လီ 1 - Pwo Kayin Bible1 1 ၦကဲၪယ့ၫရှူၬဎရံၬအဆၧအၪ့မၧၫ့ဖိၪ ဘဲၫယွၩအၥၭ အၥိၭ,ယၧၩ, စပီလူၫဒဲၦထၧၫ့ဖုဝဲစထံမၥံၫ, ပဝ့ၫဒၪ 2 ယီၩ,- စံၭၦဆံၫ့ဎံၪဒဲထၧၫ့ဖုဝဲၥံၪလၧအလူတီၩလၧ ဎရံၬအဖၧၩ့, အီၪလၧကလီစံၫနီၪ, မွဲဆၧအခိးအတၩ, ဒဲဆၧဘၪလိၬအိၭလိၬလဖၪလၧပဖါယွၩ, ဒဲကဆါ ယ့ၫရှူၬဎရံၬနီၪဘၪနၥံၪဆံၭ. ဆၧစံၭခိးစံၭတၩအဆၧဘၩဆိၪဖၪ. 3 ဆၧယိလါလၧအအီၪက့ၪကီၪ့အၥၭ လၧနၥံၪအဂး လၧမူၭခိၪနီၪ, လၧနၥံၪနါဂၧၫ့ယူၭ အဂဲးလၧဆၧမွဲဆၧ တီၩအလူဘဲၫပစံၭဆၧအၥိၭ, ဆၧၥၭထိၬအပရၧၫ့အ 4 ဖၧၩ့နီၪတၭ,- ဒဲနၥံၪအဆၧနဲၩယ့ၫရှူၬဎရံၬ ဒဲနၥံၪအဲၪ ၦဆံၫ့ဎံၪထီးအလူၬၥံၪနီၪ, ပနါဂၧၫ့ယူၭတၭ, ပဘၩ 5 ဆိၪဖၪန့နၥံၪအဂး,- ဒဲပစံၭထၪ့အၪ့အူၭကဆါယ့ၫရှူၬ 6 ဎရံၬအဖါအခိးအတၩလထံၪဎးလဘီၩ့ဎးလီၫ.- ဆၧ ပရၧၫ့နီၪထီၩ့လၧနၥံၪအအီၪ ဘဲၫလၧဂၪ့ခိၪချိၫ့ထၧၫ့ဖျိၪ့ ယၫအၥိၭတၭ,ၥၪထၪ့ဝ့ၫဘဲၫလၧနၥံၪအကျၩခီၫဒၪ မုနံၩလၧနၥံၪနါဂၧၫ့ဆၧခီးဘိၩ့နဲၪ့ယီၩ, ဒဲနၥံၪၥ့ၪယၫ ယွၩအခိးအတၩလၧဆၧမွဲဆၧတီၩအၥိၭနီၪ, 7 ဘဲၫနၥံၪမၩလိၪဆၧဆ့ လၧဆၧအခ့ၫအၡၩလၧပၥိၭ, ပၥၭဘီၩ့ စအံၫပၭဖၭနီၪ အဝ့ၫဒၪမွဲဎရံၬ အခ့ၫအၡၩ 8 လၧအလူတီၩလၧနၥံၪအဂး,- မွဲအဒုၭနဲၪပၧၩဆ့ လၧနၥံၪအဆၧအဲၪဆၧကွံၩလၧၥၭမုနီၪအဖၧၩ့လီၫ. 9 မၩအၥၭဘဲၫနီၪတၭ, ခီၫဒၪမုနံၩလၧပနါဂၧၫ့ဆၧနီၪ, ခီးဘိၩ့နဲၪ့ယီၩ ပလဘၩဆိၪဖၪန့ဘၪနၥံၪအဂးနီၪ, ပ အီၪအ့ၬ,ပအၪ့ကံၩ့အၪ့ယၫဘဲၫၥိၭနၥံၪ မိလၧၫ့ထၪ့ဎွ့ၩ ထၪ့လၧဆၧၥ့ၪယၫယွၩအၥၭလၧကယဲဆၧကိၪ့ၥ့ၪ, 10 ဒဲဆၧနၪၥ့ၪဆၧဘၪဆဲၫ့လၧၥၭနီၪ,- ဘဲၫၥိၭနၥံၪမိ လ့ၩဆၧကြၨၭလၧကဆါ, လၧဆၧဘၪအၥၭထီး အလူၬအဖၧၩ့, ဒဲၥၪထၪ့ကယဲဆၧမၩဂ့ၩ, ဒဲအၪ ထၪ့ဝ့ၫလၧဆၧၥ့ၪယၫ ဘၪဆဲၫ့လၧယွၩအဖၧၩ့, 11 ဒဲဆီၪ့ထၪ့လၧကယဲဆၧအဂဲးအဘၭဘဲၫအစီၩ့အ မၩ့အလၩအဖၩ့အၥိၭ, လၧကယဲဆၧၥၭဆၧၩ့, ဒဲ ဆၧအွံၪၥၭဆၧၩ့ယံၬယံၬအီၪ လၧဆၧၥၭထိၬနီၪအဂဲး 12 လီၫ.