ဆၧ 1 - Pwo Kayin Bible

1

¹ စၥံၫအီဖလၧၭဧ့, ယကွ့ၭဝဲၩယူၭလံၬအခၪ့ထံၭလ ဘံၪ့လၧကယဲယ့ၫၡုၬမၩၥၫ့ဆၧ, ဒဲၥီၪ့ထဲၩ့ၥၫ့ထဲၩ့ဆၧ,

² ထီၩ့လၩ့မုလနံၩလၧအဘၪဆၧမၩန့ထၪ့ထဲၩ့ဝ့ၫထီး အမၪလူၬ, လၧၥၭမုဆံၫ့ဎံၪအလးခဲၫ့, ၦဆၧအၪ့မၧၫ့

³ ဖိၪၥံၪလၧအရွံန့ဝ့ၫလဖၪနီၪလီၫ.- တၭလၧအထိးဆၧ ၡၪ့ဆၧနၭအလးခဲၫ့နီၪ ဒုၭနဲၪဖျီၪထၪ့အၥၭမၧၫ့လၧအ ဝ့ၫၥံၪအမ့ၬယၫ လၧဆၧထိးအၥၭအၪမံၩ့, လၧၦဂဲး လိၬတ့ၭလိၬလၥ့ၪဘၪ,ဒဲမၩဖျီၪထၪ့အၥၭလၧအဝ့ၫ ၥံၪအမ့ၬယၫ အၥၫ့လံဆံၫအထးဖၧၩ့တၭ, လီၩလၩ့ လၬလၩ့ဆၧဘၪဆဲၫ့လၧယွၩအဘၩ့အမုးလီၫ.

⁴ အဝ့ၫဒၪအီၪကိၩ့အီၪကီၪ့ယူၭ လၧအဝ့ၫၥံၪအၥိၭ တၭ,မၪလူၬဝ့ၫဘဲၫၥိၭအထီးစဲၪ့ထၪ့ခွံၬ လၧယရုစ လံၫ့လဂ့ၩတၭ, အ့ၪမွဲဘဲၫၥိၭအမိအီၪခိၭ ဖါအဆၧလီၩ

⁵ ဝဲၩလၧနၥံၪနါဂၧၫ့ယူၭလၧယၧၩယူၭလီၫ.- အဂဲးဘဲၫ ယီၩစယီဟၫ့ဘၭတံၫဇၫ့ဆၧလၧထံၫကျၩလီၫ. အ့ၪ မွဲနၥံၪဝ့ၫယီၩ, ထီးယီၩလၧယၫလခီၫ လအၪနံၩအၪ ၥၫ့ဘၪ,နၥံၪမိဒိၭ ဘၭတံၫဇၫ့ နၥံၪအၥၭ လၧၥၭမု ဆံၫ့ဎံၪလီၫ.

ယ့ၫၡုၬဘၪဆၧမၩန့ထၪ့ထဲၩ့ဝ့ၫလၧမူၭခိၪ.

⁶ မၩအၥၭဘဲၫနီၪတၭ, အဝ့ၫၥံၪအီၪကိၩ့အီၪကီၪ့ဂီၩ့ အၪ့စၪ့အဝ့ၫတၭ, စံၭဝ့ၫ,ကဆါဧ့, မွဲနမိဖ့ၪလၫ့ထဲၩ့ ဘၩ့မုးလၧၦအံၫစရ့လၭအစူၪဖၧၩ့ ဘိၩ့နဲၪ့ယီၩဆ့

⁷ ဧၪ.- တၭအဝ့ၫဒၪလီၩဘၪအဝ့ၫၥံၪ, အမုအလၩအ ဆၧၫ့အထီလၧဖါအီၪက့ၪလၩ့ လၧအစီၩ့အမၩ့ဒၪဝ့ၫ

⁸ အဖၧၩ့နီၪ, ဆၧဒုၭၥ့ၪယၫနၥံၪအ့ၬ.- မွဲလါနၫ့ဘိၩ, ထီးၥၭမုဆံၫ့ဎံၪအ့ၪဂဲၫလၩ့ခိၬ လၧနၥံၪအလီၩ့တၭ, နၥံၪမိဒိၭန့ဆၧ အစီၩ့အမၩ့နီၪ, နၥံၪမိကဲၪထၪ့ၦထိး အၥၭလဖၪလၧယဂးလၧယရုစလံၫ့အဖၧၩ့ ဒဲလၧ ခးယုဒၫထၧၫ့ခးယၫအဖၧၩ့, ဒဲလၧစမ့ရအၫ ဒဲထီၩ့ လၧဂၪ့ခိၪအထုၬလီၫ.

