ယ့ 1 - Pwo Kayin Bible

1

¹ ယွၩဒဲကဆါယ့ၫရှူၬအဎီးအၡၩ, ယၧၩ,စယ့မံၭ ယချဲၩ့ဒုၪ့ၦလဆံၫနံၫဒီၪ့လၧအလၩ့မုလၩ့ဖၭလိၬအ ၥၭလဖၪလီၫ.

ဆၧနဲၩဒဲဆၧကိၪ့ဘၪကိၪ့ၥ့ၪ.

² ယထၧၫ့ဖုဝဲၥံၪဧ့, ထီးနၥံၪလၩ့ဘၪလၧဆၧကျဲၩ့ဖစီၩ့ အၪမံၩ့အဖၧၩ့တၭ, အီၪက့ၪဝ့ၫ လၧဆၧၥၭထိၬထီး

³ အလူၬဆံၭ.- နၥံၪၥ့ၪယၫလၧနၥံၪအဆၧနဲၩ အဆၧမၩ

⁴ ခွါဝ့ၫမၩအၪထၪ့ထဲၩ့ဆၧအွံၪၥၭဆၧၩ့လီၫ.- ဘဲၫၥိၭ နၥံၪမိလၧၫ့ထၪ့ဎွ့ၩထၪ့, ဒဲနၫ့ဆါထီးအလူၬအဆံၫ့, န့ ဆၧလမံၩ့မံၩ့အလးထီးအီၪလဂ့ၩတၭ,မွဲဆၧအွံၪၥၭ ဆၧၩ့အီၪလၧအမၩဆၧ လၧအလၧၫ့အဎွ့ၩဆံၭ.

⁵ နၥံၪဝ့ၫလဂၩဂၩနီၪန့ ဆၧကိၪ့ၥ့ၪကိၪ့ဘၪ အလးအ့ၪ အီၪတၭ, မွဲအအၪ့ကံၩ့ယွၩလၧအဖ့ၪလၫ့ဆၧယီၫလၧ ၦကိၭဂၩဒ့ၭတၭ, လအၪ့လၬဘၪ ဆၧလဂၩနီၪဆံၭး

⁶ တၭဆၧမိဖ့ၪလၫ့အဝ့ၫဒၪလီၫ.- မွဲလါနၫ့ဘိၩမွဲအအၪ့ ကံၩ့ဆၧလၧဆၧနဲၩဆံၭးမွဲအၥၭထီးဂံၩ့ဂၩ့ နးမံၩ့ လဂ့ၩ. အဂဲးဘဲၫယီၩ ၦလၧအၥၭဂံၩ့ဂၩ့နီၪ, မၩအၥၭ ဘဲၫမၫဆမံၭအလပီၩ လၧလံၩအူၪဘၪဝၭဝ့ၫ အၥိၭနီၪ

⁷ လီၫ.- အဂဲးဘဲၫယီၩၦလဂၩနီၪ မွဲအထီးဆီၫ့မီၪ့လၧအ

⁸ မိန့ဘၪဆၧလမံၩ့မံၩ့ လၧကဆါအအီၪနီၪလဂ့ၩ.-ၦလၧ အၥၭနံၫဖျိၪ့လဂၩနီၪ, မၩဝံၩ့ဝၩ့အၥၭ လၧအဖၧၩ့ၥုၪ့ ဖၧၩ့ၥၭထီးအလူၬအဖၧၩ့လီၫ.

ဆၧအၡၪ့ဒဲဆၧကဲၪဒိၪ.

⁹ ထၧၫ့ဖုဝဲလၧအဘၪဆၧဆၪ့လၩ့လဂၩနီၪ, မွဲအအီၪ က့ၪဖိၫလိၫအၥၭ လၧအဘၪဆၧအီၪက့ၪ ထၪ့ထီၫအ

¹⁰ ဖၧၩ့ဆံၭ.- အ့ၪမွဲၦၥထံၫလဂၩနီၪ မွဲအအီၪက့ၪဖိၫလိၫ အၥၭ လၧအဘၪဆၧဆၪ့လၩ့ အဖၧၩ့နီၪဆံၭး အဂဲး ဘဲၫယီၩ မွဲအမိလၩ့မါခွံၬဝ့ၫ ဘဲၫနၪ့အဖီၫၥံၪအၥိၭ

¹¹ နီၪလီၫ.- အဂဲးဘဲၫယီၩ ထီးမုဂဲၫထၪ့လၧဆၧမိမၩဎဲၫ့ ထၪ့ခွံၬနၪ့ၥံၪမံၩ့ၥံၪ, ဒဲအဖီၫလၩ့ဎွံၪခွံၬဝ့ၫတၭ, အခံး အဂၩ့အဎံၫအလၩဂၭဂီၩ့ခွံၬဝ့ၫဒၪလီၫ. ၦၥထံၫလဂၩ နီၪမိလၩ့မါခွံၬ လၧအဖၧၩ့ၥၭဘဲၫနီၪအၥိၭလီၫ.

