Éxodo 1 - Teyta Diospa Willakïnin

Egiptuchö Israel nunakuna mirayanqan

¹ Egiptuman Jacob ewkuptinmi llapan tsurinkunapis warmintin tsurintin ëwayarqan. Jacobpa tsurinkunapa shutinkunam kayarqan

² Rubén, Simeón, Leví, Judá,

³ Isacar, Zabulón, Benjamín,

⁴ Dan, Neftalí, Gad y Aser.

⁵ Jacobqa tsurinkunawan y willkankunawanmi Egiptuman qanchis chunka (70) chäyarqan. Tsurin Joséqa Egiptuchönam këkarqan.

⁶ Tsëchömi wanukurqan Josépis, wawqinkunapis y pëkunawan chaqkunapis.

⁷ Pëkunapa tsurinkunapita miraqkunam alläpa mirar atska kayarqan.

Egiptuchö Israel nunakuna jipayanqan

⁸ Tsëpitanam Egiptuchö juk rey yëkurirqan. Pëqa manam musyarqantsu José pï kanqantapis. Tsëmi Egipto nunakunata nirqan:

⁹ <

¹⁰ Imatapis rurashun mana alläpa mirayänanpaq. Tsënölla mirarqa contrantsik tikrarmi chikimaqnintsikkunawan juntakarkur guërrachö vencimarnintsik safar ewkuyanqa>>.

¹¹ Tsënö parlarirmi capatazkunata churayarqan Israel nunakunata maqarkuryan uryatsiyänanpaq. Tsënö uryatsirmi Pitón y Ramesés markakunata sharkatsiyarqan. Tsë markakunachömi karqan Faraónpa mikï churakunan tröjakuna.

¹² Alläpa jipatsiptinpis Israel nunakunaqa masran mirayarqan. Tsënö mirayaptinmi Egipto nunakuna alläpa mantsakuyarqan.

¹³ Tsëmi mas afán uryëkunachöna uryatsiyarqan.

¹⁴ Alläpam jipatsiyarqan leqitata ruratsir, tikata sutatsir y chakrankunachöpis uryatsir. Tsënö uryatsirmi Israel nunakunata alläpa jipatsiyarqan.

¹⁵ Tsënöllam Egipto nacionpa reynin qayatsirqan Sifratawan Fúata. Pëkunaqa hebrea warmikunapa partërankunam kayarqan. Pëkunatam nirqan:

¹⁶ <>.

¹⁷ Tsënö nikaptinpis partërakunaqa Teyta Diosta mantsakurninmi Egipto nacionpa reynin ninqanta rurayarqantsu. Tsëmi ollqu yurikuptinpis wanutsiyarqantsu.

¹⁸ Tsëta musyarirnam Egipto nacionpa reynin yapë qayëkatsir partërakunata nirqan: <<¿Imanirtaq ollqu yuriqkunata wanutsiyankitsu?>>

¹⁹ Tsënö niptinmi niyarqan: <>.

²⁰ Tsënöpam Israel nunakunaqa atskaman mirar alläpa mantsëpaq tikrakuriyarqan.

²¹ Teyta Diosta mantsakur ollqu yuriqkunata mana wanutsiyanqanpitam partërakunapa castankuna atskaman mirayänanpaq Teyta Dios yanaparqan.

²² Tsëmi llapan Egipto nunakunata Faraón nirqan: <>.