⁹ အဝ့ၫဒၪစံၭဆၧနီၪလဖၪဂီၩ့တၭ, အဝ့ၫၥံၪယိဝ့ၫအ ဘိၩ့ဘၭနီၪ, ဆၧမၩန့ထၪ့ထဲၩ့အဝ့ၫတၭ, ဆၧအုၪ့ဒိၭန့

¹⁰ ဝ့ၫလၧအဝ့ၫၥံၪအမ့ၬယၫလီၫ.- တၭအဝ့ၫၥံၪယိထံၫ ယိဆၭဆၧလၧမူၭခိၪ ထီးအထဲၩ့ထၪ့ အဘိၩ့ဘၭနီၪ, ယိခွါ,ၦနံၫဂၩကီၩ့ၥိၭဆၧဘွၩ အီၪထၪ့လၧအနဲၩ့

¹¹ ထံၭ,- စံၭဝ့ၫဒၪ, ၦဂၫလလံၫဖိၪၥံၪဧ့,နၥံၪဆၧၫ့ထုၪ့ တၭ,ယိထၪ့ဆၧလၧမူၭခိၪနီၪမွဲဘၪလဲၪ. ယ့ၫၡုၬအနၫ့ ဆါဒၪဝ့ၫလၧဆၧအၪ့မၩန့ခွံၬဝ့ၫလၧ နၥံၪအအီၪ, ထီၩ့ လၧမူၭခိၪအဖၧၩ့နီၪမိဂဲၫလၩ့ထဲၩ့ဘဲၫနၥံၪဒၪဘၪ

¹² အထဲၩ့ထၪ့လၧမူၭခိၪ အၥိၭနီၪလီၫ.- ထီးနီၪလဖၧၫ့ ၦလဖၪနီၪထဲၩ့ခွံၬ လၧခိၪလီၩ့ကိၭဝ့ၫအလဲအိၫ့ထီၩ့ လၧယရုစလံၫ့တၭ, အလဲအိၫ့နီၪအီၪဘူၭလၧယရုစ လံၫ့မးၥံၫအနံၩလနံၩဖၧၩ့ၥၭလီၫ.

ၦလၧအထၪ့ထဲၩ့လၧစယုဒၭအလး.

¹³ ထီးအဝ့ၫၥံၪထဲၩ့နုၬထဲၩ့ဝ့ၫတၭ, လ့ၩထၪ့ဝ့ၫလၧဒူၭ ဖၧၩ့လၧအထၪ့ထီၫလဆၫ့တၭ, ၦအီၪဝ့ၫထီးနီၪစပံ တၧၫ,ဒဲစယ့မံၭ,ဒဲစယီဟၫ့, ဒဲစအၪ့ဒူၫ, ဒဲစဖံလံၭ, ဒဲစထီမၭ,ဒဲစဘၫၥီလမုၫ, ဒဲစမၭၥုၫ,ဒဲစအၫလဖံအၧၭ အဖိၪခွၫစယ့မံၭ,ဒဲစစဲမၧၫ့စလိတံၭ, ဒဲစယုဒၭလၧအ

¹⁴ ထၧၫ့ဖုဝဲလၧစယ့မံၭလီၫ.- အဝ့ၫၥံၪထီးအလူၬဒဲၦမုၪ ၥံၪဒဲယ့ၫၡုၬအမိနးမၫရံၫဒဲအထၧၫ့ဖုဝဲခွၫၥံၪနီၪအၪ့ ကံၩ့ဘၩဆိၪဖၪဆၧလၧအၥၭလဖျိၪ့ဎးလီၫ.

¹⁵ ဆၧလၧမုနံၩလဖၪနီၪ စပံတၧၫဂဲထုၪ့ထဲၩ့လၧအ ထၧၫ့ဖုဝဲအကျၩ,(ထီးနီၪအမံၩ့အီၪဝ့ၫ ဖိၭဘိၭလယၩ

¹⁶ နံၫဆံၫ)တၭ, စံၭဝ့ၫ,- ၦထၧၫ့ဖုဝဲၥံၪဧ့, ဆၧကွ့ၭအ ၥၭဘၪလၧၫ့ထၪ့ဎွ့ၩထၪ့လၧ ၥၭမုဆံၪ့ဎံၪလီၩဘၪဝဲၩဝ့ၫ လၧစဒၫဝံၭအနိၭလၧစယုဒၭ အဂဲးအကၠီၪ့ လၧအ

