၂ ပံ 1 - Pwo Kayin Bible

1

¹ ယ့ၫရှူၬဎရံၬအဎီးအၡၩ, ဒဲအဆၧအၪ့မၧၫ့ဖိၪ,ယၧၩ, စစဲမၧၫ့ပံတၧၫ ယစံၭၦလၧအန့ဎုၬယူၭဆၧနဲၩလၧပ ၥိၭအလူဒိၪဎွ့ၩဒိၪမီၪ့ဎီၩ့, လၧပယွၩဒဲၦထိးထဲၩ့တၩ့ ထဲၩ့ပၧၩယ့ၫရှူၬဎရံၬ အဆၧတီၩဆၧလီၩ့အဖၧၩ့နီၪ,

² မွဲဆၧအခိးအတၩ ဒဲဆၧဘၪလိၬအိၭလိၬအၪထၪ့လၧ နၥံၪအဂး,လၧဆၧၥ့ၪယၫယွၩ, ဒဲပကဆါယ့ၫရှူၬအ ဖၧၩ့နီၪဆံၭ.

ယွၩအဆၧကိၭဒဲအဆၧရွံန့.

³ လၧဆၧၥ့ၪယၫ ၦလၧအကိၭပၧၩ လၧအလၩအဖၩ့ ဒဲအစီၩ့အမၩ့ဒၪဝ့ၫအကၠီၩ့နီၪ အစီၩ့အမၩ့ဘၪဆဲၫ့လၧ ယွၩ,ဖ့ၪလၫ့ယူၭပၧၩကယဲဆၧလၧအဘၪဆဲၫ့လၧဆၧ

⁴ မၧၫ့ဒဲဆၧယူၭယၪ့ယွၩနီၪလီၫ.- မွဲအဖ့ၪလၫ့ပၧၩဆၧ စံၭဝဲၩလၧအအီၪလၧအလူဒိၪဎွ့ၩဒိၪလၧအဖၧၩ့,ဘဲၫ ၥိၭလၧဆၧလဖၪနီၪအကၠီၩ့တၭ, နၥံၪဂၭဖျ့ၭလၧဆၧ မၩစံၪစၪဆၧလၧဂၪ့ခိၪချိၫ့ လၧဆၧအလဲး အဘျၪအ ကၠီၩ့တၭ, နၥံၪမိကဲၪထၪ့ ၦန့ဎုၬဆၧ လၧယွၩ အၥိၭ

⁵ လီၫ.- မွဲမၬ, လၧဆၧနီၪလမံၩ့အကၠီၩ့ နၥံၪဘၪမၩဆၧ ကယဲဆၧအၪ့ဂူၬမၩလမံၩ့လါလါတၭ, လၧနၥံၪအဆၧ နဲၩအဖၫ့ခိၪနီၪအီၪက့ၪကီၪ့ပၩရမံၫတၭ, လၧပၩရမံၫ

⁶ အဖၫ့ခိၪနီၪဆၧၥ့ၪယၫတၭး- လၧဆၧၥ့ၪယၫအဖၫ့ ခိၪနီၪဆၧထုၭၥၭတၭ, လၧဆၧထုၭၥၭ အဖၫ့ခိၪနီၪ ဆၧအွံၪၥၭဆၧၩ့တၭ,လၧဆၧအွံၪၥၭဆၧၩ့အဖၫ့ခိၪ

⁷ နီၪဆၧယူၭယၪ့ယွၩတၭ,- လၧဆၧယူၭယၪ့ယွၩအ ဖၫ့ခိၪနီၪဆၧအဲၪထၧၫ့ဖုဝဲတၭးလၧဆၧအဲၪထၧၫ့ဖု

⁸ ဝဲအဖၫ့ခိၪနီၪဆၧအဲၪဆၧကွံၩနီၪဆံၭ.- အဂဲးဘဲၫ ယီၩဆၧလဖၪနီၪအ့ၪအီၪလၧနၥံၪအဖၧၩ့, ဒဲအၪထၪ့ လၧနၥံၪအဖၧၩ့တၭ, နၥံၪလမွဲဘၪၦကၠႃၪ့ၦဘျီၩ့ဒဲၦလ ၥၪထၪ့ဘၪနီၪတၭ, မိဒုၭအီၪဂုးခၧၫ့နၥံၪလၧဆၧၥ့ၪ

⁹ ယၫဘၪဆဲၫ့လၧပကဆါယ့ၫရှူၬဎရံၬအဖၧၩ့လီၫ.-အ့ၪ မွဲၦလအီၪဘၪလၧဆၧယီၩလဖၪ,မွဲၦမ့ၬဘျီၪတၭ, မၩဘံၭအမ့ၬတၭ, ၥၭနၪ့လၧအဒိၭဆံၫ့ထၪ့အၥၭလၧ ဆၧဒဲၩဘၭအလးလံၩ လီၫ.

¹⁰ မၩအၥၭဘဲၫနီၪတၭ, ထၧၫ့ဖုဝဲၥံၪဧ့,အၪ့ဂူၬကျ့ၭစၨၭ မၩနၥံၪအဆၧကိၭဝ့ၫ,ဒဲဆၧရွံန့နၥံၪ, ဘဲၫၥိၭအမိ အီၪဂုးခၧၫ့ဝ့ၫဆံၭ, အဂဲးဘဲၫယီၩ နၥံၪအ့ၪမၩဆၧလ ဖၪနီၪတၭ, မွဲနၥံၪမိလၩ့ထံၩဖါလၧၩ့နးဆိၭအ့ၬ.

