ဒၭ 1 - Pwo Kayin Bible

1

¹ ယ့ၫရှူၬဎရံၬအဎီးအၡၩ, ဒဲစယ့မံၭအထၧၫ့ဖုဝဲ, စယုဒၭ, ယစံၭၦၥၭဘီၩ့ၥံၪလၧဖါယွၩအဖၧၩ့, ဒဲန့ ဘၪဆၧခိၭထၬဝ့ၫ, ဒဲဘၪဆၧကိၭဝ့ၫ လၧယ့ၫရှူၬဎရံၬ

² အဖၧၩ့နီၪ,- မွဲဆၧယၫ့ၥုၪ့ယၫ့ၥၭ, ဒဲဆၧဘၪလိၬအိၭ လိၬဒဲဆၧအဲၪဆၧကွံၩနီၪ အၪထၪ့လၧနၥံၪ အဖၧၩ့ဆံၭ.

ဆရၫအဘျၪလဖၪ.

³ ၦၥၭဘီၩ့ၥံၪဧ့, လၧယအၪ့ဂူၬကွ့ၭန့နၥံၪတၡါလၧ ဆၧထိးထဲၩ့တၩ့ထဲၩ့ လၧပန့ဎုၬ အဂဲးအကၠီၪ့နီၪအ လးအီၪ, လၧယမိကွ့ၭပဂၨၪထၪ့နၥံၪ ဘဲၫၥိၭနၥံၪမိအၪ့ ဂူၬချဲၩ့ဆီၪ့ဆၧလၧဆၧနဲၩအဂး လၧဆၧဖ့ၪလၫ့လၧၦ

⁴ ဆံၫ့ဎံၪၥံၪလဖၧၫ့ဂီၩ့ယူၭလီၫ.- အဂဲးဘဲၫယီၩ ၦလနၩ့ နၩ့ဂဲၫနုၬၥူၪဝ့ၫ,လၧအမွဲၦလယူၭလယၪ့ဘၪယွၩ, ဒဲၦ ဘိၭကဒၩထဲၩ့ဆၧအခိးအတၩ လၧဆၧလဲးဆၧဘျၪ အဖၧၩ့, ဒဲမီၪ့ဘံၭဆၧအခိၪကဆါလဂၩဎး, ဒဲပကဆါ ယ့ၫရှူၬဎရံၬလီၫ. ဆၧအီၪက့ၪအဝ့ၫၥံၪလၧဖျိၩ့ လၧအ ၥၫ့လၧဆၧစ့ၩရၫ့စၪယီၩ အဂးလီၫ.

⁵ နၥံၪၥ့ၪယၫလဖၧၫ့လါနၫ့ဘိၩ, ဆၧမိဒုၭနၪ့ထၪ့ထဲၩ့ ဘၪယၥၭလၧနၥံၪ, ကဆါမၩဖီၩ့မၩဖျ့ၭၦၡၩၥံၪလၧ ခးအံဇံၭ, ဒဲလၧခဲၫ့ထဲၩ့နီၪမၩဂၭဂီၩ့ခွံၬၦလၧအလနဲၩ

⁶ ဘၪဆၧလဖၪလီၫ.- ဒဲအၥီၫ့လဖၪလၧအလဖီၪ့ထၬ ဘၪဆၧအလးအဝံခိၪနီၪတၭ,အ့ၪမွဲစဲၪ့ထၪ့ခွံၬလၧ အလးဒၪဝ့ၫနီၪ, အဝ့ၫဒၪဒုၭဘၪဆၧဖီၪ့ထၬဝ့ၫလၧဆၧ စၧၩ့ထၬ လၧၥွ့ၫထၭလၩ့ဆိၩလၩ့ကၠၪလၧဆၧခံၭ

⁷ အဖၫ့လၬ,လၧမုစ့ၩရၫ့အနံၩဖၭဒိၪအဂးလီၫ.- ဘဲၫ စီဒၧၫ့ဒဲဂမီရၫဒဲဒိၩ့အီၪလၧအဝ့ၫၥံၪအနဲၩ့ထံၭလဖၪ နီၪမၩမၪမုၪမၩမၪခွၫတၭ, လ့ၩဖိၬဆၧဖံၭဆၧယၪအ ဂူၫဂၩအခဲၫ့ဘဲၫနီၪၥိၭ, ဒိၭန့ဘၪဆၧစ့ၩရၫ့မ့ၪ အဆိၩ အကၠၪတၭ, ဆၧအီၪက့ၪအဝ့ၫၥံၪ လၧအဒီၩ့ အထ့ၬ

⁸ လီၫ.- ဘဲၫနီၪအၥိၭ, ၦမံၫမးဆၧလဖၪမၩစံၪစၪဆၧဖံၭ ဆၧယၪဆ့တၭ,လယူၭလယၪ့ဘၪၦဒိၪၦၡါအလး တၭ,ဒုၪဒွ့ၪဆၧလၩဖၩ့ လီၫ.

