စအၫမူၭအလံၬ. 1 - Pwo Kayin Bible

1

¹ ၦလၧအအီၪဝ့ၫလၧတံၫကိအၫအၡၩ ယိၥိၪအကျၩ စအၫမူၭအလူ လၧအဒၪဘၪလၧအံၫစရ့လၭအဂဲးအ ကၠီၪ့လၧယုဒၫအစဎွၩ အၧၭဇဲအၫ အမုနံၩလဖၪအ ဖၧၩ့,ဒဲလၧအံၫစရ့လၭအစဎွၩ, စယိအၭအဖိၪခွၫစယ့ၫ ရဘိအၫ့အမုနံၩလဖၪအဖၧၩ့ လၧဂၪ့ခိၪလချႃၭဝၭဒံၭ ဘၪနံၫနံၪ့လီၫ.

² တၭအဝ့ၫနီၪစံၭဝ့ၫဒၪ, ယဟိဝၩယုၩ့ထၪ့ဆၧလၧ ဇံအိၫ့အလီၩ့ ဒဲမၩၥီၫထၪ့အလူလၧယရုစလံၫ့အဖၧၩ့ တၭး ၦယိၥိၪအဆၧဒုၭအၪ့အဆၪ အလးလဖၪနီၪ မိ ၥုၪ့အုၭၥၭအုၭတၭ, ကၫမလၭအဒၩ့ခိၪလၩ့ယံၭခွံၬဝ့ၫ လီၫ.

ယွၩအဆၧစ့ၩရၫ့ခးအံၫစရ့လၭအနဲၩ့အဎီၩ့လဖၪ စံရအၫ.

³ ယဟိဝၩစံၭဘဲၫယီၩ, လၧဒမၭစကၧၭအမၩမၪဆၧ ၥၧၫ့ဘျၩ့အကၠီၩ့ ဒဲလၧလံဘျၩ့အကၠီၩ့နီၪ ယမၩကဒၩ ထဲၩ့ဆၧနီၪအ့ၬ. အဂဲးဘဲၫယီၩ အဝ့ၫၥံၪထးဂံလအၭ

⁴ လၧနိၪထၭထးဘုၪလီၫ.- ယမိအၪ့မၧၫ့လၩ့မ့ၪဖိးလၧ စဟၭဇအ့လၭအဂံၪ့ဖၧၩ့လၧအမိအၪ့ခွံၬ စဘံၪ့ဟဒၭ

⁵ အနီးလဖၪလီၫ.- ယမိမၩခါဆ့ဒမၭစကၧၭအနိၪဘီၩ့, ဒဲဒၪ့ထ့ၬခွံၬၦအီၪဝ့ၫ လၧခိၪလီၩ့ဆူၭအၫဝံၫ့အဖၧၩ့, ဒဲ ၦလၧအဖီၪ့ထၬအနိၪထိၭစဎွၩ လၧဘံၭၥအံဒံၫ့တၭ, ၦစံရအၫဖိၪမိလ့ၩကဲၪဎီးလၧကၧၫအဖၧၩ့, ယဟိဝၩ စံၭဝ့ၫဒၪ.

ဖလံၡၫ.

⁶ ယဟိဝၩစံၭဘဲၫယီၩ, လၧဂၫဇၫအမၩမၪဆၧၥၧၫ့ ဘျၩ့အကၠီၩ့, ဒဲလၧလံဘျၩ့အကၠီၩ့နီၪ, ယမၩကဒၩ ထဲၩ့ဆၧနီၪအ့ၬ. အဂဲးဘဲၫယီၩ အဝ့ၫၥံၪဆိၬထၪ့ခွံၬ ၦအၪ့မၧၫ့ဎီးဝ့ၫထီးအလူၬဘဲၫၥိၭ အမိဖ့ၪလၫ့ခွံၬအဝ့ၫ

⁷ ၥံၪလၧအံဒၧၫ့လီၫ.- ယမိအၪ့မၧၫ့လၩ့မ့ၪလၧဂၫဇၫ အခိၪဒၧၩ့အဖၫ့ခိၪ တၭ, မိအၪ့ခွံၬ အနီးလဖၪလီၫ.

