Ester 1 - Teyta Diospa Willakïnin

Atska mikïkunata rey Asuero arutsinqan

¹ Juk reymi karqan Asuero shutiyuq. Pëmi India nacionpita qallëkur hasta Etiopía nacionyaq juk pachak ishkë chunka qanchis (127) provinciakunapa reynin karqan.

² Rey Asueruqa Susa markapitam llapan tsë provinciakunata mandarqan.

³ Kima wata mandakuq këkarnam fiestata rey Asuero ruratsirqan llapan yanapaqninkunapaq, Persiachö y Mediachö soldädukunapa capitanninkunapaq y provinciakunachö autoridäninkunapaqpis.

⁴ Tsë fiestata joqta killam ruratsirqan alläpa rïcu y poderyuq kashqanta nunakuna musyayänanpaq.

⁵ Tsë fiestata rurar usharirnam Susa markachö täraq nunakunatana rey Asuero qayatsirqan palaciunpa patiunchö qanchis junaq fiestata rurar mikuyänanpaq. Tsënam rïcupis waktsapis tsëman ëwayarqan.

⁶ Palaciupa patiunchömi juk ramädata yulaq y azul fïnu toldukunawan qatayarqan. Lïnupita rurashqa granäti cordonkunawanmi tsë toldukuna wataräyarqan qellëpita rurashqa argöllakunaman. Tsë argöllakunam marmolpita rurashqa columnakunachö laqaräyarqan. Qoripita y qellëpita rurashqam kuyëllapaq bancakunapis tsëchö karqan. Tsë patiupa pïsunmi adornararqan kuyëllapaq llapsha rumikunawan, pórfido rumikunawan y yulaq y yana marmolkunawan.

⁷ Rey Asueruqa vïnutapis atska atskatam qoripita rurashqa cöpakunawan qarakatsirqan. Cada cöpam juk niraq juk niraq rurashqa karqan.

⁸ Vïnuta qarakuqkunatanam rey Asueruqa nirqan upïta munaq kaqllata uputsinanpaq y mana upïta munaq kaqtaqa mana uputsinanpaq.

⁹ Tsë invitanqan nunakunapa warminkunapaqnam reina Vastipis mikïkunata arïkatsirqan. Pëkunaqa rey Asuerupa palaciun rurichömi mikuyarqan.

Reina këninpita Vastita qarqunqan

¹⁰ Fiesta qallashqanpita qanchis junaqtanam rey Asuero shinkashqa këkar confiakushqan kaq qanchis eunucu nunakunata qayatsirqan. Pëkuna kayarqan Mehumán, Bizta, Harbona, Bigtán, Abagta, Zetar y Carcas.

¹¹ Chäriyaptinmi tsë nunakunata kacharqan warmin Vastita corönan yakashqallata pushayämunanpaq. Lluta nunakunapis y autoridäkunapis Vasti kuyëllapaq kashqanta rikäyänanpaqmi tsëman pushayänanpaq nirqan.

¹² Pushayänanpaq qanchis eunucu nunakunata rey kachëkaptinpis Vastiqa manam ëwëta munarqantsu. Ëwëta mana munashqanta willayaptinmi rey Asueruqa alläpa piñarqan.

¹³ Tsë tiempum imapis kaptinqa leykunata musyaqkuna reyta imëpis käyitsiyaq. Tsëmi pëkunata rey qayatsirqan imata rurananpaq kashqantapis käyitsiyänanpaq.

¹⁴ Leyta musyaq nunakunachömi rey Asuerupa mas precisaq yanasankuna kayarqan Carsena, Setar, Admata, Tarsis, Meres, Marsena y Memucán. Tsë nunakunaqa Persiachö y Mediachö respetashqa nunakunam kayarqan. Pëkunam reypa käyitsiqninkuna y yanapaqnin autoridäkuna kayarqan.

¹⁵ Pëkunatam rey Asuero kënö tapukurqan: <>

¹⁶ Tsënö tapukuptinnam yanapaqnin autoridäkunapa nöpanchö rey Asueruta Memucán kënö nirqan: <

¹⁷ Reina Vasti mana cäsushqanta musyarirqa wakin warmikunapis tsënöllam qowankunata cäsuyanqatsu. Mana cäsukurmi niyanqa: .

¹⁸ Persiachö y Mediachö yanapashuqniki autoridäkunapa warminkunapis reina Vasti tsënö rurashqanta musyarirqa qowankunata mananam cäsuyanqatsu. Tsënö rurayaptinqa mana käyinakur liryakurllam kawakuyanqa.

¹⁹ <

²⁰ Tsë leyta mëtsëchöpis mandakushqëki kaqchö musyatsishun. Tsëta musyarmi warmikuna mantsakur qowankunata kapuqyuq kaptinpis waktsa kaptinpis respetayanqa>>.

²¹ Memucán tsënö niptinmi rey Asuero y yanapaqninkunapis <> niyarqan. Tsëmi tsë käyitsishqannölla llapanta qellqarir

²² ordinta apatsirqan mandakushqan kaqmanqa jinantin provinciakunaman. Tsë órden qellqararqan kikinkunapa idiömankunachömi y imanöpis qellqayashqan estïlunkunachömi. Tsë ordinmi nirqan llapan ollqukuna warminkunata munëninchö tsararäyänanpaq.