၂ ထံ 1 - Pwo Kayin Bible

1

¹ ယ့ၫရှူၬဎရံၬအဆၧအၪ့မၧၫ့ဖိၪ, ဘဲၫယွၩအၥၭအ ၥိၭ,လၧဆၧစံၭဝဲၩဘၪဆဲၫ့လၧဆၧမၧၫ့လၧအအီၪဝ့ၫ လၧယ့ၫရှူၬဎရံၬ အဖၧၩ့အဂဲး, ယၧၩစပီလူၫယီၩ,

² ယစံၭ,ဖိၪၥၭဘီၩ့စထံမၥံၫလဂၩနီၪ,မွဲဆၧအခိးအ တၩ,ဆၧယၫ့ၥုၪ့ယၫ့ၥၭ, ဆၧဘၪလိၬအိၭလိၬ လၧဖါ ယွၩ,ဒဲပကဆါယ့ၫရှူၬဎရံၬ နီၪဘၪနၧၩဆံၭ.

ဆၧစံၭခိးစံၭတၩဒဲဆၧဖ့ၪဂဲးဖ့ၪဘၭ.

³ ယစံၭထၪ့အၪ့အူၭ ယွၩအခိးအတၩလၧယမၩအ ဆၧလၧယကၪ့ၡၧၫ့အဂ့ၩလၧယမိယဖါယဖံၫယဖူၫ အဆိၩလံၩလံၩလၧယနၪ့ထၪ့ထဲၩ့နၧၩ လထံၪဎး,လၧ ယဆၧဘၩဆိၪဖၪအဖၧၩ့ လၧမုနၩနၩမုဆၫဆၫလီၫ.

⁴ ယနၪ့ထၪ့ထဲၩ့နမ့ၬထံၫလၩ့တၭ, ဆၧမိဒၪဘၪယၥၭ လၧနၧၩဒိၪဒိၪလ့ၬဘဲၫၥိၭယမိလၧၫ့ထၪ့ဎွ့ၩထၪ့လၧ

⁵ ဆၧၥၭထိၬလီၫ.- ယနၪ့ထၪ့ထဲၩ့ဆၧနဲၩလၧအလဘၪ ဆဲၫ့ဘၪလၧဆၧအၪ့လီၫလၧအအီၪလၧနဖၧၩ့တၭ, အီၪဆိၫဝ့ၫလၧနဖံၫနးလိအံၫအဖၧၩ့ ဒဲလၧနမိနးယုၫနဲ စံၫအဖၧၩ့တၭ, ယဆီၫ့မီၪ့လၧအအီၪဂုးခၧၫ့လၧနဖၧၩ့ ဆ့လီၫ.

⁶ မၩအၥၭဘဲၫနီၪတၭ, ယဒုၭနၪ့ထၪ့နၥၭဘဲၫၥိၭနမိ ထိၪဂဲၩယွၩအဆၧဖ့ၪလၫ့လၧအအီၪလၧနဖၧၩ့, လၧ

⁷ ယအီၪက့ၪလၩ့ယစူၪ လၧနလီၩ့အကၠီၩ့လီၫ.- အဂဲး ဘဲၫယီၩယွၩလဖ့ၪလၫ့ဘၪပၧၩလၧပၥၭလၧအၥၭမဲၪ ဆၧ,အ့ၪမွဲပၥၭဘၪဆဲၫ့လၧဆၧစီၩ့ဆၧမၩ့, ဒဲဆၧအဲၪ ဆၧကွံၩ, ဒဲဆၧအီၪက့ၪပၥၭ ကိၪ့ၥ့ၪၥံၫ့ဆ့ၬလီၫ.

⁸ မၩအၥၭဘဲၫနီၪတၭ, ဆၧထိးအၥၭဘၪဆဲၫ့ လၧပ ကဆါမွဲဂ့ၩ, ၦလၧအဘၪစၧၩ့ထၬလၧအကၠီၩ့ ယဝ့ၫဒၪ ယီၩမွဲဂ့ၩ, ထီးမ့ၬမဲ လၧဆၧနီၪလဖၪ အကၠီၩ့လဂ့ၩ, အ့ၪမွဲလၧယွၩအစီၩ့အမၩ့အဂဲးအကၠီၪ့နီၪ,ထိးဎုၬဆၧ ၡၪ့ဆၧနၭလၧဆၧၥၭထိၬအပရၧၫ့အကၠီၩ့လၧယၥိၭ ဆံၭ.

