၂ ကွ့ၭ 1 - Pwo Kayin Bible

1 စဎွၩစီလမၧၫ့ဘၩဆိၪဖၪလၧ မိန့ဘၪဆၧကိၪ့ဘၪကိၪ့ၥ့ၪအဂး.

¹ တၭစဒၫဝံၭအဖိၪခွၫ စစီလမၧၫ့ ဂုးထၪ့ခၧၫ့ထၪ့လၧ အဘၩ့အမုးအဖၧၩ့နီၪ, ဒဲယဟိဝၩ, အဝ့ၫဒၪအယွၩ အီၪလၧအၥိၭတၭ, မၩဒိၪထၪ့ထီၫထၪ့အဝ့ၫ အၪအၪ

² လ့ၬလီၫ.- ထီးနီၪလဖၧၫ့ စစီလမၧၫ့ချဲၩ့ထၪ့လၧအံၫစ ရ့လၭထီးအလူၬ, ဒဲၦအထီၫ့ၥံၪ အခိၪလဖၪ, ဒဲၦအ ယၩၥံၪအခိၪလဖၪ, ဒဲၦစ့ၩရၫ့ခွးလဖၪ, ဒဲလၧကယဲၦ ဒိၪၥံၪလၧအံၫစရ့လၭထီးအလူၬအကျၩ, လၧအမွဲဖါ

³ လဖၪအခိၪၥံၪလီၫ.- တၭစစီလမၧၫ့, ဒဲဆၧအီၪကီၪ့ ထီးအလူၬလၧအၥိၭ, လ့ၩထၪ့လၧဆၧထၪ့ထီၫအလး လၧဂံဘအၧၫ့အဖၧၩ့နီၪ, အဂဲးဘဲၫယီၩယဟိဝၩယွၩ အဆၧအီၪကီၪ့အတဲၩဆံၫ့ဎံၪ လၧယဟိဝၩအခ့ၫအ ၡၩစမိစ့ၭ မၩထၪ့ဝ့ၫ လၧၡါမုနၧၫ့ဖၫ, အီၪဝ့ၫထီးနီၪ

⁴ လီၫ.- အ့ၪမွဲယွၩအတလၫနီၪ စဒၫဝံၭဂဲၫဆိၬထၪ့ခွံၬ ယူၭလၧကၧၫယၭယံအရံၫ့ထီၩ့လၧ အလးလၧစဒၫဝံၭ တဲၩ့ဝဲၩဝ့ၫလၧအဂး အဂဲးဘဲၫယီၩ အဝ့ၫဒၪမၩထၪ့

⁵ ယူၭတဲၩလၧအဂးလၧယရုစလံၫ့အဖၧၩ့နီၪလီၫ.- တၭ ဆၧလုအလးထီးဝီၩလၧ စဟၧၫအဖိၪခွၫစယုရဲၫအဖိၪ ခွၫ,စဘ့ၫဇလံလၭမၩထၪ့ဝ့ၫနီၪ, အီၪဝ့ၫထီးနီၪလၧယ ဟိဝၩအတဲၩဆံၫ့ဎံၪအမ့ၬယၫတၭ, စစီလမၧၫ့ဒဲဆၧ

⁶ အီၪကီၪ့နီၪအၪ့ဎၬဆၧလၧအနီၪလီၫ.- တၭစစီလမၧၫ့ လ့ၩထီၩ့ဝ့ၫလၧဆၧလုအလး ထီးဝီၩအအီၪလၧယဟိ ဝၩအမ့ၬယၫလၧဆၧအီၪကီၪ့ အတဲၩဆံၫ့ဎံၪအအီၪနီၪ, ဒဲလုထၪ့ဆၧလုမ့ၪ လထီၫ့လၧအလီၩ့လီၫ.

⁷ လၧမုလနၩဎးနီၪ ယွၩမၩဖျီၪထၪ့အၥၭ လၧစစီလ မၧၫ့တၭ,စံၭအဝ့ၫ, ဆၧလၧယမိဖ့ၪလၫ့နၧၩလမံၩ့နီၪ,

⁸ အၪ့ကံၩ့ဆံၭ.- စစီလမၧၫ့စံၭဆၧၫ့ယွၩ, နဝ့ၫဒၪနဒုၭနဲၪ ဆၧယၫ့ၥၭဖၭဒိၪ လၧယဖါစဒၫဝံၭ, ဒဲဒုၭကဲၪထၪ့

⁹ ယၧၩလၧစဎွၩလၧအဝ့ၫဒၪအလးလီၫ.- ဘိၩ့နဲၪ့ယီၩ, ယဟိဝၩယွၩဧ့, နဆၧချဲၩ့ဝဲၩလၧယဖါစဒၫဝံၭနီၪ, မွဲအ ဂုးထၪ့ဝ့ၫဆံၭ. အဂဲးဘဲၫယီၩ နအီၪက့ၪထၪ့ယူၭယၧၩ လၧၦခမျၧးလၧအအၪဝ့ၫ ဘဲၫဂၪ့ခိၪမုၬအၥိၭနီၪအဖၫ့

¹⁰ ခိၪလီၫ.- ဘိၩ့နဲၪ့ယီၩ ဖ့ၪလၫ့လါယၧၩ လၧဆၧကိၪ့ၥ့ၪ ကိၪ့ဘၪဒဲဆၧၥ့ၪယၫ, ဘဲၫၥိၭယမိလ့ၩထၪ့ ဒဲဂဲၫနုၬ လၧၦခမျၧးယီၩအမ့ၬယၫဆံၭ. အဂဲးဘဲၫယီၩၦခမျၧး ဖၭဒိၪယီၩမွဲပလၫစ့ၩရၫ့မိၥ့ၪလဂၩလဲၪ.