- ဒဲဆၧစံၭထၪ့အၪ့အူၭဖါအခိးအတၩလၧအ မၩဂ့ၩထၪ့ပၥုၪ့ပၥၭဘဲၫၥိၭပမိန့ဎုၬ ဆၧန့ၥၫဘၪ 13 ဆဲၫ့လၧၦဆံၫ့ဎံၪၥံၪလၧဆၧဖၩ့အကျၩ,- ဒဲအမၩန့ ထၪ့ခွံၬပၧၩ လၧဆၧခံၭအစီၩ့အမၩ့အဖၧၩ့နီၪတၭ, အၪ့လဲၩန့ထဲၩ့ယူၭပလးနီၪ, ပအီၪဝ့ၫလၧအဖိၪခွၫလၧ 14 အအဲၪဝ့ၫလဂၩအဘၩ့အမုးအဖၧၩ့လီၫ.- လၧအဝ့ၫ ဒၪလဂၩအဖၧၩ့နီၪတၭ, ပဘၪဆၧဎွ့ၩန့ထဲၩ့ပၧၩ, ဘဲၫပစံၭဆၧအၥိၭ ဆၧကွဲၪဖျါဆၧဒဲၩဘၭ လၧအၥွံၪ လီၫ. ဎရံၬအနၫ့ဆါဒဲအဆၧမၩ. 15 အဝ့ၫဒၪနီၪ မွဲယွၩလၧပဒၪဝ့ၫလၥ့ၪဘၪလဂၩအ ခံးအဂၩ့, အဖိၪခွၫဝဲၡါလဂၩ လၧကယဲဆၧမၩကဲၪထၪ့ 16 ဝ့ၫလၧအကျၩလီၫ.- အဂဲးဘဲၫယီၩဆၧထီးအလူၬဘၪ ဆၧမၩကဲၪထၪ့အၥၭလၧအဝ့ၫနီၪ, ဆၧလၧမူၭခိၪအ ဖၧၩ့,ဒဲဆၧအီၪလၧဂၪ့ခိၪချိၫ့, ဒဲဆၧလၧၦဒၪဘၪၥ့ၪ, ဒဲဆၧလၧပဒၪလၥ့ၪဘၪ,ဆၧအလးဆီၩ့ဆီမွဲဂ့ၩ, ဆၧ စ့ၩရၫ့မွဲဂ့ၩ, ဆၧအခိၪမွဲဂ့ၩ,ဆၧအစီၩ့အမၩ့မွဲဂ့ၩ,က ယဲဆၧလမံၩ့ လါလါဘၪဆၧမၩကဲၪထၪ့ဝ့ၫလၧအ 17 စူၪဖၧၩ့တၭ, အီၪဝ့ၫလၧယဂးထီးအလူၬလီၫ.- အဝ့ၫ ဒၪလဂၩအီၪဝ့ၫလၧဆၧထီးအလူၬလချႃၭအီၪထၪ့ ဒံၭဘၪတၭ, ဆၧထီးအလူၬ အီၪဝ့ၫလၧအစူၪဖၧၩ့လီၫ. 18 ဒဲအဝ့ၫဒၪမွဲဆၧအမိၡါဘဲၫ ၦစံၭဆၧအၥိၭ ဆၧအီၪကီၪ့ အခိၪဎွံၪတၭ, မွဲဆၧအခၪ့ထံၭ,ၦလၧအဂဲထုၪ့ထဲၩ့ လၧဆၧၥံၫအကျၩအဝဲၡါဘဲၫၥိၭအမိကဲၪထၪ့အခိၪ 19 လၧကယဲဆၧလမံၩ့လါလါအကျၩလီၫ.- အဂဲးဘဲၫ ယီၩဘၪဖါအၥၭလၧဆၧလၧၫ့ထၪ့ဎွ့ၩထၪ့ ထီးအလူၬ 20 မိအီၪဂုးခၧၫ့ဝ့ၫလၧအဝ့ၫဒၪအဖၧၩ့,- မၩဘၪလိၬ အိၭလိၬဆၧလၧအထုၪ့စူၪယၫအၥွံၪအကၠီၩ့တၭ, ဆၧအီၪလၧမူၭခိၪမွဲဂ့ၩ, ဒဲဆၧအီၪလၧဂၪ့ခိၪမွဲဂ့ၩ, မၩ ဘၪလိၬဆၧထီးအလူၬ လၧအနၫ့ဆါဒၪဝ့ၫအဂးလီၫ. 21 နၥံၪဝ့ၫဒၪဆ့ လၧအၥၫ့နၥံၪမၩအၧၩ့ဆၧတၭ, နၥံၪ မွဲၦမွံၩၥံၪ, ဒဲဆၧအဒုၪအဒၩလၧနၥံၪအၥၭ, မွဲလါနၫ့ 22 ဘိၩ,ဘိၩ့နဲၪ့ယီၩမွဲအမၩဘၪလိၬထဲၩ့ဝ့ၫ,- လၧအမိၡါ အဖံၭအယၪအဖၧၩ့ လၧအဝ့ၫနီၪၥံၫအကၠီၩ့ ဘဲၫၥိၭ အမိအီၪက့ၪဆံၫ့ဎံၪနၥံၪ,ဒဲဆၧလၥံၪၥၧၫ့မူၭချၬဘၪ ဒဲဆၧအီၪက့ၪဆၧမၪ လၧနၥံၪအလီၩ့အလးလအီၪဘၪ 23 လၧအမ့ၬယၫနီၪလီၫ.