2 Pedro 1 - Quechua Ancash New Testament

¹ Noqa Simon Pedru, Jesukristupa sirweqnin i apostulnin, Dyosnintsik i Salbador Jesukristupa justisyanpa, juk shumaqlla kreyikiyta noqantsikpanow tarishqakunata:

² Grasya i yamey key mirayápushiy, Dyos i Señornintsik Jesukristu reqichow.

Kristiyanu kaweypa báleq keyninkuna

³ Imanowmi llapan kosaskuna pertenesin kaweyta i ankupákiyta qomashqantsik dibina pwedeq keyninpa, taqey reqikiyninpa qayamaqnintsikpa gloryampa i alli keyninpa,

⁴ tseykunapam qomarqontsik shumaq i allápa jatun ánikiykunata, tseykunapam cháyanki dibínu key, partisipaq munduchow lluta muneykunareykur ismípita safashqa karnin;

⁵ qamkunapis, alli muneyta churar keypaq, yapayey kreyikiynikikunaman, alli keyta; alli keymanna, reqikiyta;

⁶ reqikiymanna, kikinta dominakiy; kikinta dominakiymanna, pasensyata; pasensyamanna, ankupákiyta;

⁷ ankupákiymanna; kastanow kuyakiyta, kastanow kuyakiymanna, kuyakiyta.

⁸ Keykunatsun keykanqa qamkunachow, i atskayan, manam jaqiyáshunkitsu qela keyta ni mana wayíyoqta Señornintsik Jesukristu reqichow.

⁹ Peru keykunata mana katseqqa ichikllam rikeynin, wiskum, uney jutsankunata paqanqanta qonqarishpa.

¹⁰ Tseyreykur wawqikuna, masraq prokurayey firmiyátsita qareynikikunata i akrayáshonqeykita; keykunata rurarqa manam ishkiyankitsu ni imey.

¹¹ Keynowpam qoyáshunki jatunpa i atskapa yeykiyta Señornintsik i Salbador Jesukristupa wiñey reynunman.

¹² Keyreykurmi, noqa manam jaqishaqtsu imeypis yarpátsiyarnikikuna key kosaskunata qamkuna musyayaptikipis, i patsakashqa keykáyaptiki kanan rasonpa kaqchow.

¹³ Justupam katsiy, key kwerpuchow keykanqáyaq, piñapeywan riyatsiyarnikiy;

¹⁴ musyarnin ichikllanam key kwerpúta jaqiriná keykaptin, Señornintsik Jesukristu willamanqannow.

¹⁵ Noqapis prokurashaqmi ajallana ewkonqápita qamkuna pwediyankim katsita imeypis keykunata yarpáyáneykipaq.

Apostulkunapa willakiynin

¹⁶ Manam reqitsiyarqaq poderta i Señornintsik Jesukristupa shamininta kwentukuna rurashqata qatirtsu, sinowqa nawíkunawan rikashqanow jatun keyninta.

¹⁷ Imeymi pey almirakiypa gloryapita chaskirqan Teyta Dyospita onrata i gloryata, kachamushqa karqan peyman juk bos nishpa: “Keymi key kuyey Tsuriy, peychowmi kapaman kushikiyní.”

¹⁸ I noqakunam wiyayarqá syélupita key bosta, santu montichow peywan keykáyaptí.

Eskritúrakunapa willakiynin

¹⁹ Kapamantsikmi jina profesiya palabra más seguru, allita rurayanki mákoqlla keywan imeyka ampichow antorcha aktsimoqtanow, junaq kláruyanqanyaq i qoya qoyllurpa aktsin shonqiykikunachow yurimonqanyaq;

²⁰ keyta puntata káyirir, ni meyqan profesiyan Eskritúrapa manam ni pipa káyikiynintsu,

²¹ profesiyaqa manam ni imey apamushqatsu karqon nunakunapa muneyninpa, sinowqa Dyospa santu nunankunam parlayarqan Espíritu Santupa káyitsishqa kar.