a petbat muat ko ra kogana; kuma pa in te in lalaun u ra gala na utna i paki.

¹⁶ Ma i wapua diat u ra pirapira welwelara, lenkumi, Rā petpalig, a nuna pinapam i kidatai.

¹⁷ Ma i nukpai u ra balana lena, Ag pet lelawai, kuma pa nug ta ruma ăg walaig uni a nug kum uaina?

¹⁸ Ma i lena, a lig ma kumi ăg peti: ăg regua a nug kum ruma na utna, ma ăg pam kianai ma ta gala ma; ag walaig uni a nug kum uaina rap ma ra nug utna rap.

¹⁹ Ag piri bulug ta ra niog lena, A niog, magoro na utna u paki, in welara ma magoro na tinoan; un manatug ma, un wagan, un inim, un kaia liklik.

²⁰ Ma Nara i piri tana, A loglog ui! u ra marum ku kumi din lig kup a niom kon ui; a nun oi ma, a lig rap u paki?

²¹ Len kai kuma te ba i pakpaki utna korom ia ku, ma pa i petpalig u ra utna kon Nara.