စဇ့ၭဖနဲအၫအလံၬ. 1 - Pwo Kayin Bible

1 ယွၩအဆၧစ့ၩရၫ့အမုနံၩ.

¹ ယဟိဝၩအလူလၧအလၩ့ဘၪစဇ့ၭဖနဲအၫ, စကု ၡဲၫအဖိၪခွၫ,စဂ့ၭဒလဲအၫအဖိၪခွၫ, စအၫမရဲအၫအဖိၪ ခွၫ,စဟ့ၭဇခဲအၫအဖိၪခွၫ, လၧယုဒၫအစဎွၩအၫမၧၫ့

² အဖိၪခွၫ, စယိၫစဲအၫအမုနံၩလဖၪအဖၧၩ့နီၪး- ယမိ မၩလူၬခွံၬကယဲဆၧအီၪ လၧထံၫၥံၪခးၥံၪအဖၧၩ့ယဟိ

³ ဝၩစံၭဝ့ၪဒၪ.- ယမိမၩလူၬခွံၬၦၡၩဒဲဆၧဖိၪဆၧဎါ,ယ မိမၩလူၬခွံၬထိၪၥံၪလံၪၥံၪလၧမူၭဖိၭဖၫ့, ဒဲဒ့ၪၥံၪယၪ ၥံၪလၧမၫဆမံၭအဖၧၩ့, ဒဲခၪ့ဘၪထၧၩ့အလးနီၪ, ဒဲၦ လတီၩလလီၩ့ဘၪတၭ, ယမိဒၪ့ထ့ၬခွံၬၦၡၩလၧထံၫ

⁴ ၥံၪခးၥံၪအဖၧၩ့နီၪ, ယဟိဝၩစံၭဝ့ၫဒၪ.- ယမိယၩ့ထၪ့ ယစူၪထၫ့ဒၩယုဒၫဒဲကယဲၦယရုစလံၫ့ဖိၪတၭ, ယမိဒၪ့ ထ့ၬခွံၬဆၧအီၪလၩ့ထးဘၪဆဲၫ့ လၧဘၫအလၭလၧအ လးထီးယီၩ,ဆၧဂၩ့အၡၩလုဆၧအမံၩ့, ဒဲၦလုဆၧအ

⁵ ဂူၫဂၩ.- ဒဲၦလၧအဘၩထၪ့မူၭခိၪ အဆၧၥုၭမုခမျၧး လၧဂံၪ့ခိၪ, ဒဲၦလၧအဘၩထၪ့ဆၧဒဲဆိၪလၩ့အၥၭလၧ ယဟိဝၩအမ့ၬယၫ, ဒဲၦလၧအဆိၪလၩ့အၥၭ လၧအ

⁶ ဆၧဂၩ့မိလီၭအမ့ၬယၫ,- ဒဲၦလၧအကၠၪခွံၬအၥၭလၧ ယဟိဝၩ,ဒဲလအၪ့ဎၬဘၪယူၭယဟိဝၩတၭ, အၪ့စၪ့ ဘၪယူၭအဝ့ၫနီၪဆ့အ့ၬ.

⁷ အီၪလၩ့မါပံၭလၧကဆါယဟိဝၩအမ့ၬယၫဆံၭ. အဂဲးဘဲၫယီၩ ယဟိဝၩအမုလနံၩအီၪဘူၭထၪ့ယူၭး အဂဲးဘဲၫယီၩ ယဟိဝၩတဲၩ့ဝဲၩဆၧလုတၭ, အီၪက့ၪ

⁸ ဆံၫ့ဎံၪယူၭၦလၧအကိၭဝ့ၫယူၭ.- လၧယဟိဝၩအဆၧ လုအမုလနံၩနီၪ ဆၧမိမၩအၥၭလၧယမိစ့ၩရၫ့စၪၦအ ခိၪ,ဒဲစဎွၩအဖိၪအလံၩ, ဒဲကယဲၦလၧအကီၩ့ထၪ့ၥိၭ

⁹ ထၪ့ၦလခီၫဘၩ့မုးဖိၪအကီၩ့အၥိၭလီၫ.- ဆၧလၧမုလ နံၩနီၪ ယမိစ့ၩရၫ့စၪကယဲၦလၧအဖုၫဖၬတရၫ့ခၧၪ့, ၦ လၧအမၩဎွ့ၩအကဆါအဂံၪ့ၥံၪ, ဒဲဆၧမၩန့ဆီၪ့ဒဲဆၧ

¹⁰ အၪ့လီၫဆၧလီၫ.- ယဟိဝၩစံၭဝ့ၫဒၪ, ဆၧလၧမုလနံၩ နီၪဆၧမိမၩအၥၭ လၧဆၧကိၭၡၭထၪ့ မိၥီၫထၪ့လၧ တရၫ့ယၪ, ဒဲဆၧမိဂၪ့ကိၭၡၭ လၧဆၧနံၫမံၩ့လမံၩ့နီၪ တၭ,ဆၧလၩ့ဎီးဖၭဒိၪမိၥီၫထၪ့ လၧဆၧစီၩ့ခိၪလဖၪနီၪ