⁹ မွဲလါနၫ့ဘိၩ, အၥီၫ့အခိၪစမဲၫခအ့လၭလဂၩဂဲး လိၬတ့ၭလိၬအၥၭ လၧမုၪခီၩလဲးတၭ, ထီးအတ့ၭလိၬ အၥၭလၧစမိစ့ၭအစွၪအဂဲးအကၠီၪ့နီၪ, အီၪက့ၪဆၧ ဒုၪဒွ့ၪလၧအလီၩ့ဘုၪ့အ့ၬ. အ့ၪမွဲစံၭဝ့ၫ, မွဲကဆါနီၪ

¹⁰ အၪ့လၬနၧၩဆံၭ.- အ့ၪမွဲၦလဖၪယီၩဆၧလၧအလ ၥ့ၪယၫဘၪဝ့ၫအဂဲးအကၠီၪ့နီၪ, ဒုၪဒွ့ၪဝ့ၫဆ့လီၫ. အ့ၪမွဲ ဆၧလၧအၥ့ၪယၫဒၪဆၧ, ဘဲၫဆၧဖိၪဆၧဎါအၥိၭ, မၩ ဂၭဂီၩ့လၩ့အၥၭ လၧဆၧလဖၪနီၪအဖၧၩ့လီၫ.

¹¹ အဝ့ၫၥံၪဘၪဆၧၡၪ့လီၫၬ အဂဲးဘဲၫယီၩ မွဲအဖိၬ စကံၫ့အဖၧၩ့ၥၭ, ဒဲအၪ့ဂူၬနုၬဝ့ၫ လၧစဘၫလၫ့အ ဆၧမၪအဖၧၩ့လၧဆၧအလံၩ့အလဲၫအဂးတၭ, ဂၭ

¹² ဂီၩ့ဝ့ၫလၧစကိရၫအဆၧတ့ၭလိၬအဖၧၩ့လီၫ.- ၦလ ဖၪနီၪ အၪ့ၡီၩ့အီၩၡီၩ့ဆၧတၭ, လၥၭမဲၪဘၪဝ့ၫး တၭဘုၪအၪ့လၩ့ဒၪအၥၭတၭ, မွဲဝ့ၫလိးၥံၪလဲၫ့ၥံၪ မၩ ဘိၪ့ဆၧအဲၪဆၧကွံၩအဖၧၩ့, ဆၧအုၪ့လဖၪလၧထံၫလ အီၪဘၪတၭ, လံၩအူၪဒံၩခွံၬဝ့ၫ, ၥံၪ့လဖၪလၧအ လၩ့ယံၭတၭ, အၥၪလအီၪဘၪၥံၫနံၫဖၧၫ့လၧအဘၪ

¹³ ဆၧထ့ၬထၪ့ခွံၬလၧအဝံၥံၪ,- မၫဆမံၭအလပီၩတဖျႃၭ တဖျၩ့တၭ,ဒုၭပၠူၭထၪ့အဆၧမ့ၬမဲဒၪဝ့ၫ,ၡၪစဲၪ့ဝံၩ့ ဝၩ့ဆၧ, လၧဆၧအီၪက့ၪဝဲၩဆၧခံၭၥၧၫ့ အဆိၩအ ကၠၪလၧအဂးလီၫ.

¹⁴ စအံနၧၭအီၪ လၧစအၫဒၫ့ အလးခဲၫ့နွ့ၫဆိၩလဆိၩ လဂၩနီၪ, ချဲၩ့ဆၧလၧမီၪအချိၬ လၧအဝ့ၫၥံၪအဂဲးအ ကၠီၪ့တၭ, စံၭဝ့ၫဒၪ, ယိခွါ, ကဆါဂဲၫလၩ့ လၧအၡၩ

¹⁵ ဆံၫ့ဎံၪအလၬၥံၪတၭ,- ဘဲၫၥိၭအမိစ့ၩရၫ့ၦကိၭဂၩ ဒ့ၭတၭ,ဘဲၫၥိၭအမိဒုၭၥ့ၪယၫ ၦလၧအလယူၭလ ယၪ့ဘၪယွၩအီၪလၧအကျၩ လၧအဆၧမၪထီးအလူၬ, လၧအလဘၪဆဲၫ့ဘၪ လၧဆၧယူၭဆၧယၪ့ယွၩ, လၧ အမၩဝ့ၫလအီၪဘၪ လၧဆၧယူၭဆၧယၪ့ယွၩတၭ, ဒဲ ဆၧကၪဆၧဂဲၩထီးအလူၬလၧၦဆၧဒဲၩဘၭဖိၪလၧ

¹⁶ အလယူၭလယၪ့ဘၪယွၩလဖၪ ချဲၩ့ဝ့ၫလီၫ.- ၦလဖၪ နီၪ လ့ၩဆၧဘဲၫအဆၧလဲးဆၧဘျၪအၥိၭတၭ, မွဲၦၥူၭ ဝံၪၥူၭလၩဆၧ, ၦအံၩ့နဲၫ့ဆၧတၭ, ယိမ့ၬၦၡၩလၧအမိ န့ဆၧအကၠီၩ့တၭ, အနိၭချဲၩ့ဖိၫလိၫဆၧလီၫ.

