လံၬစပီလူၫကွ့ၭန့ၦဖလံဖံၫဖိၪၥံၪလီၫ. 2 - Pwo Kayin Bible

2 ဎရံၬအဆၧဆၪ့လၩ့ၥၭဒဲအဆၧအဒိၪအမု.

¹ မၩအၥၭဘဲၫနီၪတၭ, ဆၧမၩမုၬအ့ၪအီၪလၧဎရံၬအ ဖၧၩ့,ဆၧအမုၬဘၪဆဲၫ့ လၧဆၧအဲၪဆၧကွံၩအ့ၪအီၪ, ၥၭမုနီၪအဆၧဖံၭၥိၭလိၬအ့ၪအီၪ, ဆၧအဲၪအီၪလၧ

² ဆၧယၫ့ၥၭအ့ၪအီၪ,- ဘဲၫၥိၭနၥံၪမိဆီၫ့မီၪ့ဆၧမီၪ့ဎီၩ့, အီၪလၧဆၧအဲၪဆၧကွံၩလမံၩ့ဎး, အီၪလၧနၥံၪအၥၭ လဖျိၪ့ဎး,ဆီၫ့မီၪ့ဆၧလမံၩ့ဎးတၭ, မၩလၧၫ့ထၪ့ဎွ့ၩ

³ ထၪ့ယဆၧၥၭထိၬဘီၪ.- မွဲလၧဆၧအဲၪ့လိၬဆိၬချဲၩ့လိၬ အဖၧၩ့မွဲဂ့ၩ, ဆၧလၩဖၩ့ပျီၩပျီၩအဖၧၩ့မွဲဂ့ၩ, မၩန ၥံၪဝ့ၫနးမံၩ့လဂ့ၩ, မွဲနၥံၪဆၪ့လၩ့နၥံၪအၥၭတၭ, မွဲ ၦအီၪက့ၪဂူၫဂၩဂ့ၩနဲၪ့ အနၫ့ဆါဒၪဝ့ၫလဂၩဘၪလ

⁴ ဂၩဆုၬဆုၬဆံၭ.- ထီးယိလဂၩအဆၧဒၪဝ့ၫ, လဂၩ အဆၧဒၪဝ့ၫလဂ့ၩ, မွဲအယိလဂၩ လၧဂူၫဂၩအဆၧ,

⁵ လဂၩလၧဂူၫဂၩအဆၧဆ့ဆံၭ.- တၭၥၭလမံၩ့ယီၩလၧ အအီၪဝ့ၫလၧဎရံၬအဖၧၩ့မွဲ အအီၪလၧနၥံၪအဖၧၩ့

⁶ ဆ့ဆံၭ.- အဝ့ၫလဂၩနီၪအီၪဝ့ၫ လၧယွၩအခံးအဂၩ့ တၭ,အီၪက့ၪအၥၭန့ၫဎီၩ့ယွၩနီၪ, မွဲအဆီၫ့မီၪ့ဝ့ၫလၧ အအၪ့ဂူၬန့ဂူၫဂၩအဆၧဆ့အ့ၬ.

⁷ မွဲလါနၫ့ဘိၩ, အဝ့ၫဒၪခွံၬၡိၭခွံၬအလၩအဖၩ့တၭ, လိၪထၪ့အၥၭလၧဆၧအဎီးအၡၩအဂၩ့တၭ, အခံး

⁸ အဂၩ့နီၪမၩအၥၭဘဲၫၦၡၩအၥိၭနီၪလီၫ.- တၭဆၧ ဒၪဘၪအဝ့ၫဘဲၫၦၡၩအၥိၭနီၪ, မွဲအဆၪ့လၩ့အၥၭဒဲ ခိၭနၪဆၧထီးအထိးၥံၫအၥၭလကၭလၧၩ့ ထီးအ ထိးၥံၫအၥၭ လၧထုၪ့စူၪယၫအလီၩ့ဒၪလ့ၬနီၪလီၫ.

⁹ မၩအၥၭဘဲၫနီၪတၭ, ယွၩအီၪက့ၪထၪ့ထီၫအဝ့ၫဒၪ ဖ့ၪလၫ့ဝ့ၫလၧအမံၩ့ဒိၪနဲၪ့ ဆၧဂူၫဂၩအမံၩ့ကိၭအမံၩ့

¹⁰ ဒ့ၭ,- ဘဲၫၥိၭကယဲၦအီၪလၧမူၭခိၪ, ဒဲကယဲၦအီၪလၧ ဂၪ့ခိၪချိၫ့, ဒဲကယဲၦအီၪလၧဂၪ့ခိၪလၬထီးအလူၬ မိ

¹¹ ထွံၩလၩ့အခၪ့လၧယ့ၫရှူၬအမံၩ့အကၠီၩ့,- ဒဲကယဲၦၡၩ အဖျ့ၩမိအုၩ့လၩ့လၧယ့ၫရှူၬဎရံၬ, မွဲကဆါလၧဖါ ယွၩအလၩအဖၩ့အဂးလီၫ.