⁸ ယမိဒၪ့ထ့ၬခွံၬ ၦအီၪဝ့ၫလၧအၭစဒီၭ, ဒဲၦလၧအဖီၪ့ ထၬနိၪထိၭစဎွၩ လၧအၭၡကံလၫ့တၭ, ယမိကၠၪထဲၩ့ ယစူၪထၫ့ဒၩ အ့ၭကြၧၫ့တၭ, ၦဖလံၡၫဖိၪလၧအအီၪ လၩ့ထးနီၪမိဂၭဂီၩ့, ကဆါယဟိဝၩစံၭဝ့ၫဒၪ.

တဲအၫ.

⁹ ယဟိဝၩစံၭဘဲၫယီၩ, လၧတဲအၫမၩမၪဆၧၥၧၫ့ဘျၩ့ အကၠီၩ့, ဒဲလၧလံဘျၩ့အကၠီၩ့နီၪ ယမၩကဒၩထဲၩ့ဆၧ နီၪအ့ၬ. အဂဲးဘဲၫယီၩ အဝ့ၫၥံၪဖ့ၪလၫ့ခွံၬ ၦအၪ့မၧၫ့ ဎီးထီးအလူၬ လၧအံဒၧၫ့အစူၪဖၧၩ့တၭ, နၪ့ထၪ့ထဲၩ့

¹⁰ အထၧၫ့ဖုဝဲအဆၧအုၩ့လၩ့အ့ၬ.- ယမိအၪ့မၧၫ့လၩ့မ့ၪ လၧတဲအၫအခိၪဒၧၩ့အဖၫ့ခိၪတၭ, မိအၪ့ခွံၬအနီးလ ဖၪလီၫ.

အံဒၧၫ့.

¹¹ ယဟိဝၩစံၭဘဲၫယီၩ, လၧအံဒၧၫ့မၩမၪဆၧၥၧၫ့ဘျၩ့ အကၠီၩ့, ဒဲလၧလံဘျၩ့အကၠီၩ့နီၪ ယမၩကဒၩထဲၩ့ဆၧ နီၪအ့ၬ. အဂဲးဘဲၫယီၩ အဝ့ၫလီၩ့အထၧၫ့ဖုဝဲလၧနၭ တၭ,ခွံၬၡိၭခွံၬအဆၧယၫ့ၥၭထီးအလူၬတၭ, အၥၭ ထၪ့အဲၪ့ၡၫ့ဆၧလထံၪဎးလဘီၩ့ဎးတၭ, အီၪက့ၪအ

¹² ၥၭထၪ့လၩ့ဆိၩလၩ့ကၠၪလီၫ.- ယမိအၪ့မၧၫ့လၩ့မ့ၪ လၧတံမၫ့အဖၧၩ့တၭ, မိအၪ့ခွံၬဘီၭဇရၫအနီးလဖၪ လီၫ.

အၫမၧၫ့.

¹³ ယဟိဝၩစံၭဘဲၫယီၩ, လၧၦအၫမၧၫ့ဖိၪအမၩမၪ ဆၧၥၧၫ့ဘျၩ့အကၠီၩ့, ဒဲလၧလံဘျၩ့အကၠီၩ့နီၪ ယမၩ ကဒၩထဲၩ့ဆၧနီၪအ့ၬ. အဂဲးဘဲၫယီၩၦမုၪဘၪဆဲၫ့လၧ ဂံလအၭလၧအဒၧၩ့ထၪ့ဝ့ၫလဖၪ အဂူၭဖိၫ့နီၪအဝ့ၫၥံၪ ဎွ့ၭဖၭဘဲၫၥိၭအမိမၩလဲထၪ့ အခးအနဲၩ့ထံၭလီၫ.

¹⁴ ယမိဆူၭခဲၩထၪ့မ့ၪလၧရၭဘၫအခိၪဒၧၩ့ အဖၫ့ခိၪတၭ, မိအၪ့ခွံၬအနီးလဖၪ အီၪလၧဆၧကိၭၡၭထၪ့ လၧဒုၭ ၥုၭအမုနံၩအဖၧၩ့, ဒဲလဖုၬလၧလံၩၥဝံၭအမုလနံၩအ

¹⁵ ဖၧၩ့လီၫ.- အစဎွၩမိလ့ၩကဲၪဎီး, အဝ့ၫဒၪ, ဒဲအၦဒိၪ ဖၭဒိၪလဖၪလစီၪ့ဎး, ယဟိဝၩစံၭဝ့ၫဒၪ.