၃ မိ 1 - Pwo Kayin Bible

1 ဆၧလုမ့ၪလဖၪ.

¹ ယဟိဝၩကိၭထၪ့စမိစ့ၭတၭ, ချဲၩ့ထၪ့ဝ့ၫ လၧဆၧ

² အီၪကီၪ့အတဲၩဆံၫ့ဎံၪအဖၧၩ့နီၪ, စံၭဝ့ၫဒၪ,- ချဲၩ့ဆၧ လၧၦအံၫစရ့လၭဖိၪတၭ, လီၩဘၪအဝ့ၫၥံၪၦလဂၩဂၩ လၧနၥံၪအကျၩအ့ၪဂဲၫဆိၬဆၧမၩဘိၪ့ လၧယဟိဝၩ အအီၪတၭ, နၥံၪဘၪဂဲၫဆိၬ ဆၧမၩဘိၪ့လၧဆၧဖိၪဆၧ ဎါအဒိၩ့, လၧချီ, ဒဲၥိၪ ဒဲဘ့ၪအကျၩလီၫ.

³ အဆၧမၩဘိၪ့နီၪ အ့ၪမွဲဆၧလုမ့ၪလၧချီအကျၩတၭ, မွဲအဘၪမၩဘိၪ့ အဖၫအလၧၫ့အဎွ့ၩ လဒုၩနီၪဆံၭ. ဘၪမၩဘိၪ့ဝ့ၫဘဲၫၥိၭ အမိဘၪဆၧအၥၭထီး ဆၧအီၪ ကီၪ့ အတဲၩဆံၫ့ဎံၪအတရၫ့ လၧယဟိဝၩအမ့ၬယၫ

⁴ လီၫ.- ဘၪအီၪက့ၪအစူၪလၧဆၧလုမ့ၪအခိၪတၭ, မိဘၪ ဆၧအၥၭလၧအဂး, ဘဲၫၥိၭအမိမၩဆၧဖီၩ့ဖျ့ၭလၧအ

⁵ ဂးလီၫ.- ဘၪမၩၥံၫချီဖၫလဒုၩနီၪ လၧယဟိဝၩအမ့ၬ ယၫတၭ, ၦလုဆၧစအၫရၧၫ့အဖိၪခွၫလဖၪ ဘၪဂဲၫဆိၬ အၥွံၪတၭ, ဎွံၪဝၬဖီၩ့ဝ့ၫလၧဆၧလုလးအဖၫ့ခိၪလၧအ အီၪလၧဆၧအီၪကီၪ့ အတဲၩဆံၫ့ဎံၪအတရၫ့ ထံၭနီၪ

⁶ လီၫ.- တၭဘၪဘျူၭလၩ့ခွံၬဆၧလုနီၪအဖံၭ, ဒဲဒၪ့ထ့ၬ

⁷ လကုၭလကုၭလီၫ.- တၭၦလုဆၧစအၫရၧၫ့အဖိၪခွၫ လဖၪဘၪအီၪက့ၪမ့ၪ လၧဆၧလုလးအဖၫ့ခိၪတၭ,ၥီၩ့

⁸ လၩ့ၥံၪ့မုလၧမ့ၪအဖၫ့ခိၪလီၫ.- တၭၦလုဆၧစအၫရၧၫ့ အဖိၪခွၫလဖၪ, ဘၪအီၪက့ၪအကုၭလဖၪ, အခိၪဎွံၪ, ဒဲအၥိၪလၧၥံၪ့မုအဖၫ့ခိၪ, လၧအအီၪ လၧမ့ၪအဖၫ့ခိၪ

⁹ လၧဆၧလုလးအဖၫ့ခိၪလီၫ.- အ့ၪမွဲအဎွံၬ, ဒဲအခၪ့နီၪ ဘၪၥူၫဝၭဝ့ၫလၧထံၫတၭ, ၦလုဆၧဘၪဆူၭထၪ့ခွံၬ ထီးအလူၬလၧဆၧလုလးအဖၫ့ခိၪလီၫ. မွဲဆၧလုမ့ၪ, ဆၧလုမၩလၧမ့ၪ, ဆၧနၧၫ့မၧၫ့ မုၬလၧယဟိဝၩအဂး လီၫ.

