၂ စၫ 1 - Pwo Kayin Bible

1 စဒၫဝံၭၥ့ၪယၫဘၪစစီလူၫအဆၧၥံၫအဂဲး.

¹ စစီလူၫၥံၫအလးခဲၫ့နီၪ ဆၧမၩအၥၭလၧစဒၫဝံၭဂဲၫ ထဲၩ့ထဲၩ့လၧအမၩၥံၫၦအၫမလ့ၭဖိၪတၭ, စဒၫဝံၭအီၪ

² ထးဝ့ၫလၧဇံလၭနံၫနံၩတၭ,- လၧၥၧၫ့နံၩလနံၩနီၪ, ယိခွါ,ဆၧမၩအၥၭ လၧၦလဂၩဂဲၫလၧစစီလူၫအၥုၭ မုအကျၩအီၪလၧအဆဲၫ့ယၬ, ဒဲဂၪ့ခိၪအမုၬအီၪဝ့ၫ လၧအခိၪဎွံၪလီၩ့တၭ, ဂဲၫဝ့ၫလၧစဒၫဝံၭ အအီၪတၭ, ဆၧမၩအၥၭလၧအထိၪထံၩဖါလၩ့အၥၭ လၧဂၪ့ခိၪ

³ တၭ,ထွံၩလၩ့ဝ့ၫလီၫ.- စဒၫဝံၭစံၭအဝ့ၫ, နဂဲၫအထံၭ ခီၫခီၫလဲၪ. တၭအဝ့ၫဒၪစံၭဝ့ၫ, ယစဲၪ့ထၪ့ဖီၩ့ဖျ့ၭလၧ

⁴ အံၫစရ့လၭအၥုၭမုၥုၪ့တဲၩအကျၩလီၫ.- တၭစဒၫဝံၭ စံၭဝ့ၫ,ဆၧမၩအၥၭဘဲၫၥ့ၪလဲၪ. လီၩဘၪလါယၧၩနး ထံၪဘီၪ.တၭအဝ့ၫစံၭဆၧၫ့ဝ့ၫ, ၦခမျၧးစဲၪ့ဖျိၭယူၭလၧ ဆၧဒုၭၥုၭအဖၧၩ့, ဒဲၦခမျၧးအၪဂၩလၩ့ထံၩဖါယူၭဆ့ တၭ,ၥံၫယူၭတၭ, စစီလူၫဒဲစစၪ့နၥၧၫ့ၥံၫဆ့ယူၭ.

⁵ တၭစဒၫဝံၭစံၭၦဖိၪၥၪခွၫ လၧအလီၩဘၪအဝ့ၫနီၪ, စစီလူၫဒဲအဖိၪခွၫစစၪ့နၥၧၫ့ၥံၫယူၭနီၪ, မွဲနၥ့ၪယၫဘဲၫ

⁶ ၥ့ၪလဲၪ.- တၭၦဖိၪၥၪခွၫလၧအလီၩဘၪအဝ့ၫ, စံၭဝ့ၫ ဒၪ,ဘၪလၧယအီၪလၧခိၪလီၩ့ဂံၫလဘိအၫတၭ, ယိခွါ, စစီလူၫဒိၭနဲၩ့အၥၭလၧအဖၩ့လီၫ. တၭယိခွါ,လဲၪ့ၥုၭ,

⁷ ဒဲၦကၥ့ၪၥုၭဖိၪလဖၪလီၩ့ဆီးချႃၭန့အဝ့ၫလီၫ.- တၭ ထီးအယိဆၧလၧအလးခဲၫ့နီၪ, ဒၪဘၪယၧၩတၭ,ကိၭ

⁸ န့ယၧၩနီၪ,ယစံၭဆၧၫ့ဆၧ, ယိခွါ,ယၧၩလီၫ.- တၭအ ဝ့ၫဒၪစံၭယၧၩ, နမွဲပလၫလဂၩလဲၪ. တၭယစံၭဆၧၫ့

⁹ အဝ့ၫ, ယမွဲၦအၫမလ့ၭဖိၪလဂၩလီၫ.- တၭစံၭဒီၭ ယၧၩ,ဆၧၫ့ထုၪ့လါလၧယလီၩ့တၭ, မၩၥံၫယၧၩဆံၭ, အဂဲးဘဲၫယီၩဆၧခိဆၧဝီၩဘၪယၧၩနၭမၬလီၫ. အဂဲး ဘဲၫယီၩယၥၭထၧၫ့ဖျိၪ့ယၫအီၪဒံၭ လၧယဖၧၩ့လီၫ.