⁹ အဝ့ၫဒၪနီၪ ထိးထဲၩ့တၩ့ထဲၩ့ပၧၩ,ဒဲကိၭပၧၩ လၧဆၧကိၭဘၪဆဲၫ့ လၧဆၧဆံၫ့ဎံၪ, လမွဲဘၪဘဲၫပ ဆၧဖံၭဆၧမၩဒၪပဝ့ၫအၥိၭ, အ့ၪမွဲဘဲၫအဆၧကိၪ့ ဝဲၩဒၪဝ့ၫ,ဒဲအခိးအတၩလၧအဖ့ၪလၫ့ပၧၩလၧယ့ၫရှူၬ ဎရံၬအဖၧၩ့လၧဂၪ့ခိၪလချႃၭအီၪထၪ့ဒံၭဘၪအ

¹⁰ ၥိၭ,- အ့ၪမွဲဘိၩ့နဲၪ့ယီၩ, ဘၪဆၧနဲၪဖျီၪဝ့ၫလၧ ဆၧအီၪ ဖျီၪဘၪဆဲၫ့လၧၦထိးထဲၩ့တၩ့ထဲၩ့ပၧၩ, ကဆါယ့ၫ ရှူၬဎရံၬလၧအမၩဂၭဂီၩ့ယူၭဆၧၥံၫတၭ, လၧဆၧ ၥၭထိၬအပရၧၫ့အဖၧၩ့နီၪ, အဝ့ၫဒၪ နဲၪဖျီၪထၪ့ဆၧ မၧၫ့,ဒဲဆၧၥံၫလၥ့ၪဘၪ အဂဲးအကၠီၪ့လၩ့ထံးလၩ့ဆ့ၭ လီၫ.

¹¹ လၧဆၧနီၪလမံၩ့အကၠီၩ့တၭ, ဆၧအီၪက့ၪယၧၩလၧ ၦလီၩလၩ့လၬလၩ့ဆၧ, ဒဲၦဆၧအၪ့မၧၫ့ဖိၪ, ဒဲၦၥီၪ့လိၪ

¹² ၦဆၨၩလဖၪလီၫ.- မၩအၥၭဘဲၫနီၪတၭ, ယဘၪဆၧ ၡၪ့ဆၧနၭလဖၪယီၩလီၫ. မွဲလါနၫ့ဘိၩယမ့ၬလမဲဘၪ, အဂဲးဘဲၫယီၩယနဲၩၦလၫလဂၩလဲၪနီၪ ယၥ့ၪယၫ တၭ,ဆၧလၧယဖ့ၪလၫ့လၧအစူၪဖၧၩ့နီၪ မွဲအခိၭဝ့ၫၥ့ၪ ထီးမုလနံၩနီၪ,ယၥၭဂံၩ့ဂၩ့အ့ၬ.

¹³ ဆၧချဲၩ့အဂ့ၩအဘၪအမိၡါလၧနနါဂၧၫ့ လၧယၧၩ ယီၩ,ဖီၪ့ထၬလၧဆၧနဲၩ,ဒဲလၧဆၧအဲၪဆၧကွံၩလၧ

¹⁴ အအီၪလၧယ့ၫရှူၬဎရံၬအဖၧၩ့ဆံၭ.- ဆၧဖ့ၪလၫ့လၧ အဂ့ၩနီၪ,ခိၭလၧၥၭမုဆံၫ့ဎံၪ, လၧအအီၪဝ့ၫလၧ ပဖၧၩ့ယီၩဆံၭ.

¹⁵ ကယဲၦအီၪလၧအ့ၡၫအဖၧၩ့ ထီးအလူၬလဖၪနီၪ, ကၠၪကဒၩခွံၬအၥၭလၧယၧၩယီၩနၥ့ၪယၫလီၫ. စဖ ဇ့လၧၭဒဲစဟမီၭဇနံၫ အီၪဝ့ၫလၧအကျၩလီၫ.

¹⁶ မွဲကဆါယၫ့ၥုၪ့ယၫ့ၥၭ စအိၫနစံဖရၧၭအဂံၪ့ဖိၪ ဆံၭ.အဂဲးဘဲၫယီၩအဝ့ၫဒၪနီၪ မၩဘီၪထၪ့ယီၫထၪ့ ယၧၩဆိၫဆိဆိၫဆိတၭ, အမ့ၬလမဲဘၪလၧယၥွ့ၫ

¹⁷ ထၭအကၠီၩ့လီၫ.- လၧအအီၪဝ့ၫလၧရိမၫအဖၧၩ့နီၪ,မွဲ အအၪ့ဎၬယၧၩဆီၪ့ဆီၪ့လ့ၬတၭ, ဒၪန့ဝ့ၫလီၫ.

¹⁸ မွဲက ဆါဖ့ၪလၫ့အဒၪန့ဆၧယၫ့ၥၭလၧကဆါလၧမုနံၩနီၪ ဆံၭ. ထီးဒၪအမၩဆၧၩ့ယၧၩလၧအ့ဖစၧၭအဖၧၩ့ လဖၪနီၪ, နၥ့ၪယၫဂ့ၩဘၪစဲၪလီၫ.