¹⁰ တၭဆၧလၧမ့ၪအဂးနီၪ အဆၧမၩဘိၪ့အ့ၪမွဲလၧဆၧ အဒီၪ့ၥံၪ, ၥိၪမွဲဂ့ၩ, ဘ့ၪမွဲဂ့ၩ, ဘၪဂဲၫဆိၬအဖၫအလၧၫ့

¹¹ အဎွ့ၩလဒုၩလီၫ.- ဘၪမၩၥံၫဝ့ၫလၧဆၧလုလးအနဲၩ့ လၧမုဖၩလခီၫ လၧယဟိဝၩအမ့ၬယၫတၭ, ၦလုဆၧ စအၫရၧၫ့အဖိၪခွၫလဖၪ, ဘၪဎွံၪအၥွံၪဝၬဖီၩ့ဝ့ၫလၧ

¹² ဆၧလုလးအဖၫ့ခိၪလီၫ.- ဘၪဒၪ့ထ့ၬဝ့ၫလကုၭလကုၭ တၭ,အခၪ့, ဒဲအခိၪနီၪ, ၦလုဆၧလဖၪဘၪအီၪက့ၪဎၩ့ ဝ့ၫလၧၥံၪ့မုအဖၫ့ခိၪ, လၧအအီၪလၧမ့ၪအဖၫ့ခိၪလၧအ

¹³ အီၪလၧဆၧလုလးအဖၫ့ခိၪလီၫ.- အ့ၪမွဲအဎွံၬဒဲအခၪ့ နီၪဘၪၥူၫဝၭဆံၫ့ဝ့ၫလၧထံၫတၭ, ၦလုဆၧ လဂၩနီၪ ဘၪဂဲၫဆိၬထီးအလူၬတၭး ဆူၭထၪ့ခွံၬဝ့ၫလၧဆၧလု လးအဖၫ့ခိၪတၭ, မွဲဆၧလုမ့ၪ, ဆၧလုမၩလၧမ့ၪ, ဆၧနၧၫ့မၧၫ့မုၬ လၧယဟိဝၩအဂးလီၫ.

¹⁴ အဆၧမၩဘိၪ့ဆၧလုမ့ၪ လၧယဟိဝၩအဂးနီၪ,အ့ၪ မွဲထိၪၥံၪလံၪၥံၪတၭ, လၧထိၪလွံမွဲဂ့ၩ, လၧကၪကဲၪဖိၪ

¹⁵ မွဲဂ့ၩ, ဘၪဂဲၫဆိၬအဆၧမၩဘိၪ့နီၪလီၫ.- ၦလုဆၧလ ဂၩနီၪဘၪဂဲၫဆိၬဝ့ၫလၧဆၧလုလးတၭ, ဝံၬထ့ၬခွံၬအ ခိၬတၭ, ဆူၭထၪ့ခွံၬဝ့ၫလၧဆၧလုလးအဖၫ့ခိၪတၭ,အ

¹⁶ ၥွံၪနီၪဘၪဝံၬခွံၬဝ့ၫ လၧဆၧလုလးအနဲၩ့ဖၩလီၫ.- ဘၪ ထုၭထၪ့ခွံၬအနံၫ့ဒဲအအ့ၪအဆီၪ့ၥံၪတၭ, ခွံၬၡိၭခွံၬဝ့ၫ လၧဆၧလုလးအနဲၩ့ထံၭ လၧမုထၪ့လခီၫ, လၧဖံၫ့ချၪ

¹⁷ အလးနီၪလီၫ.- ဘၪဒၪ့ဖၭဝ့ၫအီၪလၧအဒံၭထီးအလူၬ လါနၫ့တၭ, ဒၪ့ထ့ၬခွံၬဘၪအ့ၬ. တၭၦလုဆၧလဂၩနီၪ ဘၪဆူၭထၪ့ခွံၬဝ့ၫ လၧဆၧလုလးအဖၫ့ခိၪ, လၧၥံၪ့မု အဖၫ့ခိၪလၧအအီၪ လၧမ့ၪအဖၫ့ခိၪလီၫ. မွဲဆၧလုမ့ၪ, ဆၧလုမၩလၧမ့ၪ, ဆၧနၧၫ့မၧၫ့မုၬ လၧယဟိဝၩအဂး လီၫ.