Proverbios 1 - Teyta Diospa Willakïnin

Kë libru imapaq kanqan

¹ Këchömi qellqarëkan Israel nacionpa reynin Salomón parlashqan proverbiukuna. Pëqa karqan rey Davidpa tsurinmi.

² Kë proverbiukunata parlarqan nunakuna alli kawayänanpaq, llutankunata mana rurayänanpaq, käyitsikïkunata käyikuyänanpaq,

³ piñapäyashqankunata chaskikuyänanpaq, respetösu kayänanpaq, allillata rurayänanpaq y alli nuna kayänanpaqmi.

⁴ Tsënöllam kë proverbiukunata parlarqan mana käyikuq nunakuna käyikuyänanpaq, jövinkuna y shipashkuna alli yarpëyuq kayänanpaq.

⁵ Yachëyuq nunakunaqa kë proverbiukunata chaskikunmi. Tsënöpam mas käyikuq y yachëyuq tikrayan.

⁶ Tsënöllam yachaq nunakuna niyashqanta, iwalatsikïpa käyitsikuyashqanta y sasa käyiyänanpaq niyashqanta käyikun.

⁷ Yachëyuq këtaqa qallëkuntsik Teyta Diosta mantsakurmi. Mana yachëyuq nunaqa alli kawakïta y alli yachatsikïta manam chaskintsu.

Jutsata ruraq nunakuna käyitsikuyanqanta mana chaskinanpaq ninqan

⁸ Wamra, tëtëki willapäshunqëkita chaskikï. Mamëki yachatsishunqëkitapis ama qonqëtsu.

⁹ Pëkuna willapäyäshunqëkiqa kuyëllapaq corönanö y wallqanömi këkan.

¹⁰ Wamra, mana alli yanasakuna jutsa rurëman inkitayäshuptiki ama cäsïtsu.

¹¹ Pëkunaqa itsa inkitar niyäshunki: <

¹² Alli kawakuq nunakunatapis mana ankupashpa ushakäratsishun. Pïmëtapis sepultüra ayata tsaparkuqnö juklla ushakäratsishun.

¹³ Imëkankunatapis apakurmi rïcu tikrarishun. Wayintsikchöpis llutëpam imëkantsikpis kanqa.

¹⁴ Noqakunaman shamï rïcu tikrarinëkipaq. Llapan suwakushqantsiktam rakinakushun>>.

¹⁵ ¡Tsënö niyäshuptikipis ama cäsïtsu, wamra! ¡Llutanta niyäshuptiki pëkunapita witikuri!

¹⁶ Pëkunaqa mana allita rurayänanpaq rasmi ëqiyan. Nunakunata wanutsiyänanllapaqmi löcuyäkuyan.

¹⁷ Toqlla churanqantsikta rikarqa pishqukunapis manam yëkuyantsu.

¹⁸ Tsë nunakunaqa mana käyikurishpam kikinkunallapaq toqllatapis churëkäyan.

¹⁹ Tsënöllam ambiciösukunaqa rïcu kayänanpaq yarparëkäyashqanllachö ushakäyanqa.

Yachëyuq kananpaq käyitsinqan

²⁰ Alli yachëqa imëka willapäkuq nunanömi cällikunachö y pläzakunachöpis willakïkan.

²¹ Tsënöllam markaman yëkuna punkukunachö y nunakuna mas puriyashqan cällikunachö willapäkur nin:

²² <

²³ Llutanta mana rurayänëkipaq piñapäyashqaqta shumaq käyiyämë. Käyikuyaptikiqa yachëyuq kayänëkipaqmi käyitsiyashqëki.

²⁴ <

²⁵ Llutanta mana rurayänëkipaq willapäyaptiqpis manam chaskiyämarqunkitsu. Käyitsiyaptiqpis manam cäsuyämarqunkitsu.

²⁶ Tsëmi desgracia pasayäshuptiki ankupäyashqëkitsu. Asikurmi rikaräyashqëki pasëpa mantsakëwan yulaqashqa purikäyashqëkipita,

²⁷ jipakïkuna shamuptin alläpa mantsakäyashqëkipita y ima rurëtapis mana puëdir llakikuyashqëkipita. Tsë desgraciakuna pasayäshunki imëka shukukï vientu yurirkamur imëkatapis juklla apakushqannömi.

²⁸ <

²⁹ Desgracia pasayäshunki yachëyuq këta mana chaskikuyashqëkipitam y Teyta Diosta mana mantsakuyashqëkipitam.

³⁰ Qamkunaqa käyitsikïnïtapis manam chaskiyämarqunkitsu. Llutanta mana rurayänëkipaq piñapäyaptiqpis manam cäsuyämarqunkitsu.

³¹ Llutan ruraq kayashqëkipitam jipayanki. Jutsata rurayashqëkipitapis alläpam llakikuyanki.

³² <

³³ Käyitsishqäkunata chaskikuqkunaqa allim kawayanqa. Pëkunataqa manam ima desgraciapis pasayanqatsu>>.