¹¹ အဂဲးဘဲၫယီၩ ဆၧမိဖ့ၪလၫ့နၥံၪ လၧဆၧနုၬလၧၫ့လၧၫ့ ဎွ့ၩဎွ့ၩလၧၦထိးထဲၩ့တၩ့ထဲၩ့ပၧၩ ဒဲပကဆါယ့ၫရှူၬ ဎရံၬ အဘၩ့အမုး အဆိၩအကၠၪအဖၧၩ့ ဘဲၫနီၪအၥိၭ လီၫ.

¹² မွဲဘဲၫနီၪတၭ, နၥံၪၥ့ၪယၫလၧဆၧလဖၪနီၪ, အီၪဂုး အီၪခၧၫ့လၧဆၧမွဲဆၧတီၩ အဖၧၩ့လါနၫ့ဘိၩ, ယဒုၭ နၪ့ထၪ့ထဲၩ့နၥံၪ လၧအဂဲးအကၠီၪ့ လထံၪဎးဘီၩ့ဎးနီၪ,

¹³ ယၥၭနၪ့အ့ၬ.- ယအီၪလၧတဲၩယီၩ အဘိၩ့ဘၭတၭ, ယဆီၫ့မီၪ့ လၧယဂ့ၩထိၪဂဲၩနၥံၪလၧဆၧနၪ့ထၪ့ထဲၩ့

¹⁴ အဂးလီၫ.- ယၥ့ၪယၫလၧယဘၪအီၪက့ၪခွံၬတဲၩ ယီၩချဲၫ့ချံၭ, ဘဲၫပကဆါယ့ၫရှူၬဎရံၬဒုၭနဲၪယၧၩအ

¹⁵ ၥိၭနီၪလီၫ.- လၧယထဲၩ့ထဲၩ့အလးခဲၫ့နီၪဘဲၫနၥံၪမိ နၪ့ထၪ့ထဲၩ့ဆၧလဖၪယီၩ လထံၪဎးဘီၩ့ဎးတၭ, ယမိ အၪ့ဂူၬမၩဝဲၩဆၧလီၫ.

ၦလၧအဒၪဘၪဎရံၬအလၩအဖၩ့လဖၪ အဆၧထိးအၥၭ.

¹⁶ အဂဲးဘဲၫယီၩ လၧပဒုၭၥ့ၪယၫနၥံၪလၧပကဆါယ့ၫ ရှူၬဎရံၬအစီၩ့အမၩ့, ဒဲအဂဲၫလၩ့အဂဲးအကၠီၪ့နီၪ,ပ လဖိၬဘၪဆၧကိၪ့ဘၪကိၪ့ၥ့ၪအပိၩ့အခဲၫ့နီၪ,ပမွဲၦ

¹⁷ လၧအဒၪဘၪအစီၩ့အမၩ့လၧပမ့ၬလီၫ.- အဂဲးဘဲၫ ယီၩထီးဆၧအလူဂဲၫလၩ့ဝ့ၫ လၧဆၧလၩဖၩ့အဆၧဂိး ၡ့ၭဂိးၡီၫလၧအအီၪဘဲၫယီၩ, အယီၩမွဲယဖိၪခွၫၥၭဘီၩ့ လဂၩတၭ, မုၬယၥၭလၧအဝ့ၫဒၪလီၫ. မွဲအန့ဘၪဆၧ

¹⁸ ယူၭဆၧယၪ့, ဒဲဆၧလၩဆၧဖၩ့ လၧဖါယွၩလီၫ.- ဆၧ အလူလၧအဂဲၫလၩ့ လၧမူၭခိၪနီၪ, ပနါဂၧၫ့ထီးပအီၪ လၧအၥိၭလၧခိၪလီၩ့ ဆံၫ့ဎံၪအလီၩ့ နီၪလီၫ.

¹⁹ တၭပဝ့ၫဒၪယီၩ ပအီၪလၧမီၪအလူခၧၫ့နဲၪ့အနီၪဒံၭ လၧနၥံၪဂ့ၩခိၭနၪနၥံၪဝ့ၫဘဲၫမ့ၪဒိၩ့ဖၩ့ထၪ့ဝ့ၫလၧဆၧ ခံၭအလးအၥိၭ,ဘဲၫဆၧဖၩ့ထၪ့ဒဲၡၪထူဂီၩထၪ့လၧ

²⁰ နၥံၪအၥၭခံဖၧၩ့အၥိၭလီၫ.- ဆၧၥ့ၪယၫဆိၫဆၧ ယီၩ, လၧဆၧကွ့ၭအၥၭ ဘဲၫမီၪအလူအီၪဝ့ၫအၥိၭနီၪ, မွဲအလဂဲၫထၪ့ဘၪ လၧအၥၭဒၪဝ့ၫအဖၧၩ့နးထံၪ

²¹ နီၪ,- အဂဲးဘဲၫယီၩမီၪအလူ ဂဲၫလၩ့လၧဖျိၩ့လမွဲဘၪ ထီးဒၪၦၡၩအၥၭ, အ့ၪမွဲၥၭမုဆံၫ့ဎံၪ ဘိၭထၪ့အၥၭ တၭ,ယွၩအၥၭဆံၫ့ဎံၪချဲၩ့ဝ့ၫလီၫ.