၂ ကီ 1 - Pwo Kayin Bible

1

¹ ယ့ၫၡုၬဎရံၬအဆၧအၪ့မၧၫ့ဖိၪ ဘဲၫယွၩအၥၭအၥိၭ. ယၧၩ,စပီလူၫဒဲထၧၫ့ဖုဝဲစထံမၥံၫစံၭယွၩအဆၧအီၪ ကီၪ့လၧကီရံၫ့အဖၧၩ့, ဒဲကယဲၦဆံၫ့ဎံၪကိၭဂၩဒ့ၭ

² အီၪဝ့ၫလၧအခ့ယၫထၧၫ့ခးယၫနီၪ,- မွဲနၥံၪဘၪဆၧအ ခိးအတၩ,ဒဲဆၧဘၪလိၬအိၭလိၬလၧပဖါယွၩ, ဒဲက ဆါယ့ၫရှူၬဎရံၬ နီၪဆံၭ.

စပီလူၫစံၭထၪ့အၪ့အူၭယွၩ.

³ ယွၩ,ပကဆါယ့ၫရှူၬဎရံၬအဖါ, ဆၧယၫ့ၥုၪ့ယၫ့ၥၭ အဖါ,ဒဲကယဲဆၧမၩမုၬထၪ့ထဲၩ့အယွၩ, မွဲအဘၪဆၧ

⁴ စံၭထၪ့အၪ့အူၭဆံၭ.- ဘဲၫၥိၭပမၩမုၬထၪ့ထဲၩ့ၦလၧ အဘၪဆၧၡၪ့လမံၩ့မံၩ့ လၧဆၧမုၬလၧယွၩ မၩမုၬထၪ့ ထဲၩ့ပၧၩနီၪမိၥ့ၪတၭ, အဝ့ၫနီၪ မၩမုၬထၪ့ထဲၩ့ပၧၩ,

⁵ လၧပဆၧၡၪ့ဆၧနၭ ထီးအလူၬအဖၧၩ့လီၫ.- အဂဲးဘဲၫ ယီၩ ဘဲၫဆၧၡၪ့ လၧအဘၪဆဲၫ့ လၧဎရံၬ ဎွ့ၩထၪ့လၧ ပဖၧၩ့အၥိၭနီၪ, ဆၧမၩမုၬထၪ့ထဲၩ့ပၧၩလၧဎရံၬအ

⁶ ကၠီၩ့ဎွ့ၩထၪ့ ဘဲၫနီၪၥိၭဆ့လီၫ.- ပအ့ၪဘၪဆၧၡၪ့ ဆၧ နၭတၭ, မွဲလၧဆၧမၩမုၬထၪ့ထဲၩ့နၥံၪ ဒဲလၧဆၧထိး ထဲၩ့တၩ့ထဲၩ့နၥံၪအဂး, ဆၧနီၪဒုၭထိးဆၧၡၪ့ ဆၧနၭ န့ၫၥိၭ လၧပဘၪပဝ့ၫလီၫ. ပအ့ၪဘၪဆၧမၩမုၬ ထၪ့ ထဲၩ့ပၧၩတၭ, မွဲလၧဆၧမၩမုၬထၪ့ထဲၩ့နၥံၪ လၧဆၧ

⁷ ထိးထဲၩ့တၩ့ထဲၩ့ နၥံၪအဂးလီၫ.- ပဆၧယိလါလၧနၥံၪ အဂးနီၪ, အီၪဂုးအီၪခၧၫ့တၭ, ပၥ့ၪယၫဘဲၫနၥံၪဘၪ ဆဲၫ့လၧဆၧၡၪ့ဆၧနၭအၥိၭနီၪ, နၥံၪဘၪဆဲၫ့လၧဆၧ မၩမုၬထၪ့ထဲၩ့နီၪဆ့လီၫ.