¹¹ လီၫ.- ၦအီၪဝ့ၫလၧမၭကတ့ၭၥံၪဧ့, အိၩ့ယိၩ့ထၪ့ဆံၭး အဂဲးဘဲၫယီၩ ၦကၫနအၫ့ဖိၪဘၪဆၧမၩဂၭဂီၩ့ခွံၬဝ့ၫ ထီးအလူၬ, ကယဲၦလၧအဆိၬစ့ၩ ဘၪဆၧဒၪ့ထ့ၬခွံၬ

¹² ထီးအလူၬလီၫ.- အဆၧၫ့အထီထီးနီၪယမိအၪ့ဎၬဆၧ လၧယရုစလံၫ့အဖၧၩ့လၧမ့ၪဒိၩ့, ဒဲစ့ၩရၫ့စၪၦလၧအ အီၪဒၪအဆၧ လၧအစံၭလၧအၥၭခံဖၧၩ့, ဆၧအဂ့ၩမွဲ

¹³ ဂ့ၩ,ဆၧအအၧၩ့မွဲဂ့ၩ, ယဟိဝၩမၩဝ့ၫအ့ၬ.- မၩအၥၭ ဘဲၫနီၪတၭ, အဝ့ၫၥံၪအဆၧဖိၪဆၧလံၩမိကဲၪထၪ့ဆၧ အၪ့ဂူၬဆီၪ့, ဒဲအဂံၪ့လဖၪနီၪ မိကဲၪထၪ့ဆၧအီၪယူဝ့ၫ လီၫ.အဝ့ၫၥံၪမိၥုၪ့ဘၪဂံၪ့လါနၫ့တၭ, အီၪဘၪဝ့ၫလၧ အဖၧၩ့အ့ၬး မိၥုၪ့စဘံၭအမုလါနၫ့တၭ, အီၩဘၪစဘံၭ ထံၫအ့ၬ.

¹⁴ ယဟိဝၩအမုနံၩဖၭဒိၪလနံၩ အီၪဘူၭထၪ့ယူၭတၭ, ဂဲၫဝ့ၫချဲၫ့ချဲၫ့လီၫ. ယဟိဝၩအမုလနံၩ အၥီၫတၭ, ၦ

¹⁵ အဆီၪ့ကိၭၡၭထၪ့နၭနၭလ့ၬလီၫ.- ဆၧလၧမုလနံၩနီၪ မွဲဆၧၥၭခဲၩထၪ့အမုလနံၩ, ဆၧခိဆၧဝီၩ,ဒဲဆၧဘၪၡၪ့ ဘၪနၭအမုလနံၩ, ဆၧအီၪယူဒဲဆၧလၩ့ၡၪအမုလနံၩ, ဆၧခံၭဒဲဆၧအုၭဎုၬအမုလနံၩ, ဆၧအုၪ့ဒဲဆၧခံၭၥၧၫ့

¹⁶ အမုလနံၩ,- ခွ့ၩအၥီၫဒဲဆၧကိၭၡၭထၪ့အမုလနံၩထၫ့

¹⁷ ဒၩဒိၩ့အီၪလၧအခိၪဒၧၩ့, ဒဲတၨၭထီၫလီၫ.- ယမိဒုၭ ဘၪဆၧခိဆၧဝီၩ လၧၦၡၩအလီၩ့တၭ, မိလ့ၩဆၧဘဲၫ ၦမ့ၬဘျီၪအၥိၭနီၪလီၫ. မွဲအမၩမၪဘၪယဟိဝၩတၭ, ဆၧမိဂါလၩ့အၥွံၪ ဘဲၫဂၪ့ခိၪအမုၬအၥိၭနီၪတၭ, အ

¹⁸ ယၪမိမၩအၥၭဘဲၫဆၧအ့ၪအၥိၭနီၪလီၫ.- လၧယဟိ ဝၩအၥၭခဲၩထၪ့အမုလနံၩနီၪအစ့ၩမွဲဂ့ၩ, အထီၫ့မွဲဂ့ၩ မၩဖီၩ့မၩဖျ့ၭ အဝ့ၫၥံၪၥ့ၪအ့ၬ. အၥၭကဲၪ့အမ့ၪနီၪ မိ အၪ့ခွံၬထံၫၥံၪခးၥံၪထၧၫ့ဘံၪ့ယၫလီၫ. အဂဲးဘဲၫယီၩ မိမၩလူၬခွံၬ ကယဲၦလၧအအီၪလၧအခးဖၧၩ့ ထီးအ လူၬလီၫ.