၁ ၥ့ၭ 1 - Pwo Kayin Bible

1

¹ စပီလူၫဒဲစစံၫလဝ့နၧၭ, ဒဲစထံမၥံၫစံၭဆၧအီၪကီၪ့ လၧၥ့ၭစလနဲကၫအီၪလၧဖါယွၩ, ဒဲကဆါယ့ၫရှူၬ ဎရံၬအဖၧၩ့နီၪ, မွဲဆၧဘၪလိၬအိၭလိၬ ဒဲဆၧအခိးအ တၩလၧပဖါယွၩ ဒဲကဆါယ့ၫရှူၬဎရံၬနီၪ အီၪလၧန ၥံၪအလီၩ့ဆံၭ.

ၦၥ့ၭစလနဲကၫဖိၪလဖၪ အဆၧအီၪမၧၫ့ဒဲအဆၧဆူဆၧနဲၩ.

² ပနၪ့ထၪ့ထဲၩ့နၥံၪလၧ ပဆၧဘၩဆိၪဖၪအဖၧၩ့တၭ, ပစံၭထၪ့အၪ့အူၭယွၩအခိးအတၩ လထံၪဎးဘီၩ့ဎး

³ လၧနၥံၪကိၭဂၩဒ့ၭအဂး,- ပနၪ့ထၪ့ထဲၩ့လထံၪဎးဘီၩ့ ဎး လၧနၥံၪအဆၧမၩဘၪဆဲၫ့လၧဆၧနဲၩ, ဒဲနၥံၪအ ဆၧမၩဘၪဆဲၫ့လၧဆၧအဲၪ,ဒဲနၥံၪအဆၧအွံၪၥၭဆၧၩ့ဘၪ ဆဲၫ့လၧဆၧယိလါလၧအအီၪလၧ ကဆါယ့ၫရှူၬဎရံၬ

⁴ အဖၧၩ့, လၧယွၩဒဲပဖါအမ့ၬယၫလီၫ.- အဂဲးဘဲၫယီၩ ထၧၫ့ဖုဝဲလၧယွၩအဲၪဝ့ၫၥံၪဧ့, ပၥ့ၪယၫနၥံၪဘၪဆၧရွံ

⁵ န့ထဲၩ့နၥံၪလီၫ.- အဂဲးဘဲၫယီၩပဆၧၥၭထိၬအပရၧၫ့ အီၪန့ၫဆၧချဲၩ့လၧနၥံၪအဖၧၩ့လကၭလၧၩ့, မွဲအအီၪ လၧဆၧအစီၩ့အမၩ့ဆ့,ဒဲၥၭမုဆံၫ့ဎံၪ,ဒဲဆၧနဲၩအ လၧၫ့အဎွ့ၩလၧအအၪတၭ, ပအီၪလၧနၥံၪအကျၩနီၪ ပမွဲၦဘဲၫၥ့ၪလဲၪဘဲၫၥ့ၪလဲၪ လၧနၥံၪအဂးနီၪ, နၥံၪၥ့ၪ

⁶ ယၫလီၫ.- နၥံၪဒိၭန့ဆၧအလူအထၫလၧဆၧနၭအၪ ဆၧၡၪ့ဂီအဖၧၩ့ အီၪလၧၥၭမုဆံၫ့ဎံၪအဆၧၥၭထိၬ တၭးနၥံၪကဲၪထၪ့ ၦယိလိၪပၧၩ ဒဲကဆါနီၪဆ့ လီၫ.

⁷ မၩအၥၭဘဲၫနီၪတၭ, နၥံၪကဲၪထၪ့ဆၧအဒီၩ့အထ့ၬ လၧၦနဲၩဆၧလၧမၫစဒိနအၫ, ဒဲအခ့ယၫအဖၧၩ့

⁸ ကိၭဂၩဒ့ၭအဂးလီၫ.- အဂဲးဘဲၫယီၩကဆါအလူအ ထၫဂၧၫ့ထၪ့ၥၩလၩ့လၧနၥံၪအအီၪန့ၫလၧမၫစဒိန အၫဒဲလၧအခ့ယၫအဖၧၩ့ လကၭဘၪ, မွဲနၥံၪနဲၩထဲၩ့ ယွၩနီၪဂၧၫ့ထၪ့ၥၩလၩ့ကိၭစီၪ့ဒ့ၭ,ထီးပစံၭဆၧလ

⁹ မံၩ့မံၩ့အလးအီၪအ့ၬ.- အဂဲးဘဲၫယီၩပလ့ၩနုၬလၧန ၥံၪအကျၩဘဲၫၥ့ၪလဲၪဘဲၫၥ့ၪလဲၪနီၪ, အဝ့ၫၥံၪအနၫ့ဆါ ဒၪဝ့ၫလီၩဘၪဝ့ၫ လၧနၥံၪကၠၪဒိၭချိၫ့ခွံၬနၥံၪအၥၭလၧ ဆၧဂၩ့နီၪ, ထီၩ့လၧယွၩအအီၪအဂဲးအကၠီၪ့ဘဲၫၥိၭ နၥံၪမိမၩယွၩလၧအမၧၫ့ ဒဲအမွဲယွၩလၩ့ထံးလၩ့ဆ့ၭ

¹⁰ အဆၧမၩလီၫ.- ဒဲဘဲၫၥိၭနၥံၪမိယိလါအဖိၪခွၫလၧ မူၭခိၪအဖၧၩ့ၥၭ, လၧအဒုၭဂဲထုၪ့ထဲၩ့ဝ့ၫလၧဆၧၥံၫ အဖၧၩ့,ယ့ၫရှူၬလၧအထုၭထၪ့န့ထဲၩ့ပၧၩလၧဆၧၥၭ ထၪ့လၧအမိဂဲၫဝ့ၫအဖၧၩ့နီၪလီၫ.