ၦလီၩလၩ့လၬလၩ့ဆၧလီၫ. 1 - Pwo Kayin Bible

1 ဆၧအီၪမၧၫ့လၧအခိးအတၩလအီၪဘၪ.

¹ စဒၫဝံၭအဖိၪခွၫစဎွၩ လၧယရုစလံၫ့အဖၧၩ့, ၦ လီၩလၩ့ဆၧလဂၩအဆၧချဲၩ့လဖၪလီၫ.

² ဆၧပျီၩပျီၩလဖၪအဆၧပျီၩပျီၩနီၪ, ၦလီၩလၩ့ဆၧ နီၪစံၭဝ့ၫဒၪ, ဆၧပျီၩပျီၩလဖၪအဆၧပျီၩပျီၩး ဆၧထီး

³ အလူၬမွဲဆၧပျီၩပျီၩလီၫ.- ကယဲဆၧမၩလၧၦၡၩမၩ ဝ့ၫလမံၩ့လါလါလၧမုအဖၫ့လၬယီၩ, မွဲအန့ကၩဆၧနီၪ

⁴ လမံၩ့လဲၪ.- ၦလဆိၩဖီၩ့ခွံၬတၭ,ၦလဆိၩဒၪဂဲၫထၪ့

⁵ ဝ့ၫးအ့ၪမွဲဂၪ့ခိၪအီၪဂုးခၧၫ့ဝ့ၫအဆိၩအကၠၪလီၫ.- မုနီၪ ဂဲၫထၪ့ဆ့, ဒဲမုလၩ့နုၬ, ဒဲလ့ၩစိၩဝ့ၫချဲၫ့ချဲၫ့လၧအလး

⁶ လၧအဂဲၫထၪ့ဝ့ၫနီၪလီၫ.- လံၩနီၪလ့ၩတီၩဝ့ၫလၧမုခံၫ့ နီၪတၭ,ကၠၪထဲၩ့အၥၭလၧမုဖၩနီၪး မၩဝံၩ့ဝၩ့အၥၭလ ထံၪဎးဘီၩ့ဎးတၭ, လံၩထဲၩ့ထဲၩ့ဒီၭဘဲၫအဝၩ့ၥံၪအီၪ

⁷ ဝ့ၫအၥိၭဆ့လီၫ.- ကယဲထံၫချိၬထီးအလူၬၥံၪယွၩလၩ့ လၧမၫဆမံၭဖၧၩ့လါနၫ့တၭ, မၫဆမံၭနီၪဎွ့ၩဝါအ့ၬး လၧအလးလၧထံၫချိၬၥံၪစဲၪ့ထၪ့ခွံၬလစီၪ့နီၪ, အဝ့ၫၥံၪ

⁸ ထဲၩ့ထဲၩ့ဒီၭထီးအလးနီၪဆ့လီၫ.- ကယဲၦအဆၧချဲၩ့ ၥံၪမၩပွံၭၦၡၩအၥၭထီးအလူၬနီၪ, ထီးၦလီၩလၩ့လၬ လၩ့ဝ့ၫၥ့ၪဝါအ့ၬး ၦမ့ၬၥၪယိဖၧၩ့ဆၧလါနၫ့နီၪ, ဘျဲၩ

⁹ ယိဝ့ၫအ့ၬး ဒဲၦနါနီၪဘျဲၩနါဂၧၫ့ဆ့အ့ၬ.- ဆၧလၧအမိ အီၪထၪ့ဝ့ၫနီၪ, မွဲဆၧလၧအအီၪဝဲၩဝ့ၫး ဒဲဆၧလၧဆၧ မၩဝဲၩယူၭနီၪ, မွဲဆၧလၧဆၧမိမၩဝ့ၫဆ့တၭ, လၧမုအ

¹⁰ ဖၫ့လၬယီၩဆၧအၥၫ့အီၪနးမံၩ့အ့ၬ.- ယိခွါ,အယီၩ မွဲဆၧအၥၫ့နီၪ, ဆၧလၧၦစံၭဝ့ၫအဂဲးဘဲၫနီၪၥ့ၪ, မွဲအ အီၪလမံၩ့မံၩ့ဆ့ဧၪ. အနီၪအီၪဝဲၩဝ့ၫလၧဖျိၩ့ လၧပလ

¹¹ ချႃၭအီၪဒံၭဘၪနီၪလီၫ.- ဆၧလၧဖျိၩ့လံၩလံၩလဖၪနီၪ ဆၧနၪ့ထၪ့ဝ့ၫအီၪအ့ၬး ဒဲဆၧလၧအမိဂဲၫဝ့ၫလဖၪနီၪ, ၦလၧအမိအီၪထၪ့လၧခဲၫ့လဖၪနီၪ, အဆၧနၪ့ထၪ့ဆၧ လဖၪနီၪအဂဲးအကၠီၪ့မိအီၪဆ့အ့ၬ.

