စဒၫ့နအ့လၭအလံၬ. 1 - Pwo Kayin Bible

1 စဒၫ့နအ့လၭဒဲအထံၩအၥိၭလဖၪအဂဲး. ၦၥၭဘၪ့လဖၪလၧစန့ၭဘူၫခၭန့ဇၫအနီး.

¹ လၧယုဒၫအစဎွၩယဟီအကံၫ့ ကဲၪစဎွၩအနံၪ့ ၥၧၫ့နံၪ့လနံၪ့နီၪ, ဘၭဘလၧၫ့အစဎွၩန့ၭဘူၫခၭန့ဇၫဂဲၫ

² ထီၩ့ဝ့ၫလၧယရုစလံၫ့တၭ, ဝၩ့ထၬဝ့ၫလီၫ.- ကဆါဖ့ၪ လၫ့ယုဒၫအစဎွၩယဟီအကံၫ့ လၧအစူၪဖၧၩ့တၭ,ယွၩ အဂံၪ့အဎၧၩ့အဎီလနၩ့နီၪ, အဝ့ၫဒၪဆိၬဝ့ၫလၧခးၡဲနၫ အဖၧၩ့လၧအယွၩအဂံၪ့ဖၧၩ့လီၫ. တၭဆိၬဆၧအ ဎၧၩ့အဎီလဖၪနီၪ လၧအယွၩအဂံၪ့အဆၧအီၪက့ၪကီၪ့ အလးဖၧၩ့လီၫ.

³ တၭစဎွၩမၪလူၬၦဖၫဆွံၪဖိၪအခိၪ စအၭၡပံၫနၭဘဲၫ ၥိၭအမိဂဲၫဆိၬၦအံၫစရ့လၭဖိၪလနၩ့နၩ့, စဎွၩအ

⁴ ချံၫအၥၪ,ဒဲၦဒိၪဖၭဒိၪအဖိၪး- ဖိၪၥၪခွၫလၧအလၧၫ့အ ဎွ့ၩ,ဒဲအခံးအဂၩ့ဂ့ၩ, ဒဲမၩဆၧၥ့ၪလၧဆၧကိၪ့ဆၧဆၭ ထီးအလူၬ, ဒဲၥ့ၪထၪ့ဆၧၥ့ၪယၫ, ဒဲအၪ့နၩ့ဖၭဆၧၥ့ၪ ယၫအဆၧၫ့ၥ့ၪ, ၦလၧအဆၧၫ့ထုၪ့လၧစဎွၩအနီးဖၧၩ့ ၥ့ၪ,ဘဲၫၥိၭအမိၥီၪ့လိၪအဝ့ၫၥံၪ လၧၦခၫလဒံအၫဖိၪအ

⁵ လံၬအလဲ,ဒဲအလၨဆ့လီၫ.- တၭစဎွၩအီၪက့ၪလၩ့န့ အဝ့ၫၥံၪလၧစဎွၩအဆၧအၪ့အွံၪ လနံၩအဂးလနံၩအ ဂး,ဒဲအစဘံၭထံၫလၧအအီၩဝ့ၫ, ဘဲၫၥိၭၦမိလုအၪ့အ ဝ့ၫၥံၪၥၧၫ့နံၪ့အထးဖၧၩ့တၭ, လၧအလးခဲၫ့နီၪအဝ့ၫၥံၪ မိအီၪဆၧၫ့ထုၪ့လၧစဎွၩအမ့ၬယၫလီၫ.

⁶ လၧၦလဖၪနီၪအကျၩ ၦယုဒၫဖိၪအီၪဝ့ၫလနၩ့,မွဲစ ဒၫ့နအ့လၭ,စဟၫ့အနဲအၫ, စမၡ့ၫအ့လၭ,ဒဲစအၭဇရဲ

⁷ အၫလီၫ.- တၭၦဖၫဆွံၪဖိၪ အခိၪဖျိၬထဲၩ့အမံၩ့လီၫ. စဒၫ့နအ့လၭနီၪဖျိၬထဲၩ့အမံၩ့ လၧစဘ့ၫလၭတၡၭဇၫ, ဒဲစဟၫ့အနဲအၫနီၪ လၧစၡၫဒၭ, ဒဲစမၡ့ၫအ့လၭနီၪ လၧစမံၡ့ၭး ဒဲစအၭဇရဲအၫနီၪလၧစအဘ့ၫဒန့ဂိၫ လီၫ.

⁸ လၧဆၧဘၪဆဲၫ့လၧစဎွၩ အဆၧအၪ့အွံၪ,ဒဲစဘံၭ ထံၫလၧအအီၩဝ့ၫနီၪ, စဒၫ့နအ့လၭအီၪက့ၪဝဲၩလၧအ ၥၭခံဖၧၩ့လၧအမိမၩဘၪၥၭလိၪ အနၫ့ဆါလၧဆၧနီၪဆ့ အ့ၬ. အခိးမွဲဘဲၫနီၪတၭ အၪ့ကံၩ့ဝ့ၫလၧၦဖၫဆွံၪဖိၪအ ခိၪဘဲၫၥိၭအထီးမၩဘၪၥၭလိၪ အနၫ့ဆါလဂ့ၩလီၫ.

⁹ တၭယွၩဖ့ၪလၫ့စဒၫ့နအ့လၭ လၧဆၧအခိးအတၩ,ဒဲ ဆၧၥၭအီၪဆၧ လၧၦဖၫဆွံၪဖိၪအခိၪအမ့ၬယၫလီၫ.