⁸ အဂဲးဘဲၫယီၩဖုၥံၪဝဲၥံၪဧ့, ဆၧၡၪ့ဆၧနၭလၧအဘၪ ပၧၩလၧအ့ၡၫအဖၧၩ့,ဒဲပဘၪဆၧနၭအၪလၨၪထီး ပထိးလကဲၪဘၪ ထီးဒၪလ့ၬ ပယိလါဆၧလၧပမိမၧၫ့ ဒံၭ, အလးလအီၪဘၪတၭ, နၥံၪလၥ့ၪယၫဘၪနီၪ ဘၪ

⁹ ပၥၭအ့ၬ.- မွဲလါနၫ့ဘိၩ, ဆၧစ့ၩရၫ့ၥံၪအီၪ လၧပဖၧၩ့ တၭ,ဘဲၫၥိၭပထီးဒိၭနဲၩ့လၩ့ပၥၭဒၪပဝ့ၫလဂ့ၩ, မွဲဘဲၫ ၥိၭပမိဒိၭနဲၩ့ပၥၭ လၧယွၩအဖၧၩ့လၧအမၩဂဲထုၪ့

¹⁰ ထဲၩ့ၦအၥံၫလဖၪလီၫ.- အဝ့ၫနီၪ ထုၭထၪ့ယူၭပၧၩလၧ ဆၧၥံၫဖၭဒိၪအဖၧၩ့တၭ, ဒဲမၩဖီၩ့ဖျ့ၭဆၧတၭ, ပ

¹¹ ယိလါ လၧအမိထုၭထၪ့ဒံၭပၧၩလီၫ.- နၥံၪမၩဆၧၩ့ ပၧၩဆ့ လၧဆၧဘၩဆိၪဖၪန့ပဂး,ဘဲၫၥိၭပဘၪခိး ဘၪတၩလၧၦအၪဂၩအကၠီၩ့တၭ, ၦအၪဂၩမိစံၭထၪ့ အၪ့အူၭဆၧအခိးအတၩလၧပကၠီၩ့လီၫ.

ဆၧအၪ့လဲၩထၪ့အၥၭ လၧစပီလူၫအဆၧကိၪ့ဆၧတဲၩ့ဖၧၩ့.

¹² အဂဲးဘဲၫယီၩပအီၪက့ၪဖိၫလိၫပၥၭ အလးမွဲအယီၩ, ပကၪ့ၡၧၫ့ထိးအၥၭလၧပမၩဆၧလၧဂၪ့ခိၪချိၫ့, မွဲဆၧ တီၩဆၧလီၩ့, ဒဲဆၧဂ့ၩလၧယွၩအမ့ၬယၫ, လမွဲဘၪလၧ ဆၧကိၪ့ၥ့ၪဘၪဆဲၫ့လၧဆၧဖံၭဆၧယၪမွဲလၧယွၩ အခိးအတၩဒဲလၧနၥံၪအကျၩအၪဒၪအဆၧဒံၭလီၫ.

¹³ အဂဲးဘဲၫယီၩ ပကွ့ၭန့နၥံၪန့ၫဆၧလဖၪလၧနၥံၪၥ့ၪ ယၫလၩ့ထံးလၩ့ဆ့ၭ, ဒဲနၥံၪအုၩ့လၩ့တၭ, ယယိလါ

¹⁴ နၥံၪမိအုၩ့လၩ့ထီးအထုၬလီၫ.- ဘဲၫနီၪၥိၭဆ့, နၥံၪလ နၩ့အုၩ့လၩ့ယူၭ လၧပမွဲနၥံၪအဆၧအီၪက့ၪ ဖိၫလိၫနၥံၪ အၥၭအလး, ဘဲၫနၥံၪဝ့ၫမွဲဆ့ပဝ့ၫအၥိၭလၧကဆါ ယ့ၫၡုၬအမုနံၩနီၪလီၫ.