ဆၧမၩခွါဒဲဆၧကျဲၩ့ဖစီၩ့.

¹² ၦလၧအထိးဘၪဆၧကျဲၩ့ဖစီၩ့နီၪ ဘၪဆိၪဂ့ၩဝ့ၫလီၫ. အဂဲးဘဲၫယီၩ ဆၧမၩခွါဝ့ၫဂီၩ့တၭ, မွဲအမိန့ဘၪဆၧ မၧၫ့အၥရဖူၩ လၧကဆါစံၭဝဲၩဝ့ၫ လၧအမိဖ့ၪလၫ့

¹³ ၦလၧအအဲၪဝ့ၫလဖၪနီၪလီၫ.- လၧၦဘၪဆၧကျဲၩ့ ဖစီၩ့နီၪ, မွဲအထီးစံၭ,ယဘၪဆၧကျဲၩ့ဖစီၩ့ လၧယွၩနီၪ နးဂၩလဂ့ၩ. အဂဲးဘဲၫယီၩ ယွၩဘၪဆၧကျဲၩ့ဖစီၩ့န့ လၧဆၧအၧၩ့ဆၧၥၫ့အဖၧၩ့ လၥ့ၪဘၪ, မွဲအကျဲၩ့ဖစီၩ့

¹⁴ န့ၦၡၩနးဂၩဆ့အ့ၬ. ထီးၦလဂၩဂၩအဆၧၥၭကွံၩဒၪ ဝ့ၫထုၭဝ့ၫဒဲအၪ့လ့ၬန့ဝ့ၫနီၪ,မွဲအဘၪဆၧကျဲၩ့ဖစီၩ့

¹⁵ လီၫ.- လၧခဲၫ့ထဲၩ့တၭ, ဆၧၥၭကွံၩနီၪဒၧၩ့ထၪ့တၭ, ဆီၫ့အီၪန့ ဆၧဒဲၩဘၭ ဒဲဆၧဒဲၩဘၭနီၪ လၧၫ့ထၪ့ဎွ့ၩ ထၪ့နီၪ, ဆီၫ့အီၪန့ဆၧၥံၫလီၫ.

¹⁶ ယထၧၫ့ဖုဝဲၥၭဘီၩ့ၥံၪဧ့, ထီးဘၪဆၧအၪ့လီၫန့နၥံၪလဂ့ၩ,-

¹⁷ ကယဲဆၧဖ့ၪလၫ့အဂ့ၩအဘွၩ,ဒဲကယဲဆၧ ဖ့ၪလၫ့ လၧအလၧၫ့အဎွ့ၩလမံၩ့လါလါနီၪ ဂဲၫလၩ့ဝ့ၫ လၧဆၧဖၩ့အဖါအအီၪ လၧထၭလခီၫနီၪလီၫ. ဆၧက ဒံၩကဒၩမွဲဂ့ၩ, ဆၧကၠၪထဲၩ့အၥၭ အဆံၭထုၬ မွဲဂ့ၩ,

¹⁸ အီၪလၧအဝ့ၫဒၪအ့ၬ.- ထီးဒၪအၥၭနီၪ, မွဲအထၪ့ဖိၪ ပၧၩလၧဆၧမွဲဆၧတီၩအလူ ဘဲၫၥိၭပမိကဲၪထၪ့အ ဆၧတဲၩ့ဝ့ၫလဖၪ အဆၧၥၪထၪ့ဆိၫလမံၩ့လီၫ.

ဆၧနါဂၧၫ့ဒဲဆၧမၩ.