¹⁰ အခိးမွဲယဆၧၫ့ထုၪ့ လၧအလီၩ့တၭ, ယမၩၥံၫအဝ့ၫ လီၫ.အဂဲးဘဲၫယီၩ ယၥ့ၪယၫတၡါလၧအလၩ့ထံၩဖါ အလးခဲၫ့နီၪမၧၫ့ၥ့ၪအ့ၬ. တၭယမၩန့အၥရဖူၩ, လၧ အအီၪဝ့ၫလၧအခိၪဎွံၪ, ဒဲထဲၫ့ဎွံၪအီၪလၧအစူၪလီၩ့ တၭ,ယဂဲၫဆိၬဆၧနီၪ လၧယကဆါအအီၪထီးယီၩ လီၫ.

¹¹ ထီးနီၪလဖၧၫ့စဒၫဝံၭ, ဖီၪ့အကီၩ့အၥိၭတၭၡၫ့ဝ့ၫ, ဒဲၦၡၩလၧအအီၪလၧအစူၪဖၧၩ့ထီးအလူၬ မၩဝ့ၫဘဲၫ

¹² နီၪၥိၭလီၫ.- အဝ့ၫၥံၪဒဲၩလၩ့အၥၭနၫၡါတၭဂၪ့ဝ့ၫ, ဒဲ ဒုၪဆၧအၪ့ဆၧအီၩထီၩ့လၩ့လၧ မုဂၪလၩ့လၧစစီလူၫ အကၠီၩ့,ဒဲလၧအဖိၪခွၫစစၪ့နၥၧၫ့အကၠီၩ့, ဒဲလၧယဟိ ဝၩအၡၩခမျၧးအကၠီၩ့, ဒဲလၧအံၫစရ့လၭအၡၩဂံၪ့ဖိၪ အကၠီၩ့လီၫ. အဂဲးဘဲၫယီၩအဝ့ၫၥံၪလၩ့ထံၩဖါဝ့ၫလၧ နၭလီၫ.

¹³ တၭစဒၫဝံၭစံၭ ၦဖိၪၥၪခွၫ လၧအလီၩဘၪအဝ့ၫနီၪ, မွဲနအီၪအထံၭခီၫခီၫလဲၪ. တၭအဝ့ၫဒၪစံၭဆၧၫ့ဝ့ၫ,ယ မွဲၦလခီၫဘၩ့မုးဖိၪ အဖိၪခွၫ, ၦအၫမလ့ၭဖိၪလီၫ.

¹⁴ တၭစဒၫဝံၭစံၭအဝ့ၫ, နယၩ့ထၪ့နစူၪမၩဂၭဂီၩ့ၦလၧ အမွဲယဟိဝၩအၡၩဒိၭဂုၪအၥၭနီၪ, မွဲနၥၭမဲၪအ့ၬဧၪ.

¹⁵ စဒၫဝံၭကိၭန့ၦလဂၩ လၧၦဖိၪၥၪခွၫလဖၪအကျၩတၭ, စံၭဝ့ၫၥုၭဘူၭနၥၭ ဖ့ၬခွံၬအဝ့ၫနီၪဆံၭ. တၭအဝ့ၫဖ့ၬ

¹⁶ ခွံၬဝ့ၫထီးအၥံၫလီၫ.- တၭစဒၫဝံၭစံၭဝ့ၫ, နၥွံၪအီၪလၧ နခိၪဒၪနဝ့ၫအလီၩ့လီၫ. အဂဲးဘဲၫယီၩနနိၭထိးအၥၭ ထၫ့ဒုၪဒၩနနၫ့ဆါတၭ, စံၭဝ့ၫ, ယမၩၥံၫခွံၬယဟိဝၩ အၡၩဒိၭဂုၪအၥၭယူၭ.

စဒၫဝံၭဂၪ့လၧစစီလူၫဒဲစစၪ့နၥၧၫ့အဂး.

¹⁷ တၭစဒၫဝံၭမၩဆၧၥၭအုၭအထၭခိၪ လၧစစီလူၫဒဲ အဖိၪခွၫစစၪ့နၥၧၫ့အကၠီၩ့နီၪလီၫ.

¹⁸ (တၭမၪလူၬဆၧၥီၪ့လိၪ ၦယုဒၫဖိၪလၧချံၪ ဎအထၭ ခိၪၭလီၫ. ယိခွါ, ဆၧကွ့ၭအၥၭ လၧလံၬ ယၫၡၧၫအ ဖၧၩ့လီၫ.)