¹¹ တၭယွၩစံၭစစီလမၧၫ့, မွဲဆၧလမံၩ့ယီၩ အီၪလၧန ၥၭခံဖၧၩ့အကၠီၩ့နီၪ, နလအၪ့ကံၩ့ဘၪ စူၪလးခၪ့ခိၪ, ဆၧအဎၧၩ့အဎီ, ဆၧလၩဆၧဖၩ့မွဲဂ့ၩ, နဒုၪနဒၩၥံၪအ ၥၭမၧၫ့မွဲဂ့ၩ, ဒဲနအၪ့ကံၩ့လၧနၥၭမိမၧၫ့ယံၬနီၪဆ့အ့ၬး အ့ၪမွဲနအၪ့ကံၩ့ဆၧကိၪ့ၥ့ၪကိၪ့ဘၪ ဒဲဆၧၥ့ၪယၫလၧ နနၫ့ဆါအဂး, ဘဲၫၥိၭနမိစ့ၩရၫ့ယၡၩခမျၧးၥံၪ, လၧယ

¹² အီၪက့ၪထၪ့နၧၩ ကဲၪစဎွၩလၧအဖၫ့ခိၪတၭ,- နမိန့ဘၪ ဆၧကိၪ့ၥ့ၪကိၪ့ဘၪ ဒဲဆၧၥ့ၪယၫ, ဒဲယမိဖ့ၪလၫ့နၧၩ လၧစူၪလးခၪ့ခိၪ, ဒဲဆၧအဎၧၩ့အဎီ,ဒဲဆၧလၩဆၧဖၩ့, ဘဲၫစဎွၩၥံၪလၧအအီၪထၪ့ဆိၫနဲၪ့နၧၩနီၪ လန့ဘၪဝ့ၫ နးဂၩအၥိၭ, ဒဲၦလၧအအီၪထၪ့ဝ့ၫလၧနလးခဲၫ့လဖၪမိ န့ဘၪဘဲၫနီၪၥိၭနးဂၩဆ့အ့ၬ.

စဎွၩစီလမၧၫ့အစီၩ့အမၩ့ဒဲ အဆၧထူၭဆၧလၧၫ့လဖၪ.

¹³ ထီးနီၪလဖၧၫ့စစီလမၧၫ့ ဂဲၫထဲၩ့လၩ့လၧလးထၪ့ထီၫ နီၪလၧဂံဘအၧၫ့အဖၧၩ့ ထီၩ့လၧယရုစလံၫ့. လၧဆၧ အီၪကီၪ့အတဲၩဆံၫ့ဎံၪအအီၪတၭ, ကဲၪထၪ့စဎွၩလၧ အံၫစရ့လၭအဖၫ့ခိၪလီၫ.

¹⁴ တၭစစီလမၧၫ့ အီၪက့ၪကီၪ့လဲၪ့ၥုၭလဖၪ, ဒဲၦလၧ အထူၬကၥ့ၪလဖၪ, အလဲၪ့ၥုၭလဖၪ အီၪဝ့ၫလထီၫ့လံ ယၩ,ဒဲၦလၧအထူၬကၥ့ၪလဖၪ အီၪဝ့ၫလလၬနံၫထီၫ့, လၧအအီၪက့ၪဝ့ၫလၧဒိၩ့ၥံၪ ဘၪဆဲၫ့လၧလဲၪ့ၥုၭအဖၧၩ့ နီၪ,ဒဲလၧစဎွၩအၥိၭလၧ ယရုစလံၫ့အဖၧၩ့ဆ့လီၫ.

¹⁵ စဎွၩဒုၭအီၪထၪ့ကျိၪၥံၪစ့ၩၥံၪ, ထီၫ့ၥံၪလွ့ၫၥံၪလၧ ယရုစလံၫ့အဖၧၩ့နီၪ, ဘဲၫလိးလဖၪအၥိၭ, ဒဲၥံၪ့ၡိၫအ့ ရ့ၭအၪအၪလ့ၬ ဘဲၫၥံၪ့ကူၪလဖၪ လၧခိၪလီၩ့ ဆူၭဖၧၩ့

¹⁶ အၥိၭနီၪလီၫ.- တၭၦၡၩဂဲၫဆိၬကၥ့ၪလဖၪလၧအံဇံၭ ဒဲလၧကိအၫလၧစစီလမၧၫ့အဂးလီၫ. စဎွၩအၡၩဖနံၬ

¹⁷ ဖိၪဒိၭန့ဝ့ၫလၧကိအၫနီၪ လၧအဎွ့ၩလီၫ.- ၦလ့ၩဆၧ, ဂဲၫထဲၩ့ဆိၬလၧအံဇံၭအလဲၪ့ၥုၭလဖျိၪ့ လၧစ့ၩၡက့လၭ ဎူၫယၩအဂး, ဒဲကၥ့ၪလဒုၩ လၧလယၩယဲဆံၫအဂး လီၫ. အဝ့ၫၥံၪလ့ၩထၪ့တၭ, ဂဲၫထဲၩ့န့ကၥ့ၪလဖၪလၧ ၦဟံၥၭဖိၪအစဎွၩထီးအလူၬလဖၪအဂး, ဒဲလၧစံရအၫ အစဎွၩလဖၪအဂး, ဘဲၫအဆၧအီၪဝ့ၫအၥိၭနီၪလီၫ.