SALMOS 1 - Diospa Simin Qelqa

Ñawpaqkaq Qelqa 1-41 Cheqaq kusisamiyoq kanamanta

¹ Kusisamiyoqmi millay runakunaq yuyaychayninta mana hap'ikuqqa, manataq huchasapakunaq purinanpipas puriysikuqqa, manallataq Diosta asipayaqkunawanpas tiyaysikuqqa.

² Payqa Señor Diospa kamachikuy siminwanmi kusikun, chaytan tutapas p'unchaypas yuyaymanan.

³ Payqa mayu patapi sach'a hinan, rurunanpin rurun, raphinpas q'omerllapunin kashan. ¡Imapas ruwasqanqa allinyanpunin!

⁴ Millay runakunaqa manan chay hinachu kanku, paykunaqa wayraq apasqan ñut'u paja hinan kanku.

⁵ Chaymi paykunaqa taripay p'unchaypi huchachasqapuni kanqaku, huchasapakunaqa manan chanin runakunawan rikhurinqakuchu,

⁶ Señor Diosqa chanin runakunaq puriynintan waqaychan, millay runakunaq puriyninmi ichaqa qollupunqa.