¹⁰ တၭၦဖၫဆွံၪဖိၪအခိၪနီၪစံၭစဒၫ့နအ့လၭ, ယၥၭမဲၪယ ကဆါစဎွၩလၧအအီၪက့ၪလၩ့ နၥံၪအဆၧအၪ့ဒဲနၥံၪ အဆၧအီၩလီၫ. အဂဲးဘဲၫယီၩမိဒၪဘၪနၥံၪအမ့ၬလၩ့ ၡါနဲၪ့ၦအီၪဖျဲၪဎုၬ လၧနၥံၪဒံၭမွဲဘၪလဲၪး တၭနၥံၪမိ ဒုၭဘၪယခိၪဎွံၪ လၧဆၧဒဲၩဘၭ လၧစဎွၩအစူၪဖၧၩ့ လီၫ.

¹¹ ထီးနီၪလဖၧၫ့စဒၫ့နအ့လၭ, စံၭစမ့လဇၫလၧၦဖၫ ဆွံၪဖိၪအခိၪအီၪက့ၪယူၭဝ့ၫ လၧစဒၫ့နအ့လၭ,စဟၫ့အ နဲအၫ,စမၡ့ၫအ့လၭ, ဒဲစအၭဇရဲအၫအဖၫ့ခိၪနီၪ,

¹² မၩခွါနခ့ၫနၡၩနးဆံၫနံၩဘီၪ. တၭဖ့ၪလၫ့လါပၧၩလၧ ဆၧဒိၭဆၧလၪလၧပမိအၪ့, ဒဲထံၫလၧပမိအီၩဆံၭ.

¹³ ထီးနီၪလဖၧၫ့မွဲဆၧယိပမ့ၬ, ဒဲၦဖိၪၥၪခွၫလၧအအၪ့ စဎွၩအဆၧအၪ့အွံၪလဖၪအမ့ၬ လၧနမ့ၬယၫဆံၭ.

¹⁴ တၭဘဲၫနဒၪဆၧအၥိၭနီၪ မၩနခ့ၫနၡၩဘီၪ.- အဝ့ၫဒၪ ခိၭနၪအလူလၧဆၧနီၪလမံၩ့အကၠီၩ့တၭ, မၩခွါဝ့ၫဆံၫ

¹⁵ နံၩလီၫ.- တၭလၧဆံၫနံၩအထုၬနီၪ အဝ့ၫၥံၪအခံးအ ဂၩ့ဂ့ၩနဲၪ့, ဒဲအဖံၭအယၪဘီၪ့နဲၪ့ကယဲၦဖိၪၥၪခွၫလၧ

¹⁶ အအၪ့စဎွၩအဆၧအၪ့အွံၪထီးအလူၬဒံၭလီၫ.- အခိး မွဲစမ့လဇၫမၩန့ခွံၬအဆၧအၪ့အွံၪ, ဒဲအစဘံၭထံၫလၧ အအီၩဝ့ၫတၭ, ဖ့ၪလၫ့အဝ့ၫၥံၪ လၧဆၧဒိၭဆၧလၪ လီၫ.

¹⁷ ဆၧလၧဖိၪၥၪခွၫလံဂၩနီၪ ယွၩဖ့ၪလၫ့အဝ့ၫၥံၪလၧ ဆၧၥ့ၪယၫ,ဒဲအၥုၪ့ဆၭအၥၭဆၭ လၧကယဲဆၧမၩ လိၪ,ဒဲဆၧကိၪ့ၥ့ၪအကျၩ ထီးအလူၬလီၫ. တၭစဒၫ့န အ့လၭနၪၥ့ၪ ကယဲဆၧဒၪဆၧလၧယၫလခီၫ, ဒဲဆၧမံၫ မးကိၭမံၩ့ဒ့ၭထီးအလူၬလီၫ.

¹⁸ တၭမုနံၩလဖၪအထုၬ လၧစဎွၩမၪလူၬယူၭလၧၦမိ ဒုၭဂဲၫနုၬဝ့ၫနီၪ, ၦဖၫဆွံၪဖိၪအခိၪဒုၭဂဲၫနုၬအဝ့ၫၥံၪ

¹⁹ လၧန့ၭဘူၫခၭန့ဇၫအမ့ၬယၫလီၫ.- စဎွၩနီၪအၪ့စိၭ အၪ့စၪ့အဝ့ၫၥံၪတၭ, ၦဘဲၫစဒၫ့နအ့လၭ, စဟၫ့အနဲ အၫ,စမၡ့ၫအ့လၭ, ဒဲစအၭဇရဲအၫအၥိၭအီၪလၧၦ ထီးအလူၬနီၪအကျၩနးဂၩအ့ၬ. တၭအဝ့ၫၥံၪအီၪဆၧၫ့ ထုၪ့လၧစဎွၩအမ့ၬယၫလီၫ.

²⁰ တၭကယဲဆၧဘၪဆဲၫ့လၧဆၧကိၪ့ၥ့ၪ, ဆၧကိၪ့ဆၧ ဆၭလၧစဎွၩအၪ့စၪ့အဝ့ၫၥံၪ လၧအဂဲးအကၠီၪ့နီၪ,ဒၪ န့ဝ့ၫလၧအဝ့ၫၥံၪဂ့ၩနဲၪ့ဒံၭကယဲၦကွ့ၭလံၬ, ဒဲၦၥ့ၪဆၧ အူၪဆၧပီၩ အီၪလၧအဘၩ့အမုးအဖၧၩ့ ထီးအလူၬ ဆံၫဘျၩ့နီၪလီၫ.

²¹ တၭစဒၫ့နအ့လၭအီၪဝ့ၫထီးစဎွၩစဲရၧၭအနံၪ့အခၪ့ ထံၭလနံၪ့လီၫ.