Lukaa 10 - A Buk 1896 (Bible Portions)

U RA WEMARAMARI.

²⁵ Boboi, a tenatimtimu i turu, ma i tiri‐tamai Iesu, ma i piri lenkumi, Tenawawera, awa ta lig in ka ba ăg peti ăg rakanpai uni a lalaun pa in rap?

²⁶ I piri tana, Awa kuma di timutai u ra wewadu? Awa kai u luki uni?

²⁷ I piri lenkumi, Un mari Ieova a nnm Kalou u ra balam rap, ma ra niom rap, ma ra dekdekim rap; ma ra tara muru ki ebeben mai lenkuma u mari ui.

²⁸ Iesu i piri tana, I takado rap a num pirapira: Un pet lenkumi un lalaun uni.

²⁹ Ia kai i ligna pirakado ia, ma i tiri Iesu lena, O oi a tara mira ki ebeben mai?

³⁰ Iesu i wapua i lenkumi, Rā muana i wan pari taka Ierusalema korom Ieriko, i wan tau u diat a kum tenawerara; ma diat pā‐uai kon i a nuna kum malu, diat raputa i kai, ma diat wan kon i, ma i pot na minat ma.

³¹ Rā tenapinapet i wan u ra akapi kuma, ma ba i bobo i, i wan akit u ra papara kon i.

³² Lenkuma kai na tun Livai i peti; ba i wan u ra bual kuma, i bobo i, ma ia kai i wan akit u ra papara kon i.

³³ Rā te Samaria, ba i wan wetalut, i wan tau un i; ba i bobopa i, i mari akit i.

³⁴ I wan korom i, ma i pulubat a na kameg, ma i laboi uni a dăgi ma ra waine; i wakāpa i kai u ra nuna asa, ma i kip i u ra ruma na tol‐waira, ma i boboura i.

³⁵ U na buru bulug, i tari ru denarion korom a muana kuma ba a nuna na tol waira, ma i piri tana, Un boboura i; ma ra lig rap kai un warapuai un i, ba ag wan balet urin, ăg kelei balet tam.

³⁶ O oi na pa ditul kumi u kanapi a tara diara ki ebeben mai ma ra muana kuma i wan tau u diat a kum tenawerara?

³⁷ I piri tan Iesu, Ia ku ba i mari. Iesu i piri tana, Ui kai, un wan, un pet lenkuma.

MARITA MA MARIA.

³⁸ Ba diat wan u ra nudiat winawan, i wan pat u ra wanua‐na‐ruma Betania: ma i ruk u ra ruma a nun Marita.

³⁹ Ma ra tenawawina, Maria, i ki na ra kaki ra Tadaru, ma i walogoro a nuna pirapira.

⁴⁰ Ma Marita i talara tau u ra pam to kon; ma i wan korom Iesu, ma i piri tana, Tadaru, lelawai kuma u talbegta ku tenawawig, kuma i madekua iau, ma iau ku iau pam to kon? Un piri tana in toka waraut iau.

⁴¹ A Tadaru i piri tana, Marita, Marita, u talaratau, ma i lăklă kon a balam u ra magoro na utna:

⁴² ma rā lig ku i ka: ma Maria i tikanwalipa a koina lig kuma, pa in te in rakanuai kon i.