Daniel 1 - Teyta Diospa Willakïnin

Yanasankunawan Babiloniachö Daniel kayanqan

¹ Judá nacionchö kima watana Joacim rey këkaptinmi Babilonia nacionpa reynin Nabucodonosor soldädunkunawan Jerusalénman chëkur tumariq jarkaräyarqan.

² Teyta Diosmi permitirqan rey Joacimta Nabucodonosor prësu tsarinanpaq y Diospa templunpita wakin inshinakunata apakunanpaq. Tsëkunatam Babiloniaman apëkur diosninkunapa templunchö këkaq almacén cuartuman churarqan.

³ Tsënöllam eunucukunapa mandakuqnin Aspenazta Nabucodonosor nirqan prësu apayashqan wakin Israel jövinkunata palaciuman pushananpaq. Wakin jövinkunaqa Israel reypa castanmi kayarqan y wakinnam Israelchö rïcu nunakunapa castan kayarqan.

⁴ Tsë akrayashqan jövinkunam kayarqan sänu, kuyëllapaq, shumaq yachëyuq, yachatsiyaptin juklla yachakuq y alli käyikuq. Tsëmi pëkuna alli kayarqan reypa palaciunchö sirwiyänanpaq, Babilonia nunakuna qellqayashqankunata estudiayänanpaq y parlayashqan idiömata yachakuyänanpaq.

⁵ Rey Nabucodonosormi mandarqan palaciuchö aruyashqan mikïkunata tsë jövinkuna waran waran mikuyänanpaq y vïnuta upuyänanpaq. Tsënöllam mandarqan kima wata shumaq yachakurir palaciuchö pëta sirwiyänanpaq.

⁶ Tsë akrashqan jövinkunachömi këkäyarqan Daniel, Ananías, Misael y Azarías. Pëkunaqa Judápitam kayarqan.

⁷ Pëkunapa shutintam Aspenaz trocapurqan. Tsëmi Danielpa shutinta trocarqan Beltsasar kananpaq, Ananíaspatanam Sadrac kananpaq, Misaelpatanam Mesac kananpaq y Azaríaspatanam Abed-nego kananpaq.

⁸ Danielmi impüru këta mana munar yarpakurkurqan reypa mikïninta mana mikunanpaq y vïnuntapis mana upunanpaq. Tsëmi Aspenazta rowakurqan tsë mikïkunata mana qarananpaq.

⁹ Teyta Dios yanapaptinmi Danielqa Aspenazwan yachanänakuyarqan.

¹⁰ Tsënö rowakuptinmi Aspenaz kënö nirqan: <>.

¹¹ Tsënö niptinmi cuidaqnin nunatana Daniel rowakurqan. Tsë nunatam mandakuq Aspenaz churarqan Danielta, Ananíasta, Misaelta y Azaríasta cuidananpaq. Rowakurmi Daniel kënö nirqan:

¹² <

¹³ Tsë chunka junaq pasariptin reypa mikïninta mikuq jövinkunatawan iwalatsiyämë imanö këkäyashqätapis rikäyämänëkipaq. Pëkunapita mas alli kayaptïqa mañakushqaqnölla qarayämanki>>.

¹⁴ Tsëmi cuidaqnin nuna änirir mañakuyashqannölla chunka junaq qararqan.

¹⁵ Chunka junaq cumpliriptinnam rey churashqan mikïta mikuqkunapitapis mas jövin jövin këkäyarqan.

¹⁶ Tsëmi jövinkunata cuidaq nunaqa reypa mikïninta y vïnunta tsë jövinkunata qararqantsu, sinöqa verdürallatam qararqan.

¹⁷ Tsë chuskun jövinkunata Teyta Dios yachëninkuna qormi yanaparqan Babilonia nunakuna qellqayashqan röllukunata leyiyänanpaq y yachatsikushqankunata shumaq yachakuyänanpaq. Tsënöllam Danielta yanaparqan pipis revelación chaskishqanta käyirinanpaq y nunakuna imapaq suëñuyashqantapis musyananpaq.

¹⁸ Rey Nabucodonosor nishqannö kima wata yacharatsirnam rey kaqman tsë jövinkunata Aspenaz pusharqan.

¹⁹ Danielwan, Ananíaswan, Misaelwan y Azaríaswan parlarirnam reyqa käyirirqan llapan jövinkunapitapis alli yachaq kayashqanta. Tsëmi pëkunata churarqan yanapaqnin kayänanpaq.

²⁰ Alläpa sasa kaqkunata rey tapuptinmi mëtsëchö brüjukunapita y suerti qatiqkunapitapis chunka kuti mas käyiyarqan.

²¹ Tsënöpam Danielqa Babiloniachö tärarqan rey Ciro punta kaq wata mandakushqan witsanyaq.