ဟံ 1 - Pwo Kayin Bible

1 ယွၩအလူအထၫခၫ့ဖျီၫ့လၧအဖိၪခွၫ.

¹ ယွၩ,လၧအလီၩဘၪဖါၥံၪ လၧဖျိၩ့လၧမီၪလဖၪ

² အနိၭအၪဆၫ့ဒဲအၪကၠီၪ့တၭ,- လၧနံၩအထုၬလဖၪယီၩ လီၩဘၪပၧၩလၧအဖိၪခွၫလၧအအီၪက့ၪလၩ့ဝ့ၫလၧ ၦန့ဘၪၥၫဆၧထီးအလူၬဒဲမၩကဲၪထၪ့ဂၪ့ခိၪ လၧအ

³ ဝ့ၫနီၪဆ့လီၫ.- အဝ့ၫဒၪနီၪမွဲအလၩအဖၩ့အဆၧဂိး ၡ့ၭဂိးၡီၫဒဲအနၫ့ဆါအဂၩ့လၩ့ထံးလၩ့ဆ့ၭ,ဆိၬန့က ယဲဆၧလမံၩ့လါလါလၧအလူဘၪဆဲၫ့လၧဆၧအစီၩ့ အမၩ့တၭ, မၩဆံၫ့ခွံၬပဆၧဒဲၩဘၭလၧအနၫ့ဆါဒၪဝ့ၫ ဂီၩ့တၭ, ဆၧၫ့နၩ့ဝ့ၫလၧဆၧဒိၪကဆါအစူၪထွ့ၪလၧ ဆၧထၪ့ထီၫ,

ယွၩအဖိၪခွၫမွဲအဒိၪထုၬ.

⁴ မွဲအဂ့ၩနဲၪ့အၥီၫ့လဖၪ န့ၫၥိၭလၧအမံၩ့ လၧ အန့ဘၪၥၫဝ့ၫနီၪ, ဂ့ၩနဲၪ့အဝ့ၫၥံၪ အမံၩ့ဒံၭလီၫ.

⁵ အဂဲးဘဲၫယီၩ-, နဝ့ၫဒၪနမွဲယဖိၪခွၫတၭး ယထၪ့ဖိၪယူၭနၧၩလၧမုဆၫလနံၩယီၩယူၭ, မွဲအစံၭအၥီၫ့လဂၩဂၩလဲၪ. တၭ မၩ ဒီၭ လ ဖၧၫ့, ယ မိ ကဲၪ ထၪ့ အ ဖါ တၭ, အ ဝ့ၫလ ဂၩ မိ ကဲၪ ထၪ့ ယ ဖိၪ ခွၫ နီၪ, မွဲအစံၭဎွ့ဆိၭလဲၪ.

⁶ မၩဒီၭလဖၧၫ့, ထီးအဂဲၫဆိၬအဖိၪဝဲၡါလၧဂၪ့ခိၪချိၫ့ ယီၩတၭ, စံၭဝ့ၫဒၪ, က ယဲ ယွၩ အ ၥီၫ့ လ ဂၩ လါ လါ နီၪ မွဲ အ ဘၩ ထၪ့ အ ဝ့ၫ ဒၪ ကိၭ ဂၩ

⁷ ဒ့ၭဆံၭ.- စံၭဝ့ၫလၧအၥီၫ့လဖၪအဂဲး, မွဲအမၩအၥီၫ့လဖၪလၧလံၩ, ဒဲအခ့ၫအၡၩၥံၪလၧမ့ၪလၪလီၫ.

⁸ အ့ၪမွဲဆၧလၧအဖိၪခွၫအဂဲးနီၪစံၭဝ့ၫ, ယွၩဧ့,နလးဆီၩ့ဆီနီၪအီၪဝ့ၫအဆိၩဆိၩအကၠၪ ကၠၪတၭး ဆၧတီၩဆၧလီၩ့ အနိၪထိၭနီၪ မွဲနဘၩ့နမုးအနိၪ ထိၭစဎွၩလီၫ.

⁹ နအဲၪဆၧတီၩဆၧလီၩ့တၭနမ့ၬလဲၩဆၧအၧၩ့နီၪ, မၩအၥၭဘဲၫနီၪတၭ, ယွၩ, နယွၩဂုၪနလီၩ့, လၧဆၧၥၭထိၬအၥိၪ လၧနထံၩနၥိၭအဖၫ့ခိၪလီၫ.

¹⁰ တၭ, နဝ့ၫဒၪကဆါဧ့, လၧထံၭလၧအၥၫ့နီၪ, နအီၪက့ၪလၩ့ဂၪ့ခိၪအခၪ့ထံၭ, ဒဲမူၭခိၪနီၪမွဲနစူၪအဆၧမၩလီၫ.

¹¹ အဝ့ၫၥံၪမိထီၩ့လၧဆၧဂၭဂီၩ့, အ့ၪမွဲနဝ့ၫဒၪနအီၪဂုးခၧၫ့နဝ့ၫလီၫ. အဝ့ၫၥံၪထီးအလူၬ မိလးလံၩဝ့ၫ, ဘဲၫဆၧကီၩ့ဆၧၥိၭ, အၥိၭ

¹² ဘဲၫဖၬဘဲၩ့အၥိၭနီၪအမိဒီၪထၪ့ဝ့ၫတၭ, အဝ့ၫၥံၪမိအၪ့လဲၩထဲၩ့အၥၭလီၫ. အ့ၪမွဲနဝ့ၫဒၪနအီၪဘဲၫအလးလးတၭ, နနံၪ့လဖၪလူၬဝ့ၫဒၪအ့ၬ.

¹³ ဆၧၫ့နၩ့လၧယစူၪထွ့ၪလခီၫ, ထီးယအီၪက့ၪလၩ့နဒုၪနဒၩၥံၪ, လၧနခၪ့ယဲးလၩ့အလးဆံၭ,

¹⁴ မွဲအစံၭအၥီၫ့ၥံၪလဖၧၫ့ဖၧၫ့လဂၩဂၩလဲၪ.- အဝ့ၫ ၥံၪထီးအလူၬနီၪ,မွဲၥၭလဖၪလၧအမၩဆၧ အခ့ၫအၡၩ အဆၧလၧဆၧအၪ့မၧၫ့လၩ့ဝ့ၫဘဲၫၥိၭအမိမၩၦ လၧအမိန့ဘၪၥၫဆၧထိးထဲၩ့တၩ့ထဲၩ့လဖၪအဆၧ, မွဲအ့ၬဧၪ.