¹⁹ မၩအၥၭဘဲၫနီၪတၭ, ယထၧၫ့ဖုဝဲၥၭဘီၩ့ၥံၪဧ့, မွဲၦ နါဂၧၫ့ဆၧချဲၫ့ချဲၫ့တၭ, ချဲၩ့ဆၧၡီၫၡီၪနီၪ, ၥၭထၪ့ဝ့ၫ

²⁰ ၡီၫၡီၪကိၭဂၩဒ့ၭဆံၭ.- အဂဲးဘဲၫယီၩ ၦၡၩအၥၭ ထၪ့နီၪမၩယွၩ အဆၧတီၩဆၧလီၩ့အ့ၬ.

²¹ မွဲဘဲၫနီၪတၭ, ၥုၭခွံၬကယဲဆၧစံၪစၪဘၪၥၭလိၪ ဘၪၥလံၭ, ဒဲဆၧအၧၩ့ဆၧၥၫ့အဆၧလၨၪဆၧဖၬထီး အလူၬနီၪဆံၭ. ဆၧအလူၥုၪ့လၩ့ဖျၭလၩ့လၧအထိး ထဲၩ့တၩ့ထဲၩ့ နၥံၪအၥၭၡီၩ့ၥ့ၪနီၪ, ထိးဆၧၫ့လၧၥုၪ့

²² ဆၧၩ့ၥၭဆၧၩ့ဆံၭ.- တၭကဲၪထၪ့နၥံၪဝ့ၫ လၧၦမၩဆၧ အလူဆံၭ, မွဲနၥံၪထီးအၪ့လီၫလၩ့နၥံၪအၥၭ, ကဲၪ ထၪ့န့ၫၦနါဂၧၫ့ဆၧနီၪလဂ့ၩ.

²³ အဂဲးဘဲၫယီၩ ၦလဂၩဂၩအ့ၪကဲၪထၪ့ၦနါဂၧၫ့ဆၧ အလူတၭ, လမၩဘၪဆၧနီၪ, မွဲအမၩအၥၭဘဲၫၦယိ

²⁴ လၩ့အၥၭလၧမ့ၬထံၫလၩအဖၧၩ့အၥိၭနီၪလီၫ.- အဂဲး ဘဲၫယီၩယိလၩ့အၥၭစဲၪ့ထၪ့ခွံၬဝ့ၫတၭ, ၥၭနၪ့ခွံၬအခံး

²⁵ အဂၩ့ချဲၫ့မၬလီၫ.- အ့ၪမွဲၦလၧအယိထံၫယိဆၭ ဆၧ ၥီၪ့ဆၧၥၫ့အလၧၫ့အဎွ့ၩ, ဆၧၥီၪ့ဆၧၥၫ့ အဆၧပျီၩ ဖျ့ၭတၭ, အီၪဂုးခၧၫ့ဝ့ၫ လၧအဖၧၩ့နီၪ, မွဲၦလဂၩ လၧအနါဂၧၫ့ဆၧ ဒဲလၥၭနၪ့ဘၪဆၧနီၪ, အ့ၪမွဲၦမၩဆၧ လီၫ. အဝ့ၫနီၪလဂၩ မိဘၪဆၧဆိၪဂ့ၩ လၧအမၩဆၧ အဖၧၩ့လီၫ.

²⁶ ၦလဂၩဂၩ လၧနၥံၪအကျၩ, အ့ၪဆီၫ့မီၪ့လၩ့ အၥၭ လၧအမွဲၦဘၩယွၩဖိၪတၭ, အ့ၪလမၩနၧၩ့မၩစၪဘၪ အဖျ့ၩနီၪ, မွဲအအၪ့လီၫလၩ့အၥၭဒၪဝ့ၫတၭ, အဆၧ

²⁷ ဘိၪ့ထဲၩ့ဘၩထဲၩ့နီၪ မွဲဆၧပျီၩပျီၩလီၫ. ဆၧဘိၪ့ထဲၩ့ ဘၩထဲၩ့အဆံၫ့အဎံၪ ဒဲလစံၪစၪဘၪ လၧယွၩဒဲဖါအမ့ၬ ယၫလမံၩ့မွဲအယီၩ, ဆၧအီၪၡီၩ့ၦဖိၪဎွ့ၪ,ဒဲၦမုၪမဲၫ လၧအဘၪ ဆၧၡၪ့ဆၧနၭနီၪ, ဒဲဆၧထီးလၩ့အၥၭ ဘဲၫ ၥိၭအထီးဘၪ ဂၪ့ခိၪအဆၧကံၪဆၧမူၭလဂ့ၩနီၪလီၫ.