၁ ပံ 1 - Pwo Kayin Bible1 1 ယ့ၫရှူၬဎရံၬအၡၩအဆၧအၪ့မၧၫ့ဖိၪ,ယၧၩ စပံတၧၫ ယစံၭၦမွံၩလၧအအီၪလၩ့မုလၩ့ဖၭလိၬအၥၭလၧပီၪ့ တၧၭ, ဂလ့ၡၫ, ကၭပဒိၡၫ, အ့ၡၫ,ဒဲလၧဘၥံနအၫအ 2 ဖၧၩ့နီၪ,- ၦလၧအဘၪဆၧရွံန့ဝ့ၫဘဲၫဖါယွၩၥ့ၪယၫ ဝဲၩဝ့ၫအၥိၭလၧၥၭမုအဆၧဆံၫ့ဎံၪအကၠီၩ့, နၥံၪခိၭ နၪဆၧဒဲန့ဘၪဆၧဎွံၪယ့ၫရှူၬဎရံၬအၥွံၪနီၪ, မွဲဆၧ အခိးအတၩ, ဒဲဆၧဘၪလိၬအိၭလိၬအၪထၪ့လၧနၥံၪ အဖၧၩ့ဆံၭ. ဆၧယိလါအမၧၫ့. 3 မွဲဆၧဆိၪဂ့ၩဘၪပကဆါယ့ၫရှူၬဎရံၬအယွၩဒဲအ ဖါဘဲၫအဆၧယၫ့ၥၭအၪအၪလ့ၬအၥိၭနီၪ,ထၪ့ဖိၪဒီၭ ပၧၩလၧဆၧယိလါမၧၫ့အဂးလၧယ့ၫရှူၬဎရံၬအဆၧ 4 ဂဲထုၪ့ထဲၩ့လၧဆၧၥံၫအကၠီၩ့,- လၧဆၧဖ့ၪၥၫအုၪ လၥ့ၪကျၪလၥ့ၪဘၪ,ဒဲလစံၪစၪဘၪၥၭလိၪဘၪ ဒဲလ လၩ့ယံၭလၩ့ဘဲၩဘၪအဂး,လၧဆၧအီၪက့ၪဝဲၩဝ့ၫ 5 လၧမူၭခိၪလၧနၥံၪအဂးလီၫ.- နၥံၪဘၪဆၧခိၭနၥံၪ လၧယွၩအစီၩ့အမၩ့လၧဆၧနဲၩအကၠီၩ့, လၧဆၧ ထိးထဲၩ့တၩ့ထဲၩ့အဂး,လၧအအီၪတဲၩ့ဝဲၩဝ့ၫဘဲၫ ၥိၭအမိဘၪဆၧနဲၪဖျီၪဝ့ၫ လၧအဆၧၫ့အထီ အထုၬ 6 ယီၩလီၫ.- နၥံၪၥုၪ့ဎွံၫၥၭယီၫ လၧအကၠီၩ့လါနၫ့ဘိၩ, ဘိၩ့နဲၪ့ယီၩ အလးအ့ၪအီၪ, နၥံၪအၥုၪ့အုၭၥၭအုၭ 7 နးဆိဖိၪလၧဆၧကျဲၩ့ဖစီၩ့အၪမံၩ့အကၠီၩ့,- ဘဲၫၥိၭ နၥံၪအဆၧနဲၩအဆၧမၩခွါဝ့ၫ, လၧအမွဲဆၧအလူ ဒိၪအဎွ့ၩဒိၪဂ့ၩနဲၪ့ထီၫ့, လၧဆၧမၩခွါဝ့ၫလၧမ့ၪလါ နၫ့ဘိၩလဂၭဂီၩ့ဘၪဝ့ၫနီၪ, မိနဲၪဖျီၪဆၧစံၭထၪ့အၪ့ အူၭ.ဒဲဆၧယူၭဆၧယၪ့, ဒဲဆၧလၩဆၧဖၩ့ထီးယ့ၫ 8 ရှူၬဎရံၬမိအီၪဖျီၪထၪ့နီၪလီၫ.- အဝ့ၫဒၪနၥံၪလဒၪ ဘၪ လါနၫ့နီၪ နၥံၪအဲၪဝ့ၫလီၫ. ဘိၩ့နဲၪ့ယီၩ နၥံၪ လဒၪဘၪလါနၫ့, နၥံၪၥုၪ့ဎွံၫၥၭယီၫ လၧဆၧၥၭထိၬလၧ ၦလီၩလၥ့ၪဘၪတၭ, လၧၫ့ဝ့ၫဎွ့ၩဝ့ၫ လၧဆၧလၩဖၩ့ 9 လၧဆၧနဲၩအကၠီၩ့တၭ,- နၥံၪန့ဘၪနၥံၪအဆၧနဲၩ အထုၬနီၪ, မွဲဆၧထိးထဲၩ့တၩ့ထဲၩ့ နၥံၪအၥၭၡီၩ့လီၫ. 