စယီဟၫ့အလံၬနဲၪဖျီၪထၪ့ဆၧလီၫ. 1 - Pwo Kayin Bible

1

¹ ယ့ၫရှူၬဎရံၬအဆၧနဲၪဖျီၪလၧယွၩဖ့ၪလၫ့ဝ့ၫ, ဘဲၫ ၥိၭအမိဒုၭနဲၪ အဎီးအၡၩလဖၪ လၧဆၧလၧအဘၪ မၩအၥၭချဲၫ့ချဲၫ့တၭ, မွဲအအၪ့မၧၫ့လၩ့ဝ့ၫ အၥီၫ့တၭ

² ဒုၭနဲၪဝ့ၫလၧ အဎီးအၡၩစယီဟၫ့,- လၧအထိးအၥၭ လၧယွၩအလူအထၫ, ဒဲယ့ၫရှူၬဎရံၬ အဆၧထိးအၥၭ

³ ဒဲကယဲဆၧလၧအဒၪဘၪဝ့ၫနီၪ ထီးအလူၬလီၫ.-ၦလၧ အဖီဘၪဒဲၦနါဂၧၫ့မီၪအလူအထၫယီၩ, ဒဲထီးန့ဖံၭထၬ ဆၧကွ့ၭအၥၭလဖၪအီၪလၧအဖၧၩ့နီၪဘၪဆိၪဂ့ၩဝ့ၫ လီၫ. အဂဲးဘဲၫယီၩ ဆၧအမုအလၩ လၩ့ဘူၭဝ့ၫဒၪ လီၫ.

ဆၧချဲၩ့ဆိၫ့ဂ့ၩဆိၫ့ဘွၩ လၧဆၧအီၪကီၪ့နွ့ၫဒီၪ့အအီၪ.

⁴ ယၧၩ, စယီဟၫ့ယီၩ, ယစံၭဆၧအီၪကီၪ့နွ့ၫစီၪ့အီၪ လၧအ့ၡၫအဖၧၩ့နီၪ, ဆၧအခိးအတၩ, ဒဲဆၧဘၪလိၬ အိၭလိၬဂဲၫလၧၦလဂၩလၧအအီၪ,ဒဲလၧအအီၪယူၭ ဝ့ၫဒဲလၧအမိဂဲၫလဂၩနီၪ, ဒဲလၧၥၭနွ့ၫဖျိၪ့ အီၪဝ့ၫလၧ

⁵ အလးဆီၩ့ဆီအမ့ၬယၫ,- ဒဲဂၪ့ခိၪအစဎွၩၥံၪအခိၪ, ဒဲလၧၦလၧအထိးအၥၭ လၧအလူတီၩယ့ၫရှူၬဎရံၬ လၧအအီၪဖျဲၪဆိၫလၧဆၧၥံၫအဖၧၩ့နီၪ,မွဲအအီၪ လၧနၥံၪဆံၭ. ၦလၧအအဲၪပၧၩဒဲၥူၫဝၭဆံၫ့ပဆၧဒဲၩဘၭ

⁶ လၧအၥွံၪဒၪဝ့ၫတၭ,- မွဲအမၩကဲၪထၪ့ပၧၩလၧဆၧဘၩ့မုး, ၦလုဆၧလဖၪလၧယွၩဒဲအဖါအမ့ၬယၫ လဂၩနီၪ, မွဲဆၧလၩဆၧဖၩ့အီၪလၧအလီၩ့အဆိၩဆိၩ အကၠၪကၠၪဆံၭ. အၩမံၩ့.

⁷ ယိခွါ, အဝ့ၫဒၪဂဲၫလၩ့လၧဆၧအုၪ့အကျၩတၭ,ၦ လၧအဆ့ၭဘၪဝ့ၫ, ဒဲကယဲဆၧအမ့ၬလဂၩလါလါမိ ဒၪဘၪအဝ့ၫ,ဒဲကယဲၦကိၭဆၨၩဒ့ၭလၧဂၪ့ခိၪချိၫ့မိ

⁸ ဂၪ့ဝ့ၫလၧအကၠီၩ့လီၫ. မွဲယူၭ,အၩမံၩ့.- ကဆါ လၧအၥ့ၪဆၧလူၬ, လၧအအီၪဝ့ၫ,ဒဲလၧအအီၪယူၭဝ့ၫ, ဒဲလၧအမိဂဲၫလဂၩ, စံၭဝ့ၫဒၪး ယမွဲက, ဒဲ ဧ, ဎဆၧ အခၪ့ထံၭ, ဒဲဆၧအထုၬ လီၫ.

ဆၧဒၪဆၧလၧယၫလမံၩ့ဘၪဆဲၫ့လၧဎရံၬ.

⁹ ၦလၧအထၧၫ့ထံၩထၧၫ့ၥိၭ လၧနၥံၪလၧဆၧၡၪ့ဆၧ နၭအဖၧၩ့ ဒဲလၧယ့ၫရှူၬဎရံၬ အဘၩ့အမုးအဖၧၩ့ဒဲ လၧဆၧအွံၪၥၭဆၧၩ့ အဖၧၩ့, နၥံၪအထၧၫ့ဖုဝဲ ယၧၩ, စယီဟၫ့ယီၩ, ယအီၪလၧကျိၩ့လဖျိၪ့အဖၧၩ့ ကိၭဝ့ၫအ မံၩ့ပၭမၧၭလၧယွၩအလူအထၫအကၠီၩ့, ဒဲလၧယ့ၫရှူၬ ဎရံၬအဆၧထိးအၥၭအကၠီၩ့လီၫ.