¹⁷ လ့ၩၥိၫ့ၦဖီၪ့ထၬယ့ၫၡုၬနီၪလီၫ.- အဂဲးဘဲၫယီၩၦ လဂၩနီၪဘၪဆၧဝံနုၬဝ့ၫလၧပကျၩယီၩန့ဘၪဆၧအ

¹⁸ ခ့ၫအၡၩအဆၧမၩယီၩအလးလီၫ.- အဝ့ၫနီၪဎွ့ၩန့ဂၪ့ ခိၪအဝၩ့လၧဆၧအၧၩ့ဆၧၥၫ့အလံၩ့အလဲၫတၭ, လၩ့ထ့ၬဝ့ၫနီၪအဂူၭဖိၫ့ဖီးဖၭဝ့ၫတၭ, အဎွံၭလၩ့လၬ

¹⁹ ဝ့ၫထီးအလူၬလီၫ.- ၦအီၪဝ့ၫလၧယရုစလံၫ့ ကိၭဂၩ ဒ့ၭလဖၪၥ့ၪယၫဝ့ၫ ဆၧအဂဲးအကၠီၪ့နီၪလီၫ. အခိးမွဲ ဆၧကိၭဂၪ့ခိၪအဝၩ့နီၪ အမံၩ့လၧအလၨဒၪဝ့ၫ, အစ့ လဒမၫ, ဘဲၫၦစံၭဆၧအၥိၭ,ဆၧၥွံၪအဂၪ့ခိၪလဝၩ့လီၫ.

²⁰ အဂဲးဘဲၫယီၩ ဆၧကွ့ၭအၥၭ လၧလံၬစံၭထၪ့အၪ့ အူၭဆၧအဖၧၩ့, မွဲအအီၪဝ့ၫလၧအလးအီၪယူဆံၭ, မွဲၦထီးအီၪလၧၩ့လၧအဖၧၩ့နးဂၩလဂ့ၩ. ဒဲ, မွဲၦဂူၫဂၩထၪ့လၧအယိဆၧအလးဆံၭ.

²¹ မၩအၥၭဘဲၫနီၪတၭ, လၧကဆါယ့ၫၡုၬဂဲၫနုၬအီၪ

²² ဝ့ၫလၧပကျၩ,- လၧစယီဟၫ့ဘၭတံၫဇၫ့ဆၧနီၪ,ထီၩ့ လၩ့အနံၩအၥၫ့လၧအဘၪဆၧမၩန့ထၪ့ထဲၩ့ဝ့ၫနီၪ,ၦ အီၪလၧပကျၩကိၭအဆၧၫ့အထီဒ့ၭလဖၪဘၪကဲၪထၪ့ ၦထိးအၥၭနးဂၩလၧပၥိၭယီၩ, လၧယ့ၫၡုၬဂဲထုၪ့ ထဲၩ့အဂဲးအကၠီၪ့လီၫ.

²³ အဝ့ၫၥံၪအီၪက့ၪလၩ့ဝ့ၫလၧ စယိၥၭကိၭဝ့ၫလၧ စဘၫစဘၭ ဒဲကိၭထဲၩ့ဝ့ၫအမံၩ့အၥၫ့လၧ စယၧၭစ

²⁴ တၧၭ,ဒဲစမၭၥဲအၭနံၫဂၩ,- တၭအဝ့ၫၥံၪဘၩဆိၪဖၪ ဆၧ,စံၭဝ့ၫ, ကဆါလၧအၥ့ၪယၫ ၦၡၩအၥုၪ့ခံၥၭလဲၫ

²⁵ ထီးအလူၬဧ့,ၦနံၫဂၩယီၩ,- ဘဲၫၥိၭအမိန့ဘၪဆၧ အခ့ၫအၡၩအဆၧမၩအလး, ဒဲဆၧအၪ့မၧၫ့ဖိၪအ လးယီၩလၧစယုဒၭလၩ့ထ့ၬခွံၬဝ့ၫလၧအဖၧၩ့, ဘဲၫ ၥိၭအမိထဲၩ့ထဲၩ့ဝ့ၫလၧအလးဒၪဝ့ၫနီၪ, ဒုၭနဲၪလါၦလ ဂၩလၧနရွံန့နဝ့ၫနီၪဆံၭ.

²⁶ အဝ့ၫၥံၪဖၭဝ့ၫနီၪ, ဘၪစမၭၥဲအၭတၭးဆၧဝံနုၬအ ဝ့ၫဒၪလၧ ၦဆၧအၪ့မၧၫ့ဖိၪဆံၫလဂၩအကျၩနီၪလီၫ.