10 လၧဆၧထိးထဲၩ့တၩ့ထဲၩ့ အဂဲးအကၠီၪ့နီၪ,မီၪလဖၪ အၪ့ဎၬယိဝ့ၫထံၫထံၫဆၭဆၭအၪ့စၪ့ဝ့ၫလၩ့ထံးလၩ့ ဆ့ၭတၭ, ချဲၩ့လၧမီၪအချိၬ လၧဆၧအခိးအတၩဘၪ 11 ဆဲၫ့လၧနၥံၪအဂဲးအကၠီၪ့လီၫ.- လၧဎရံၬအၥၭမုအီၪ လၧအဝ့ၫၥံၪအဖၧၩ့, ထိးဝဲၩအၥၭလၧဎရံၬ အဆၧၡၪ့ လဖၪအဂဲးအကၠီၪ့, ဒဲဆၧလၩဆၧဖၩ့လၧဆၧလဖၪနီၪ အလးခဲၫ့အဂဲးအကၠီၪ့နီၪ,မွဲအဆံၭယံၬလဲၪ. မွဲအ နဲၪဖျီၪထၪ့အထီခီၫခီၫလဲၪး မွဲဆၧနီၪလမံၩ့လဲၪနီၪယိ 12 ထံၫယိဆၭဝ့ၫလီၫ.- ဆၧနဲၪဖျီၪဝ့ၫ လၧအမၩဆၧလဖၪ နီၪလၧအဝ့ၫၥံၪအဂးဒၪဝ့ၫလမွဲဘၪ, မွဲလၧနၥံၪအဂး လီၫ. ဆၧနီၪလဖၪ ဘိၩ့နဲၪ့ယီၩ ဘၪဆၧလီၩလၩ့လၬ လၩ့အၥၭလၧနၥံၪလၧၦလၧအလီၩလၩ့လၬလၩ့ဆၧ ၥၭထိၬအပရၧၫ့, ဒဲၥၭမုဆံၫ့ဎံၪအဆၧအၪ့မၧၫ့လၩ့ဝ့ၫ လၧမူၭခိၪတၭး အၥီၫ့လဖၪနီၪဆၧမိယိထံၫယိဆၭ ဘၪအၥၭလၧဆၧလဖၪနီၪအဖၧၩ့လီၫ. ဆၧကိၭန့လၧဆၧအီၪမၧၫ့အဆံၫ့အဎံၪ. 13 မၩအၥၭဘဲၫနီၪတၭ, ခဲးထူၬထၬနၥံၪအၥၭအယး ဒံၩ့နီၪ, ထီးလၩ့နၥံၪအၥၭတၭ,ယိလါတၡါၡါဆၧ အခိးအတၩ လၧဆၧမိဂဲၫဆိၬန့နၥံၪ ထီးယ့ၫရှူၬဎရံၬ 14 အဆၧနဲၪဖျီၪထၪ့နီၪဆံၭ.- ဘဲၫဖိၪၥၪလၧအနါလီၩ့ အၥိၭနီၪမွဲနၥံၪအနၫ့ဆါဒၪနၥံၪဝ့ၫ ထီးမၩဒီၩ့ဆၧဘဲၫ ဆၧၥၭကွံၩအခၪ့ထံၭလၧနၥံၪလၥ့ၪယၫဘၪဆၧအ 15 ဖၧၩ့အၥိၭနီၪလဂ့ၩ.- အ့ၪမွဲဘဲၫၦလၧအကိၭန့နၥံၪမွဲ အဆံၫ့ဎံၪအၥိၭနီၪ, မၩဆံၫ့ဎံၪနၥံၪအၥၭ လၧနၥံၪဖံၭ 16 ဆၧမၩဆၧကိၭမံၩ့ဒ့ၭအဖၧၩ့ ဘဲၫနီၪအၥိၭဆံၭ.- အဂဲး ဘဲၫယီၩဆၧကွ့ၭအၥၭး န ၥံၪ ဘၪ အီၪ ဆံၫ့ ဎံၪ ဝ့ၫ နီၪ, အဂဲးဘဲၫယီၩယဆံၫ့ယဎံၪယဝ့ၫဒၪလီၫ. 