¹⁵ လၧဆၧနဲၩယီၩအဖၧၩ့, ဘဲၫၥိၭနၥံၪမိန့ဆၧအခိးအ တၩ နံၫဖၧၫ့လဖၧၫ့တၭ, ယၥၭအီၪလၧယမိ လ့ၩလၧန

¹⁶ ၥံၪအအီၪ,- ယမိလ့ၩဖီၩ့ခွံၬနၥံၪဖိး လၧမၫစဒိနအၫနီၪ ယမိဂဲၫထဲၩ့ လၧမၫစဒိနအၫ ထီၩ့လၧနၥံၪအအီၪတၭ,

¹⁷ နၥံၪမိၥိၫ့ယၧၩလၧယဖၧၩ့ၥၭလၧခးယုဒၫလီၫ.- မၩ အၥၭဘဲၫနီၪတၭ, လၧယၥၭအီၪဘဲၫနီၪ မွဲယချဲၩ့ကွ့ၩ ဆၧဆ့ဧၪ. ဆၧလၧယကိၪ့ဆၧနီၪ, ယကိၪ့ဆၧထီးဒၪ ဆၧဖံၭဆၧယၪဘဲၫၥိၭမွဲယူၭ, မွဲယူၭ,လမွဲဘၪ, လမွဲ ဘၪ,မိအီၪလၧယၧၩဧၪ.

¹⁸ ဘဲၫယွၩမၩအလူတီၩအၥိၭနီၪ, ပချဲၩ့ဆၧလၧနၥံၪမွဲ

¹⁹ ယူၭ,ဒဲလမွဲဘၪနီၪမွဲအ့ၬ.- အဂဲးဘဲၫယီၩ ယွၩအဖိၪ ခွၫယ့ၫရှူၬဎရံၬလၧပဝ့ၫဒၪ, ယၧၩဒဲစစံၫလဝ့နၧၭ ဒဲစထံမၥံၫ, လီၩလၩ့ဆၧအဂဲးအကၠီၪ့ လၧနၥံၪအကျၩ မွဲယူၭနီၪဒဲလမွဲဘၪနီၪ မွဲအ့ၬ. မွဲလါနၫ့ဘိၩ ဆၧမွဲအီၪ

²⁰ ဝ့ၫလၧအဝ့ၫဒၪအဖၧၩ့လီၫ.- အဂဲးဘဲၫယီၩ ထီးဒၪယွၩ စံၭဝဲၩဆၧအၪလဖၪနီၪ, မွဲအမွဲဆၧလၧအဖၧၩ့တၭ, ဒဲအၩမံၩ့လၧအဖၧၩ့, လၧယွၩအလၩအဖၩ့ လၧပကၠီၩ့

²¹ လီၫ.- ၦလၧအမၩ အီၪဂုးအီၪခၧၫ့ပၧၩ လၧနၥံၪအၥိၭ

²² လၧဎရံၬအဖၧၩ့,ဒဲဂုၪပၧၩနီၪမွဲယွၩ,- လၧအစဲၩ နဲၪ့ထၬပၧၩဆ့တၭ, ဖ့ၪလၫ့ၥၭအဆၧဖ့ၪဝဲၩလၧၥၭ

²³ ခံဖၧၩ့လီၫ.- ယကိၭထၪ့ယွၩဘဲၫၥိၭ အမိထိးအၥၭ လၧယဂး, လၧယယၫ့ၥၭနၥံၪအကၠီၩ့, ယလလ့ၩဒံၭ

²⁴ ဘၪလၧကီရံၫ့လီၫ.- မွဲလၧပကဲၪနၥံၪအဆၧနဲၩကဆါ မွဲအ့ၬ. ပမွဲၦလၧအမၩဆၧၩ့နၥံၪအဆၧၥၭထိၬလီၫ. အဂဲးဘဲၫယီၩနၥံၪအီၪဆၧၫ့ထုၪ့ဂုးခၧၫ့ လၧဆၧနဲၩအ ဖၧၩ့လီၫ.