- နၥံၪအ့ၪအီၪလၧနၥံၪ အလး လၩ့ထံးလၩ့ဆ့ၭ,ဒဲအီၪဂုးအီၪခၧၫ့လၧဆၧနဲၩ အ ဖၧၩ့,ဒဲလၥုၭခွံၬဘၪနၥံၪအလး လၧဆၧယိလါဘၪဆဲၫ့ လၧဆၧၥၭထိၬအပရၧၫ့အဖၧၩ့, လၧနၥံၪနါဂၧၫ့ယူၭဒဲ လီၩလၩ့လၬလၩ့ဝ့ၫလၧကယဲၦအီၪလၧမူၭခိၪအဖၫ့ လၬနီၪတၭ, ဆၧမိမၩအၥၭဘဲၫနီၪလီၫ. ယၧၩ, စပီ လူၫယီၩယမွဲဆၧနီၪ အခ့ၫအၡၩလီၫ. စပီလူၫအဆၧဖံၭဆၧမၩဘဲၫဆၧအီၪကီၪ့ အခ့ၫအၡၩလဂၩအၥိၭ. 24 ဘိၩ့နဲၪ့ယီၩ ယၥုၪ့ထိၬယၥၭထိၬလၧ ဆၧၡၪ့ဆၧ နၭအဖၧၩ့လၧနၥံၪ အကၠီၩ့တၭ, ယမၩလၧၫ့ထၪ့ဎွ့ၩ ထၪ့ဆၧအီၪလၩ့ထး လၧဎရံၬအဆၧၡၪ့ဆၧနၭလၧ ယဖံၭယယၪအဖၧၩ့ လၧအမိၡါအဂး, ဘဲၫၦစံၭ 25 ဆၧအၥိၭ,ဆၧအီၪကီၪ့အဂးလီၫ.- ဘဲၫယွၩစ့ၩ ရၫ့ဆၧလၧအဖ့ၪလၫ့ယၧၩလၧ နၥံၪအဂးအၥိၭနီၪ, ယကဲၪထၪ့ဆၧနီၪ, အခ့ၫအၡၩ ဘဲၫၥိၭယမိမၩလၧၫ့ 26 ထၪ့ဎွ့ၩထၪ့ယွၩ အလူအထၫ,- ဘဲၫၦစံၭဆၧအၥိၭ, ဆၧအီၪၥူၪလၧအအီၪဘံၭယူၭဝ့ၫအဆိၩဆိၩအကၠၪ ကၠၪလါနၫ့ဘိၩ, ဘိၩ့နဲၪ့ယီၩဆၧ နဲၪဖျီၪဝ့ၫလၧအဝ့ၫ 27 ဒၪအၡၩဆံၫ့ဎံၪၥံၪ အမ့ၬယၫတၭ,- အလၩအဖၩ့ လၧၫ့လၧၫ့ဎွ့ၩဎွ့ၩ ဘၪဆဲၫ့လၧဆၧအီၪၥူၪ အီၪလၧ ၦဆၨၩလဖၪအကျၩ, မွဲဘဲၫၥ့ၪလဲၪဘဲၫၥ့ၪလဲၪ နီၪ, ယွၩအၥၭအီၪ လၧအမိဒုၭၥ့ၪယၫ အဝ့ၫၥံၪလီၫ. ဆၧ နီၪမွဲဎရံၬအီၪလၧနၥံၪအဖၧၩ့ ဆၧယိလါဘၪဆဲၫ့ 28 လၧဆၧလၩဆၧဖၩ့လီၫ.- ပလီၩဘၪအဝ့ၫဒၪအဂဲး, ပပဂၨၪထၪ့ၦကိၭဂၩဒ့ၭ, ပၥီၪ့ထဲၩ့ၥၫ့ထဲၩ့ၦကိၭဂၩ ဒ့ၭ,လၧကယဲဆၧကိၪ့ၥ့ၪထီးအလူၬအဖၧၩ့, ဘဲၫၥိၭ ပမိအီၪက့ၪလၩ့ကယဲၦၡၩလဂၩလါလါလၧအမိလၧၫ့ 29 ထၪ့ဎွ့ၩထၪ့လၧဎရံၬအဖၧၩ့လီၫ.- ယအၪ့ဂူၬကျ့ၭ စၨၭမၩဆၧလၧဆၧနီၪအဂး ဘဲၫအဝ့ၫဒၪအစီၩ့အမၩ့ မၩဆၧလၧယဖၧၩ့ဆီၪ့ဆီၪ့လ့ၬအၥိၭနီၪလီၫ. |
Pwo Kayin Bible © Bible Society of Myanmar, 1883.
Bible Society of Myanmar