¹⁰ လၧကဆါ အမုနံၩနီၪ, ယအီၪလၧၥၭမုအဖၧၩ့ တၭ, ယနါဂၧၫ့ဆၧၥီၫဖၭဒိၪ လၧယချိၫ့ ဘဲၫခွ့ၩအၥိၭ

¹¹ တၭ,- စံၭဝ့ၫဒၪ, ဆၧလၧနဒၪဘၪယီၩကွ့ၭလၩ့လၧလံၬ ဖၧၩ့တၭ, ဖ့ၪယူလၧဆၧအီၪကီၪ့, နွ့ၫစီၪ့အီၪလၧ အ့ဖစၧၭ, ဒဲစမၧနၫ,ဒဲပဂၧမီၭ,ဒဲၥဲၫအတဲရၫ, ဒဲစၫဒံၭ, ဒဲဖံၫလဒ့လဖံၫ,ဒဲလအီၫဒစံအၫအ ဖၧၩ့ဆံၭ.

¹² ဘဲၫၥိၭယမိဒၪဘၪဆၧၥီၫ လၧအချဲၩ့ဆၧလၧယၧၩ တၭ,ယကၠၪစိၩယၥၭလီၫ. ယကၠၪစိၩယၥၭဂီၩ့တၭ,

¹³ ယဒၪဘၪမ့ၪဒိၩ့ထီၫ့အလးနွ့ၫဖျိၪ့,- ဒဲၦလၩ့ဂၬလၧ ၦၡၩအဖိၪခွၫကီၩ့ၥိၭဆၧထီၩ့လၩ့လၧအခၪ့ယၫၥၭ တၭ, ခဲးထူၬအခၧၩ့ယး ထီၫ့လၧအၥၭနၫလဂၩ, အီၪ

¹⁴ လၧမ့ၪဒိၩ့အလၫ့အကျၩလီၫ.- အခိၪ, ဒဲအခိၪၥူၫဘွၩ ဘဲၫၥိၪအဆီၪ့အၥိၭတၭ, ဘွၩဝ့ၫဘဲၫမူၭခိၪဖီၫ အၥိၭ

¹⁵ တၭ,အမ့ၬၥၪဘဲၫမ့ၪလၪအၥိၭနီၪလီၫ.- အခၪ့ယၫ ၥၭလၩ့ဂၬထီၫ့ယုၩ့ယဲဘဲၫအဘၪမၩဆံၫ့အၥၭလၧ မ့ၪအၥိၭတၭ, အလူၥီၫမၩအၥၭဘဲၫထံၫအၪအၪ

¹⁶ လ့ၬအၥိၭနီၪလီၫ.- တၭၡၪနွ့ၫဖျိၪ့အီၪ လၧအစူၪထွ့ၪ ဖၧၩ့ဒဲနၭ လၧအနါအီၪနံၫခီၫ လၧအအဲၪ့ဝ့ၫလဘံၪ့ဂဲၫ ထၪ့လၧအနိၭဖၧၩ့တၭ, အမ့ၬအနၫမၩအၥၭဘဲၫ မုမ့ၬဖၩ့ထၪ့လၧအစီၩ့အမၩ့အၥိၭနီၪလီၫ.

¹⁷ ထီးယဒၪဘၪယဝ့ၫတၭ, ယလၩ့ထံၩဖါလၧအခၪ့ ထံၭဘဲၫဆၧၥံၫအၥိၭနီၪလီၫ. အဝ့ၫနီၪအီၪက့ၪအစူၪ ထွ့ၪလၧယလီၩ့တၭ, စံၭယၧၩ, ထီးၥၭမဲၪလဂ့ၩ,ယမွဲ

¹⁸ ဆၧအခၪ့ထံၭ, ဒဲဆၧအထုၬလီၫ.- ဒဲယမွဲၦလၧအမၧၫ့ ဝ့ၫ ဒဲၦလၧအၥံၫယူၭတၭ, ယိခွါ,ယမၧၫ့ထၪ့အဆိၩ ဆိၩအကၠၪကၠၪတၭ ယအီၪလၧဆၧၥံၫ, ဒဲဖျႃဖၧၩ့အ

¹⁹ နိၪဝံၬလီၫ.- မၩအၥၭဘဲၫနီၪတၭ, ဆၧလၧနဒၪဘၪ ယူၭလဖၪ, ဒဲဆၧလၧအမိမၩအၥၭ လၧယၫလဖၪနီၪ

²⁰ ကွ့ၭလၩ့န့ဝ့ၫဆံၭ.- ဆၧအီၪၥူၪဘၪဆဲၫ့ လၧၡၪနွ့ၫဖျိၪ့ လၧနဒၪဘၪလၧယစူၪထွ့ၪအဖၧၩ့, ဒဲမ့ၪဒိၩ့ထီၫ့အ လးနွ့ၫဖျိၪ့နီၪ မွဲအယီၩး ၡၪနွ့ၫဖျိၪ့နီၪ မွဲဆၧအီၪကီၪ့ နွ့ၫစီၪ့အၥီၫ့လဖၪတၭ, မ့ၪဒိၩ့အလးနွ့ၫဖျိၪ့နီၪမွဲဆၧ အီၪကီၪ့နွ့ၫစီၪ့လီၫ.