Salmos 1 - Q'eqchi Bible

SAALM 1 Li wiib' chi b'e

¹ Us xaq reheb' li ink'a' naxik xch'ooleb' chirix xtakchi' li ink'a' useb' xna'leb', chi moko neke'wank sa' xb'eheb' laj maak, ut ink'a' neke'hilank sa' xch'utameb' li neke'xmajewa li Yos,

² neke'xtaw b'an xsahilaleb' xch'ool rik'in xchaq'rab' li Qaawa', neke'xk'oxla rix li raatin ut neke'xtzol chi q'eq ut chi kutan!

³ Chanchaneb' jun toon chi che' awb'il chire roq nima', li na'uuchink sa' xq'ehil ut ink'a' natz'umaak li xxaq: us neke'elk rik'in chixjunil li neke'xb'aanu.

⁴ Moko jo'kaneb' ta li ink'a' useb' xna'leb', chanchaneb' b'an li k'im li nak'ame'k xb'aan iq'.

⁵ Jo'kan naq eb' li yib'ru xna'leb' ink'a' te'xkuy naq taachalq li raqb'a aatin sa' xb'eeneb', chi moko te'wanq laj maak sa' xkomonil li tiikeb' xch'ool.

⁶ Xb'aan naq li Qaawa' naxk'aak'ale xb'eheb' li tiikeb' ru xyu'am, a'ut li xb'eheb' li ink'a' useb' taasachq chi junwaakaj.