၂ ယီ 1 - Pwo Kayin Bible

1

¹ ၦၥၭၡါယၧၩယီၩ, ယစံၭကဆါမုၪ လၧဆၧရွံန့ဝ့ၫ ဒဲအဖိၪအလံၩ လၧယအဲၪဝ့ၫလဖၪ လၧဆၧမွဲဆၧတီၩ အဖၧၩ့တၭ, အ့ၪမွဲန့ၫယၧၩလကၭလၧၩ့, ၦလၧအၥ့ၪ

² ယၫဆၧမွဲဆၧတီၩကိၭဂၩဒ့ၭဆ့.- လၧဆၧမွဲဆၧတီၩ အကၠီၩ့ လၧအအီၪဝ့ၫလၧပဖၧၩ့တၭ, မိအီၪလၧပၥိၭ

³ လၩ့ဆိၩလၩ့ကၠၪလီၫ.- မွဲဆၧအခိးအတၩ ဆၧယၫ့ၥုၪ့ ယၫ့ၥၭ, ဆၧဘၪလိၬအိၭလိၬလၧဖါယွၩ, ဒဲလၧဖါအဖိၪ ခွၫကဆါယ့ၫရှူၬဎရံၬ, လၧဆၧမွဲဆၧတီၩ, ဒဲဆၧအဲၪ ဆၧကွံၩနီၪအီၪ လၧနၥံၪအၥိၭဆံၭ.

ဆၧမွဲဆၧတီၩဒဲဆၧအဲၪဆၧကွံၩ.

⁴ လၧယဒၪဘၪနဖိၪနလံၩလ့ၩဆၧ လၧဆၧမွဲဆၧတီၩ အဖၧၩ့, ဘဲၫပဒိၭန့ဆၧမၪလူၬလၧဖါအၥိၭနီၪ, ယၥၭ

⁵ ထိၬဒိၪမၬလီၫ.- တၭဘိၩ့နဲၪ့ယီၩကဆါမုၪဧ့, ယအၪ့ ကံၩ့အၪ့ယၫနၧၩ, လမွဲဘၪ ဘဲၫယကွ့ၭဆၧမၪလူၬအ ၥၫ့အၥိၭ, အ့ၪမွဲဆၧလၧပန့ဘၪလၧအထံၭ လၧအၥၫ့

⁶ နီၪ, လၧပဘၪအဲၪလိၬကွံၩလိၬပၥၭလီၫ.- တၭဆၧ ယီၩ မွဲဆၧအဲၪဆၧကွံၩ လၧပလ့ၩဆၧ ဘဲၫအဆၧမၪ လူၬအၥိၭနီၪလီၫ. ဆၧမၪလူၬနီၪမွဲဆၧယီၩ, လၧနၥံၪ ကြၨၭလ့ၩလၧအဖၧၩ့, ဘဲၫနၥံၪနါဂၧၫ့လၧထံၭ လၧအ ၥၫ့အၥိၭနီၪလီၫ.

⁷ အဂဲးဘဲၫယီၩ ၦအၪ့လီၫဆၧလဖၪအၪဂၩ လ့ၩဝံၩ့ ဝၩ့လၧဂၪ့ခိၪချိၫ့, လၧအလအုၩ့လၩ့ဘၪ ယ့ၫရှူၬဎရံၬ ဂဲၫလၧဆၧဖံၭဆၧယၪအဖၧၩ့တၭ, အယီၩမွဲၦအၪ့လီၫ

⁸ ဆၧဒဲၦထၫ့ဒုၪဒၩဎရံၬလီၫ.- ဆၧလၧပမၩဆၧလဖၪနီၪ, ဘဲၫၥိၭအထီးလၩ့မါလဂ့ၩ, ဘဲၫၥိၭပမိန့ဘၪဆၧအခိး အတၩထီးအဎွ့ၩတၭ, ယိထီးလၩ့နၥံၪအၥၭဆံၭ.

⁹ ကယဲၦလၧအမၩမၪဆၧ, ဒဲလအီၪဂုးခၧၫ့ဘၪ လၧ ဎရံၬအဆၧၥီၪ့ဆၧၥၫ့အဖၧၩ့ လဂၩလါလါနီၪ, မွဲအ အီၪလၧယွၩအ့ၬ. ၦလၧအအီၪဂုးခၧၫ့ဝ့ၫ လၧဎရံၬအ ဆၧၥီၪ့ဆၧၥၫ့အဖၧၩ့နီၪ, မွဲအအီၪဝ့ၫလၧဖါ ဒဲဖိၪခွၫ

¹⁰ လီၫ.- ၦလဂၩဂၩအ့ၪဂဲၫလၧနၥံၪအအီၪတၭ, လဂဲၫ ဆိၬဘၪ ဆၧၥီၪ့ဆၧၥၫ့ယီၩတၭ, ထီးထိးဆၧၫ့အဝ့ၫဒၪလၧဂံၪ့ဖၧၩ့ လဂ့ၩ. ဆၧရှူၪဆၧမုၬမွဲအအီၪလၧအဝ့ၫဆံၭ,နီၪ, ထီးစံၭလဂ့ၩ.

ဆၧချဲၩ့လၧခဲၫ့ထုၬ.

¹¹ အဂဲးဘဲၫယီၩ ၦလၧအစံၭဝ့ၫ ဆၧရှူၪဆၧမုၬမွဲအ အီၪလၧအဝ့ၫဆံၭ, နီၪ, ဘၪဆဲၫ့လၧအဝ့ၫအဆၧမၩ အၧၩ့လီၫ.

¹² ဆၧကွ့ၭန့နၥံၪအီၪအၪမံၩ့တၭ, ဆၧမိကွ့ၭန့ဘၪယ ၥၭလၧစၭခီၫ ဒဲၥံထံၫမွဲအ့ၬ. အ့ၪမွဲယယိလါ လၧယ မိလ့ၩဘၪလၧနအီၪတၭ, ချဲၩ့ၡီၩ့လိၬပၥၭမ့ၬခီၫမ့ၬဘဲၫ ၥိၭပဆၧၥုၪ့ထိၬၥၭထိၬ မိလၧၫ့ထၪ့ဎွ့ၩထၪ့ဝ့ၫ လီၫ.

¹³ ထၧၫ့ဖုဝဲမုၪ လၧဆၧရွံန့ဝ့ၫအဖိၪအလံၩနီၪ ချဲၩ့ဒုၪ့နၧၩ လီၫ. ဎအၩမံၩ့.ၭ