Salmo 1 - Biblia en Quechua del norte de Conchucos

Libru 1 Salmo 1—41 Salmo 1 Dios Yaya munanqannö kawaq runa y jutsasapa runa imanö kanqan

¹ Dios Yaya munanqannö kawakuq runaqa kushishqam kawakun. Tsay runaqa llutan yätsikuqkunata manam cäsuntsu. Wakin runakuna jutsata rurayaptinpis payqa manam jutsata rurantsu. Llutankunata parlayaptinpis payqa manam llutanta parlantsu.

² Tsaypa rantinmi Dios Yayapa leyninkunata kushishqa cäsun. Paqasta junaqtam tsay leykunallapaq yarparan.

³ Tsay runaqa mayu kuchunchö plantashqa jachanö, tiempun chämuptin alli wayuqnö, y raprankunapis mana qarwatar imaypis lloqlluykaqnömi. Llapan imayka ruranqankunam allilla.

⁴ Peru jutsa ruraychö kawaqkunaqa manam tsaynötsu kawayan. Paykunam wayra apashqa tsaki päjanö kayan.

⁵ Paykunatam Dios Yaya juzganqa. Manam kuyanqan runatsu kayanqa.

⁶ Cäsukuqkunatam alli kawayänanpaq Dios Yaya yanapan. Jutsa ruraqkunatam sïqa jutsankunallachö ushakätsinqa.