Mateo 1 - Teyta Diospa Willakïnin

Jesúspa unë castankuna pï kayanqanpis

¹ Abrahampita y rey Davidpita miraq Jesucristupa unë castankuna këkunam kayarqan:

² Abrahampa tsurinmi karqan Isaac. Isaacpa tsurinnam karqan Jacob. Jacobpa tsurinnam karqan Judá y wawqinkunapis.

³ Judápa tsurinkunanam kayarqan Fareswan Zara. Pëkunapa mamäninmi karqan Tamar. Farespa tsurinnam karqan Esrom. Esrompa tsurinnam karqan Aram.

⁴ Arampa tsurinnam karqan Aminadab. Aminadabpa tsurinnam karqan Naasón. Naasónpa tsurinnam karqan Salmón.

⁵ Salmónpa tsurinnam karqan Booz. Boozpa mamäninmi karqan Rahab. Boozpa tsurinnam karqan Obed. Obedpa mamäninmi karqan Rut. Obedpa tsurinnam karqan Isaí.

⁶ Isaípa tsurinnam karqan rey David. Rey Davidpa tsurinnam karqan Salomón. Salomónpa mamäninmi karqan Uríaspa pajun.

⁷ Salomónpa tsurinnam karqan Roboam. Roboampa tsurinnam karqan Abías. Abíaspa tsurinnam karqan Asa.

⁸ Asapa tsurinnam karqan Josafat. Josafatpa tsurinnam karqan Joram. Jorampa tsurinnam karqan Uzías.

⁹ Uzíaspa tsurinnam karqan Jotam. Jotampa tsurinnam karqan Acaz. Acazpa tsurinnam karqan Ezequías.

¹⁰ Ezequíaspa tsurinnam karqan Manasés. Manaséspa tsurinnam karqan Amón. Amónpa tsurinnam karqan Josías.

¹¹ Josíaspa tsurinnam karqan Jeconías y wawqinkunapis. Jeconías kawashqan witsanmi Israel nunakunata tsarïkur Babilonia soldädukuna nacionninman prësu apakuyarqan.

¹² Tsëchönam Jeconíaspa tsurin Salatiel yurikurqan. Salatielpa tsurinnam karqan Zorobabel.

¹³ Zorobabelpa tsurinnam karqan Abiud. Abiudpa tsurinnam karqan Eliaquim. Eliaquimpa tsurinnam karqan Azor.

¹⁴ Azorpa tsurinnam karqan Sadoc. Sadocpa tsurinnam karqan Aquim. Aquimpa tsurinnam karqan Eliud.

¹⁵ Eliudpa tsurinnam karqan Eleazar. Eleazarpa tsurinnam karqan Matán. Matánpa tsurinnam karqan Jacob.

¹⁶ Jacobpa tsurinnam karqan Maríapa qowan José. Maríapa wawanmi karqan Jesús. Pëmi karqan Teyta Dios kachamushqan Cristo.

¹⁷ Abraham kawashqan witsanpita David yurikushqanyaqmi juk chunka chusku generacionkuna karqan. Tsënöllam David kawashqan witsanpita Israel nunakunata Babiloniaman apakuyashqan karqan juk chunka chusku generacionkuna. Tsënöllam Babiloniaman apakuyashqan witsanpita Jesucristo yurikushqanyaqpis juk chunka chusku generacionkuna karqan.

Jesús yurikunqan

¹⁸ Këchömi qellqarëkan Jesucristo manaraq yurikuptin ima pasakushqanpis. Joséwan casakuyänanpaq María parlashqanam kayarqan. Joséwan manaraq juntakarmi Espíritu Santupa poderninwan qeshyaq tikrarqan.

¹⁹ Joséqa alli nuna karmi Maríata mana desonranan rëkur pakëllapa jaqirita yarparqan.

²⁰ Tsënö yarpakachëkaptinmi Teyta Diospa angelnin Joséta suëñïninchö kënö nirqan: <

²¹ Ollqutam qeshpikunqa. Pëman markäkuqkunata jutsankunapita salvananpaq kaptinmi tsë wamrapa shutin churanki Jesústa>>.

²² Llapanpis tsënö pasarqan profëtanwan Teyta Dios kënö nishqan cumplikänanpaqmi:

²³ <>. (Emanuel ninanqa Teyta Dios noqantsikwan këkan ninanmi.)

²⁴ Tsënö niptinmi José punïkashqanpita riyarkamur Teyta Diospa angelnin nishqannölla Maríata warminpaq ëllukurkurqan.

²⁵ Maríawan tärarpis wawan yurikushqanyaq manam punuyarqanraqtsu. Wamra yuririptinnam shutin churarqan Jesústa.