ၦကိၪ့ၥ့ၪလၧအဆီၫ့မီၪ့ဆၧအဒိၪအယိၬ အဆၧလ့ၩခၫ့ဖျီၫ့ဆၧ.

¹² ၦလီၩလၩ့ဆၧယၧၩယီၩ, ယမွဲယူၭစဎွၩလၧအံၫ

¹³ စရ့လၭအဖၫ့ခိၪလၧယရုစလံၫ့အဖၧၩ့လီၫ.- လၧဆၧ ကိၪ့ဘၪကိၪ့ၥ့ၪအကၠီၩ့နီၪ, ယအၪ့မၧၫ့ယၥၭအၪ့ဎူၫ အၪ့ဎၬကယဲဆၧလမံၩ့လါလါ လၧအကဲၪထၪ့လၧမူၭ ခိၪအဖၫ့လၬယီၩအဂဲးအကၠီၪ့ကိၭမံၩ့ဒ့ၭဆ့လီၫ. ဆၧ အၪ့ဂူၬမၩဆီၪ့လမံၩ့ယီၩ ယွၩဖ့ၪလၫ့လၧၦၡၩအဖိၪ

¹⁴ ခွၫၥံၪ,ဘဲၫၥိၭအမိမၩဝ့ၫဒၪလီၫ.- ကယဲဆၧလမံၩ့လါ လါလၧဆၧမၩဝ့ၫလၧမုအဖၫ့လၬယီၩ, ယဒၪဘၪယူၭ ထီးအလူၬယူၭတၭ,ယိခွါ, ကယဲဆၧထီးအလူၬမွဲဆၧ ပျီၩပျီၩ,ဒဲဆၧလၧအမၩခိမၩဝီၩၦၥၭဆ့လီၫ.

¹⁵ ဆၧလၧအကဲၪ့နီၪ, ဆၧမၩလီၩ့ထၪ့ၥ့ၪအ့ၬး ဒဲဆၧ

¹⁶ လၧအလအီၪဘၪနီၪ, ဆၧဝံထၪ့နၬထၪ့ၥ့ၪအ့ၬ.- ယချဲၩ့ ဆၧလၧယၥၭဒၪယဝ့ၫ,စံၭဝ့ၫ, ယိခွါ,ယန့ဘၪဆၧအ ဎၧၩ့အဎီဖၭဒိၪ,ဒဲယဆၧကိၪ့ဘၪကိၪ့ၥ့ၪနီၪ အီၪအၪနဲၪ့ ဒံၭကယဲၦလၧအအီၪဆိၫနဲၪ့ယၧၩ လၧယရုစလံၫ့အဖၫ့ ခိၪထီးအလူၬတၭး မွဲမၬ,ယၥၭမၩယုၩယါဆၧဘၪ ဆဲၫ့လၧဆၧကိၪ့ဘၪကိၪ့ၥ့ၪ, ဒဲဆၧၥ့ၪယၫဆၧအဂဲးအ

¹⁷ ကၠီၪ့နီၪဆ့လီၫ.- ဒဲယဒုၭၥ့ၪယၫယၥၭလၧဆၧကိၪ့ဘၪ ကိၪ့ၥ့ၪ, ဒဲဒုၭၥ့ၪယၫဆၧအဖျႃ ဒဲဆၧအဂီၩ့နီၪဆ့လီၫ. ယဒၪဘၪလၧအယီၩလမံၩ့ ဆ့မွဲဆၧမၩခိမၩဝီၩၦၥၭ

¹⁸ လီၫ.- အဂဲးဘဲၫယီၩလၧဆၧကိၪ့ဘၪကိၪ့ၥ့ၪအၪအဖၧၩ့ နီၪ, ဆၧၥုၪ့အုၭၥၭအုၭအီၪအၪဆ့တၭး ၦလၧအမၩ အၪထၪ့ဆၧၥ့ၪယၫနီၪ, မၩအၪထၪ့ဆၧၥုၪ့အုၭၥၭအုၭ ဆ့လီၫ.