ဆၧဒုၭထီးလၩ့ၥၭဒဲဆၧၥီၪ့လိၪနဲၪဂၧၩ့လဖၪ.

¹⁷ မွဲလါနၫ့ဘိၩ, ၦၥၭဘီၩ့နၥံၪဝ့ၫဧ့, ဆၧချဲၩ့လၧအဘၪ ဆၧစံၭဝဲၩလၧပကဆါယ့ၫရှူၬဎရံၬ အဆၧအၪ့မၧၫ့ဖိၪ

¹⁸ ၥံၪ,- လၧအဝ့ၫၥံၪလီၩဘၪဝဲၩနၥံၪ လၧၦအဒုၪဒွ့ၪဆၧ, လၧအလ့ၩဆၧဘဲၫအဆၧလယူၭလယၪ့ဘၪယွၩ အဆၧလဲးဆၧဘျၪဒၪဝ့ၫအၥိၭ, မိအီၪဝ့ၫလၧအဆၧၫ့

¹⁹ အထီအထုၬနီၪ, နၪ့ထၪ့ထဲၩ့ဆံၭ.- ၦလဖၪနီၪမွဲၦလၧ အမၩလၩ့မုလၩ့ဖၭဆၧၦဘၪဆဲၫ့လၧမိၡါ,ၦလအီၪ

²⁰ ဘၪလၧၥၭမုလီၫ.- မွဲလါနၫ့ဘိၩ, ၥၭဘီၩ့နၥံၪဝ့ၫဧ့, မၩ ထၪ့နၥံၪအၥၭ လၧနၥံၪအဆၧနဲၩဆံၫ့ဎံၪထုၬအဖၫ့ ခိၪနီၪ, ဘၩဆိၪဖၪဆၧလၧၥၭမုဆံၫ့ဎံၪအဖၧၩ့တၭ,

²¹ ယိလါကဆါယ့ၫရှူၬဎရံၬအဆၧယၫ့ၥၭ ထီၩ့လၧဆၧ မၧၫ့အဆိၩအကၠၪတၭ, ခိၭထၬနၥံၪအၥၭလၧယွၩ အဆၧအဲၪဆၧကွံၩ အဖၧၩ့ဆံၭ.

²² ၦလနၩ့နၩ့ ဂဲးလိၬတ့ၭလိၬ ဆၧအဘိၩ့ဘၭနီၪ ပ

²³ ဒၩ့ထၬ အဝ့ၫၥံၪဆံၭ.- ၦလနၩ့နၩ့ဖျဲးန့ခွံၬလၧမ့ၪ တၭ, ထိးထဲၩ့တၩ့ထဲၩ့ဝ့ၫဆံၭ. ဒဲၦဂူၫဂၩၥံၪနီၪ ယၫ့ ၥုၪ့ယၫ့ၥၭလၧဆၧၥၭမဲၪအဖၧၩ့, မ့ၬလဲၩအကီၩ့အၥိၭ ဒၪလ့ၬ လၧအၥံၪၥၧၫ့မူၭချၬ လၧဆၧဖံၭဆၧယၪနီၪ ဆံၭ.

ဆၧစံၭထၪ့အၪ့အူၭအဆၧဘၩဆိၪဖၪ.

²⁴ ဘဲၫၥိၭနၥံၪထီးလၩ့ထံၩဖါလဂ့ၩ, ၦလၧအခိၭနၥံၪ ၥ့ၪလဂၩနီၪ, ဒဲယိနၥံၪၥ့ၪတၭ,မိအီၪက့ၪနၥံၪလၥံၪ ၥၧၫ့မူၭချၬဘၪ လၧအလၩအဖၩ့အမ့ၬယၫ လၧဆၧၥုၪ့

²⁵ ဎွံၫၥၭယီၫဖၭဒိၪဆ့း- ဆၧထိးထဲၩ့တၩ့ထဲၩ့ပၧၩ လၧပ ကဆါယ့ၫရှူၬဎရံၬအကၠီၩ့, ယွၩလဂၩဎးနီၪ, မွဲဆၧလၩ ဖၩ့,ဒဲဆၧၥူၭဆၧၥဲၪ့,ဆၧဂဲးဆီၪ့ဘၭဆီၪ့, ဒဲဆၧစီၩ့ ဆၧမၩ့အီၪလၧအလီၩ့, လၧအဆၧၫ့အထီလချႃၭအီၪ ဒံၭဘၪ, ဒဲဘိၩ့နဲၪ့ယီၩ, ဒဲကယဲအဆိၩအကၠၪ ထီးအ လူၬထုၬလၥ့ၪဘၪနီၪဆံၭ. အၩမံၩ့.