စံၭထၪ့အၪ့အူၭဆၧအလံၬ. 1 - Pwo Kayin Bible

1 ဆၧဆိၪဂ့ၩအမွဲအတီၩ.

¹ ၦလၧအလလ့ၩဘၪဝ့ၫ လၧၦလတီၩလလီၩ့ဘၪ အဆၧကိၪ့ထၪ့ဖၭလၩ့အဖၧၩ့တၭ, လဆၧၫ့ထုၪ့ဘၪဝ့ၫ လၧၦမၩဆၧဒဲၩဘၭအဖၧၩ့ၥၭ, ဒဲလဆၧၫ့နၩ့ဘၪဝ့ၫ လၧၦဒုၪဒွ့ၪဆၧအလးဆၧၫ့နၩ့ဖၧၩ့နီၪ, ဘၪဆိၪဂ့ၩဝ့ၫ

² လီၫ.- အဝ့ၫဒၪမုၬလၩဝ့ၫလၧ ယဟိဝၩအဆၧၥီၪ့ဆၧၥၫ့ အဖၧၩ့တၭ, လၧဆၧၥီၪ့ဆၧၥၫ့အဖၧၩ့နီၪဆီၫ့မီၪ့ဝ့ၫလၧ

³ မုဆၫဆၫမုနၩနၩဆ့လီၫ.- ဆၧမိမၩအၥၭဘဲၫၥံၪ့ၥုၪ့ လၩ့အၥၭလၧထံၫဖိၪချိၬနဲၩ့ထံၭအၥိၭနီၪ, လၧအဆၧၫ့ အထီဘၪနီၪၥၪထၪ့ဝ့ၫဒၪတၭ, အလၪလလၩ့ယံၭဘၪ လီၫ.တၭကယဲအမၩဆၧလမံၩ့လါလါနီၪ မိကဲၪထၪ့ ကဲၪထီၫဝ့ၫဒၪလီၫ.

⁴ အ့ၪမွဲၦလတီၩလလီၩ့ဘၪနီၪ မွဲဘဲၫနီၪၥိၭအ့ၬ,

⁵ မၩအၥၭဘဲၫဖ့ၫလၧလံၩအူၪခွံၬဝ့ၫအၥိၭလီၫ.- မၩအၥၭ ဘဲၫနီၪတၭ လၧဆၧစ့ၩရၫ့အဖၧၩ့နီၪ,ၦလတီၩလလီၩ့ ဘၪလဆၧၫ့ထုၪ့ဘၪဝ့ၫတၭ, ၦဆၧဒဲၩဘၭဖိၪနီၪ ဎဆၧၫ့ ထုၪ့ၭလၧၦအတီၩအလီၩ့ အဆၧအီၪကီၪ့အကျၩနီၪဆ့

⁶ အ့ၬ.- အဂဲးဘဲၫယီၩ ယဟိဝၩၥ့ၪယၫၦအတီၩအလီၩ့ အဖၧၩ့ၥၭလီၫ. အ့ၪမွဲၦလတီၩလလီၩ့ဘၪ အဖၧၩ့ၥၭ နီၪမိထီၩ့ဝ့ၫဒၪလၧဆၧဂၭဂီၩ့ဂၭစၪလီၫ.