ဖၩ့ထၪ့ဘဲၫဆၧဖၩ့လဖၪလၧဂၪ့ခိၪချိၫ့ဖၧၩ့.

¹² မွဲဘဲၫနီၪတၭ, ယၥၭဘီၩ့ၥံၪဧ့,ဘဲၫနၥံၪခိၭနၪဆၧ လထံၪဎးဘီၩ့ဎးအၥိၭနီၪ, မွဲန့ၫလၧယမ့ၬယၫလကၭ လၧၩ့,မွဲလၧယအီၪလၩ့ဖၭ လၧနၥံၪဘိၩ့နဲၪ့ယီၩအၪဒၪ အဆၧဒံၭတၭ, ဆၧထိးထဲၩ့တၩ့ထဲၩ့ လၧနၥံၪအနၫ့ဆါ ဒၪနၥံၪဝ့ၫအဂးနီၪ, မၩဒၪနၥံၪဝ့ၫ လၧဆၧၥၭမဲၪဒဲ

¹³ ဆၧဝၭထိၬဆံၭ.- အဂဲးဘဲၫယီၩၦလၧအမၩဝ့ၫထီး ဒၪအၥၭဂ့ၩလၧနၥံၪအဖၧၩ့, ဘဲၫၥိၭနၥံၪအၥၭမိအီၪ နီၪဒဲမၩမိၥ့ၪအၥိၭတၭ, မွဲယွၩလီၫ.

¹⁴ လၥူၭဝံၪၥူၭလၩဘၪဆၧ ဒဲလဂဲးလိၬတ့ၭလိၬဘၪ

¹⁵ တၭ,မၩဆၧထီးအလူၬဆံၭ.- ဘဲၫၥိၭနၥံၪမိကဲၪထၪ့ ၦလၧဆၧအီၪက့ၪဆၧမၪလၧအလီၩ့ အလးလအီၪဘၪ ဒဲလမၩအၧၩ့ဘၪဆၧတၭ, ၦလၧဆၧအၪ့ၥီၪ့ဝ့ၫအလး လအီၪဘၪနီၪ, ၦလၧအမွဲယွၩအဖိၪလၧၦၥုၪ့ကဲၪ့ ၥၭကဲၪ့ၥုၪ့ကၪၥၭကၪအဆိၩၥံၪအကျၩနီၪ, လၧအ ဝ့ၫၥံၪအကျၩနၥံၪအီၪဘဲၫမူၭခိၪဆၧဖၩ့ၥံၪ အီၪလၧဂၪ့

¹⁶ ခိၪအဂးအၥိၭနီၪလီၫ.- နၥံၪဆိၬထၪ့ဆၧမၧၫ့အလူ အထၫနီၪးဘဲၫၥိၭယၥုၪ့မိထိၬယၥၭမိထိၬ လၧဎရံၬအ မုနံၩလၧယလစဲၪ့ဘၪပျီၩပျီၩ, ဒဲယမၩဆၧပျီၩပျီၩ

¹⁷ ဆ့အ့ၬ.- မွဲယူၭဆၧအ့ၪလုထၪ့ယၧၩလၧဆၧလုဘၪ ဆဲၫ့လၧနၥံၪအဆၧနဲၩလါနၫ့ဘိၩ, ယၥၭထိၬ, ဒဲယ

¹⁸ ၥၭထိၬလၧနၥံၪကိၭဂၩဒ့ၭဆ့လီၫ.- ဘဲၫနီၪအၥိၭမွဲနၥံၪ ၥၭထိၬဆ့တၭ, မွဲနၥံၪၥၭထိၬဎုၬလၧယၥိၭဆံၭ.

စထံမၥံၫဒဲစအံၫပၭဖြဒဲတၧၭ.

¹⁹ ယယိလါဆၧလၧကဆါယ့ၫရှူၬအဖၧၩ့ လၧယမိ အၪ့မၧၫ့စထံမၥံၫလၧနၥံၪအအီၪချဲၫ့မၬ, ဘဲၫၥိၭယမိ ၥ့ၪယၫဆၧဘၪဆဲၫ့လၧနၥံၪတၭ, ယၥၭမိမုၬထၪ့ဝ့ၫလီၫ.

²⁰ အဂဲးဘဲၫယီၩၦလၧအၥၭန့ၫဎီၩ့ လၧအဝ့ၫနီၪမိယိမိခွါ ဒၪနၥံၪဘဲၫအဝ့ၫဒၪ အၥိၭနီၪအီၪလၧယၥိၭနးဂၩအ့ၬ.

