A Kelekele 103 - A Buk 1896 (Bible Portions)

A KELEKELE 103.

¹ A niog, un pirawalaua Ieova: ma ra lig rap i tana u ra balag, muat a pirawalaua a iana maramarek.

² A niog, un pirawalaua Ieova, koniku dumanuai a nuna maramari rap.

³ Kuma i unuai a num petakakai rap; I wakadelpa ui ko ra malapag rap ba i um ui;

⁴ I wekulbat a num lalaun ko ra winirua; I wapārikta ui ma ra maramari, ma ra kokoina lig;

⁵ I pet a maurupa ui ma ra kum wakwakak na lig; I pam a matakina a num baraman le ra ikeli.

⁶ Ieova in pam a lig i takado, ma ra nakakon nakuru u diat di ra diat.

⁷ I weata a makirana tan Mosese, ma ra nuna pinapam korom diat na tun Israelu.

⁸ Ieova a tenamaramari ma ra tenawewakua; Pa i kămkămiak kaka; A nuna maramari i buraburei.

⁹ Pa in lig liklik dat: ma pa in pet na kămkămiak u ra bugbug na wanua rap.

¹⁰ Pa i petpeti korom dat welwelara ma ra nudat pet akakai; Ma pa i balui korom dat a nudat wabulbul.

¹¹ Lenkuma a maua i naunau ko ra wanua, I gala lenkuma a nuna maramari korom diat rap diat taram korom i.

¹² Lenkuma a bual a make i irok pat uni i welwelik ut ko ra bual i lop uni, i kip igen a welwelik lenkuma ko dat a nudat petakakai.

¹³ Lenkuma a Tamana i mari na tunalik, Len kai kuma Ieova i mari diat rap diat taram korom i.

¹⁴ Kuma i nunura a panidat; I kodopoi lena, a kabu na pia ku dat.

¹⁵ A lalaun a nu ra tara i le ra uali; I taua le ra pupu na diwai.

¹⁶ Kuma ba dadaip i wan uni, din panai kupi; Ma ra gaiana pa in nunurai balet.

¹⁷ A maramari a nun Ieova taka narap utbai, Pa in rap kai korom diat diat buruta i, ma ra nuna petoduru korom a kum tabtabudiat;

¹⁸ Korom diat diat taram u ra nuna wepak, ma diat nukpa a nuna kum wetula ba diat a peti.

¹⁹ Ieova i pam a pătpătuanpa a nuna kinkini na tadaru u ra maua; A nuna matanitu i nakakon u ra kum lig rap.

²⁰ Muat a pirawalaua Ieova, muat a nuna kum agelo: Muat ba muat dekdek akit, ma muat pet a wewoatpa a nuna pirapira, muat taram bulug u ra nuna pirapira.

²¹ Muat a pirawalaua Ieova, muat a nuna kum tara rap; Muat kai a nuna kum wetula ba muat taram liklik korom i.

²² Muat a pirawalaua Ieova, a nuna kum pinapam rap, u ra rakrakan bual i ra nuna matanitu: A niog un pirawalaua Ieova.