Hechos 1 - Teyta Diospa Willakïnin

Espíritu Santuta chaskikuyänanpaq willanqan

¹ Tëta Teófilo, punta kaq libruchömi qellqamurqä Jesús llapan rurashqankunata y yachatsikushqankunata. Tsëkunatam rurarqan y yachatsikurqan willakur qallashqanpita

² ciëluman ewkushqan junaqyaq. Ciëluman manaraq ewkurmi akrashqan apostolninkunata Espíritu Santupa poderninwan käyitsirqan imata rurayänanpaq kaqtapis.

³ Wanushqanpita kawarirkamurmi pëkunata yuripurqan chusku chunka (40) junaqyaq. Rasunpa kawëkashqanta creyiyänanpaqmi tukïnöpa yachatsirqan. Tsënöllam Teyta Diospa mandakïninpaqpis shumaq käyitsirqan.

⁴ Apostolninkunawan këkarmi Jesús kënö nirqan: <

⁵ Juanqa yakullawanmi bautizarqan. Qamkunaqa Espíritu Santuwanmi bautizashqa kayanki. Tsënö bautizashqa kayänëkipaqqa ichikllanam pishikan>>.

Ciëluman Jesús kutikunqan

⁶ Jesúswan ëllukashqa këkaqkunanam tapuyarqan: <> nir.

⁷ Jesúsnam nirqan: <

⁸ Tsënö kaptinpis Espíritu Santu qamkunaman shamuptinmi poderninta chaskiyanki. Chaskirirnam willakïnïta willakuyanki Jerusalénchö, jinantin Judeachö, Samariachö y llapan markakunachöpis>>.

⁹ Tsënö parlar usharirmi pallarikar qallëkurqan. Rikarëkäyaptinmi pukutë rurinman yëkur illakärirqan.

¹⁰ Tsënö këkäyaptinmi yulaq ratashllashqa ishkaq nunakuna juklla yurirkur

¹¹ niyarqan: <>.

Judaspa rantin apóstol kananpaq Matíasta akrayanqan

¹² Tsëpitam Olivos jirkachö këkäyashqanpita apostolkuna Jerusalénman kutikuyarqan. Tsë jirkapita Jerusalénmanqa manam alläpa karutsu karqan, sinöqa jamakï junaqchö puriyashqannöllam.

¹³ Chärirmi witsäyarqan posadaräyashqan altuman. Pëkunam kayarqan Pedro, Juan, Santiago, Andrés, Felipe, Tomás, Bartolomé, Mateo, Alfeupa tsurin Santiago, Zelote niyashqan Simón y Santiagupa tsurin Judas.

¹⁴ Pëkunam Jesúspa maman Maríawan, Jesúspa wawqinkunawan y wakin warmikunawanpis Teyta Diosta mañakuyänanpaq imëpis ëllukäyaq.

¹⁵ Tsë junaqkunam Jesúsman markäkuqkuna juk pachak ishkë chunkanö (120) ëllukäyaptin Pedro shärirkur nirqan:

¹⁶ <

¹⁷ Judasqa noqakunawanmi purirqan. Pëtapis apóstol kananpaqmi Jesús akrarqan>>.

¹⁸ (Jesústa rantikushqan qellëta Judas kutitsishqanwanmi chakrata rantiyarqan. Judasqa urë senqapa jeqaptinmi pachan pashtarirqan y aqishninpis witsikärirqan.

¹⁹ Tsëta musyarmi Jerusalénchö täraq nunakuna tsë chakrapa shutin churayarqan Acéldama shutin kananpaq. Pëkunapa idiömanchö Acéldama ninanqa Yawar Pampa ninanmi.)

²⁰ <. Maspis kënömi qellqarëkan: .

²¹ <

²² Tsënölla Jesústa Juan bautizashqanpita patsa ciëluman kutikushqanyaq qatiraq katsun. Tsë nunata churashun noqakunanö apóstol kar Jesús kawarimushqanta willakur purinanpaq>>.

²³ Tsënö niptinmi ishkaq nunakunata akrayarqan. Jukmi karqan Matías. Juk kaqnam karqan José. Wakin nunakuna Joséta Barsabás niyaq y wakinnam Justo niyaq.

²⁴ Tsëpitanam Teyta Diosta mañakur niyarqan: <

²⁵ Akrashqëki nunam apostolniki kanqa Judas Iscariotipa rantin. Judasqa apóstol këninta mana cumplirmi wanïman ewkushqa>>.

²⁶ Tsënö mañakurir sortiyayaptinmi Matíaspaq yarqurqan. Matíaswanmi apostolkuna yapë chunka ishkë kayarqan.