²¹ အဂဲးဘဲၫယီၩၦကိၭဂၩဒ့ၭ လအၪ့ဎၬဘၪယ့ၫရှူၬဎရံၬ

²² အဆၧတၭ, မွဲအအၪ့ဎၬအဆၧဒၪဝ့ၫလီၫ.- အ့ၪမွဲအ ဝ့ၫလဂၩနီၪ, ဘဲၫဖိၪလၧဖါအၥိၭ, နၥံၪၥ့ၪယၫအဆၧ ထိးအၥၭလၧအမၩဝ့ၫ လၧယၥိၭလၧဆၧၥၭထိၬအပ ရၧၫ့အဖၧၩ့လီၫ.

²³ မၩအၥၭဘဲၫနီၪတၭ, ဆၧဘၪဆဲၫ့လၧယၧၩမိမၩအ ၥၭဘဲၫၥ့ၪလဲၪဘဲၫၥ့ၪလဲၪနီၪ, ထီးယအ့ၪၥ့ၪယၫတၭ, ယယိလါဆၧလၧယမိအၪ့မၧၫ့လၩ့ အဝ့ၫဒၪလၧနၥံၪအ

²⁴ အီၪချဲၫ့မၬလီၫ.- အ့ၪမွဲယဒိၭနဲၩ့ယၥၭလၧကဆါအ ဖၧၩ့လၧလယံၬလမီဘၪနီၪ ယနၫ့ဆါဒၪယဝ့ၫဆ့ယ မိလ့ၩလၧနၥံၪအအီၪလီၫ.

²⁵ မွဲလါနၫ့ဘိၩ, ၦလၧအမၩဎုၬဆၧလၧယၧၩ, ၦၥုၭဖိၪ လၧယၥိၭ, ၦလၧအယိထဲၩ့ခွါထဲၩ့ယၧၩ, ယထၧၫ့ဖုဝဲ, ဒဲနၥံၪအဆၧအၪ့မၧၫ့ဖိၪ, စအံၫပၭဖဒဲတၧၭလဂၩ နီၪယဆီၫ့မီၪ့လၧယမိအၪ့မၧၫ့အလ့ၩ လၧနၥံၪအအီၪ

²⁶ နီၪ,အလးအီၪဝ့ၫလီၫ.- အဂဲးဘဲၫယီၩမွဲနၥံၪနါဂၧၫ့လၧ အဘၪဆၧဆၫနီၪ, မွဲအၥၭယူဘၪနၥံၪကိၭဂၩဒ့ၭတၭ,

²⁷ အၥၭဎၧၫ့ဝ့ၫလီၫ.- အဂဲးဘဲၫယီၩမွဲအဘၪတၡါယူၭ ဆၧဆၫဘူၭကၪအမိၥံၫဝ့ၫလီၫ. မွဲလါနၫ့ဘိၩ, ယွၩယၫ့ ၥၭအဝ့ၫ, မွဲန့ၫအဝ့ၫဒၪနီၪလကၭလၧၩ့, မွဲယၧၩဆ့,ဘဲၫ ၥိၭယထီးဘၪဆၧၥၭအုၭ လၧဆၧၥၭအုၭအဖၫ့ခိၪလ ဂ့ၩလီၫ.

²⁸ မၩအၥၭဘဲၫနီၪတၭ, ယအၪ့မၧၫ့အလ့ၩချဲၫ့ချဲၫ့ဘဲၫ ၥိၭထီးနၥံၪ အ့ၪဒၪဘၪဒီၭဝ့ၫနီၪ, နၥံၪမိၥၭထိၬတၭ,

²⁹ ယဆၧၥၭအုၭမိလၩ့ဆါဝ့ၫလီၫ.- မၩအၥၭဘဲၫနီၪတၭ, ထိးဆၧၫ့အဝ့ၫလၧကယဲ ဆၧၥၭထိၬထီးအလူၬလၧက ဆါအဖၧၩ့ဆံၭ. ၦဘဲၫနီၪၥိၭလဖၪ ယူၭယၪ့အဝ့ၫၥံၪ

³⁰ ဆံၭ.- အဂဲးဘဲၫယီၩ လၧဎရံၬအဆၧမၩအကၠီၩ့နီၪ မွဲ အလၩ့ဘူၭလၧဆၧၥံၫတၭ, နၥံၪအဆၧမၩလၧယဂး အီၪၡၩတၭ, ဘဲၫၥိၭအမိမၩဎွ့ၩထၪ့ဝ့ၫနီၪ, မွဲအလ လီၫ့ကီၩ့ဘၪအၥၭမၧၫ့လီၫ.