¹⁹ အံၫစရ့လၭအဆၧဎံၫဆၧလၩဧ့, နၥံၫလၧနလးထၪ့ ထီၫ, ၦအဆီၪ့လၩ့ထံၩဖါဝ့ၫဘဲၫၥ့ၪလဲၪၬ

²⁰ လီၩဘၪဝ့ၫလၧဂၫၥၭအဖၧၩ့လဂ့ၩ. ဒုၭဂၧၫ့ထၪ့ၥၩလၩ့ဆၧ လၧအၭၡကလၧၫ့ အဖၧၩ့ၥၭ လဖၪလဂ့ၩ. ၦဖလံၡၫဖိၪ အဖိၪမုၪမိၥၭထိၬဘၪခိၬး ၦလဒိၭဘၪ ဆၧကူၭတရံၭအဖိၪမုၪ မိၥုၪ့ဎွံၫၥၭယီၫ ဘၪခိၬလီၫ.

²¹ ဂံၫလဘိအၫအခိၪလီၩ့ၥံၪဧ့, ဆၩ့ထံၫမွဲဂ့ၩ, ဆၧဆၧၩ့မွဲဂ့ၩ, ဂၪ့ခိၪအဝၩ့လဖၪအီၪ လၧဆၧၥၪဆိၫမွဲဂ့ၩ, မွဲအထီးအီၪ လၧနၥံၪအလီၩ့ လဂ့ၩ. မွဲဆၧခွံၬၡိၭ ၦအဆီၪ့အထၩ့ဖံၭ လဘံၪ့ထီးနီၪအဂဲး, စစီလူၫအထၩ့ဖံၭနီၪ ဘၪဆၧဂုၪဝ့ၫလၧၥိၪအ့ၬ.

²² လၧၦဘၪဆၧမၩၥံၫဝ့ၫအၥွံၪ, လၧၦအဆီၪ့အၥိၪနီၪ, စစၪ့နၥၧၫ့အချံၪကၠၪထဲၩ့အၥၭအ့ၬ. ဒဲစစီလူၫအနၭဂဲၫထဲၩ့ပျီၩဘၪအ့ၬ.

²³ တၭစစီလူၫဒဲစစၪ့နၥၧၫ့, မွဲၦလၧဆၧအဲၪဝ့ၫ, ဒဲၦယိဝ့ၫမုၬ လၧအမၧၫ့ဒံၭတၭ, လၧအၥံၫနီၪလၩ့ဖၭဘၪဝ့ၫအ့ၬ. အဝ့ၫၥံၪချဲၫ့နဲၪ့ဒံၭလံၬ ကျီၫ့ကျီၫ့ၥံၪ, အဂဲးအဘၭဆီၪ့နဲၪ့ဆၬလၥၧၫ့ဒံၭလီၫ.

²⁴ အံၫစရ့လၭအဖိၪမုၪၥံၪဧ့, ဂၪ့လၧစစီလူၫအကၠီၩ့ၦ လၧအဒုၭၥိၭနၥံၪလၧဆၧဝီၩ, ဒဲဆၧကယၧၩ့ကယီၫ, ၦလၧအကယၧၩ့ကယီၫ နၥံၪဒုၭကီၩ့ ဒုၭၥိၭနၥံၪလၧ ထီၫ့ၥံၪလွ့ၫၥံၪ,

²⁵ ၦလၧအဆီၪ့လဖၪနီၪ လၩ့ထံၩဖါလၧဆၧဒုၭၥုၭအ ကျၩဘဲၫၥ့ၪလဲၪၬ စစၪ့နၥၧၫ့ဧ့, နဘၪဆၧမၩၥံၫနၧၩလၧနလးထၪ့ထီၫ!

²⁶ ဆၧၡၪ့ဘၪယၧၩ လၧနကၠီၩ့, ယထၧၫ့ဖုဝဲစစၪ့န ၥၧၫ့ဧ့, နမွဲဆၧမုၬလၩလၧယဂးမုၬမုၬလ့ၬး နအဲၪယၧၩယီၩလၩ့လၭမၬကၨ, ဒိၪနဲၪ့ၦမုၪအဆၧအဲၪဒံၭလီၫ.

²⁷ ၦအဆီၪ့လၩ့ထံၩဖါဘဲၫၥ့ၪလဲၪ! တၭဆၧဒုၭၥုၭအစူၪဝဲၩဂၭဂီၩ့ဘဲၫၥ့ၪလဲၪ!