17 နၥံၪအ့ၪကိၭထၪ့ဖါ လၧအလယိဒိၪဆံၭအၪၡၩဘၪ ၦမ့ၬတၭ, စ့ၩရၫ့ၦလဂၩဘၪလဂၩ ဘဲၫအမၩဆၧအၥိၭ နီၪတၭ, လၧနၥံၪမွဲၦမွံၩအထီယီၩ, မွဲနၥံၪအီၪလၧဆၧ 18 ၥၭမဲၪၥၭဖျဲၩ့ဆံၭ.- နၥံၪၥ့ၪယၫလၧဆၧလဎွ့ၩန့ထဲၩ့ ဘၪနၥံၪလၧဆၧအုၪၥ့ၪကျၪၥ့ၪ, ထီၫ့ဒဲစ့ၩ, ဘဲၫနၥံၪအ 19 ထူၫအရူၫ လၧမိဆိၩဖါဆိၩ အၥိၭနီၪ,- အ့ၪမွဲဎရံၬ အၥွံၪလၧအလူဒိၪဎွ့ၩဒိၪ ဘဲၫၥိၪဖိၪလၧအၥံၪၥၧၫ့မူၭ ချၬ ဒဲဆၧမဲၪၥၧၫ့မဲၪဝီၩ လအီၪဘၪအၥိၭနီၪလီၫ. 20 လၧဂၪ့ခိၪအခၪ့ထံၭလချႃၭအီၪထၪ့ဒံၭဘၪနီၪ ဆၧၥ့ၪ ယၫဝဲၩဝ့ၫလါနၫ့တၭ,လၧအဆၧၫ့အထီအထုၬယီၩ 21 မွဲအအီၪဖျီၪထၪ့ဝ့ၫလၧနၥံၪအဂးလီၫ.- လၧအဝ့ၫနီၪ အကၠီၩ့, နၥံၪနဲၩထဲၩ့ယွၩလၧအဒုၭဂဲထုၪ့အဝ့ၫဒၪလၧ ဆၧၥံၫအဖၧၩ့တၭ, မၩလၩမၩဖၩ့ဝ့ၫဘဲၫၥိၭနၥံၪအ ဆၧနဲၩဒဲဆၧယိလါနီၪ မိအီၪလၧယွၩအဖၧၩ့လီၫ. 22 မွဲနၥံၪမၩဆံၫ့ဎံၪနၥံၪအၥၭလၧနၥံၪခိၭနၪဆၧမွဲ ဆၧတီၩထီၩ့လၧဆၧအဲၪထၧၫ့ဖုဝဲလၩ့ထံးလၩ့ဆ့ၭ တၭ, မွဲနၥံၪအဲၪလိၬ နၥံၪအၥၭဆုၬဆုၬ လၧၥၭလၧၫ့ 23 လၧၫ့ဎွ့ၩဎွ့ၩဆံၭ.- နၥံၪအီၪဖျဲၪဒီၭလမွဲဘၪ လၧဆၧချံၫ အအုၪၥ့ၪကျၪၥ့ၪနီၪ, အ့ၪမွဲလၧဆၧအုၪလၥ့ၪကျၪ လၥ့ၪဘၪလၧယွၩအလူအထၫလၧအမၧၫ့ဝ့ၫ ဒဲအီၪဂုး 24 ခၧၫ့ဝ့ၫလၩ့ဆိၩလၩ့ကၠၪလီၫ.- အဂဲးဘဲၫယီၩ ကယဲဆၧယၪထီးအလူၬနီၪ မၩအၥၭဘဲၫနၪ့ၥံၪမံၩ့ ၥံၪအၥိၭ, ဒဲအလၩအဖၩ့ထီးအလူၬနီၪဘဲၫနၪ့ၥံၪမံၩ့ၥံၪအဖီၫ အၥိၭလီၫ. နၪ့ၥံၪမံၩ့ၥံၪနီၪလၩ့ယံၭခွံၬဝ့ၫတၭ, အဖီၫနီၪလၩ့ ဎွံၪခွံၬဝ့ၫလီၫ. 25 အ့ၪမွဲယွၩအလူအထၫအီၪဂုးခၧၫ့ဝ့ၫလၩ့ဆိၩလၩ့ ကၠၪလီၫ. ဆၧအလူအထၫနီၪ, မွဲဆၧၥၭထိၬအပရၧၫ့လၧၦလီၩ လၩ့လၬလၩ့နၥံၪလီၫ. |
Pwo Kayin Bible © Bible Society of Myanmar, 1883.
Bible Society of Myanmar