Iburu 1 - GODENA EPE ANGELE - Pena la wi angele

Godeme wenaali para angele doamere nipuna Naki andalo lea

¹ Godeme ambalande naana aya kasuanu repara angele doamere ora rana andapupe loma pange ora one mone pora raayona lisaya. Go angele lea auri poropedi alinu andalo ara lisaya.

² Go peapare ambia go werepe nane epare nipuna Naki andalo la gea. Go Naki nipuna rupara su yaa olemole raayosi wapisaya eiri Godeme go au pinya lisaya. Go Nakimiri su yaa peredea dinare olemole raayosi nipuna surumbelea.

³ Godena rupara ora epe paa pi puri wia. Yesumiri Godena rupara pea einu walea. Godena aunu raayo nipuna rupara pia. Gupuma go su yaa raayo nipuna paisana ria aya. Nipumi wenaalina koae einu meape pora pi siaomare Gode ande puri waru pale Alina popeke ki nane pida paisaya.

Godena Si nipuna kunuma one mone aunu pa pilia

⁴ Gode nipuna Nakina biri mo eindiolo alinu pange lombai pae bi mea. Gurupa nipumi pange mo eindiolo alinu lombai paya.

⁵ Ambala Godeme gupi lisaya. Ambiare neere nina Naki ae lisaya. Gupuma niri nena Apa ayo lisaya. Mendaa rupa Godeme Yesu para gupi angele lisaya. Niri nipuna Apa ayo lisaya. Gupuma nipuri nina Naki lisaya. Gurupa angelenuri eindiolo menda para na-lisaya.

⁶ Go peapare Gode nipuna ririna Naki go suna repara rapaluame arare gupi lisaya. Godena eindiolonu raayomere nipu repara panda punyaoma yainya pala pinya lisaya.

⁷ Go peapare Godeme nipuna eindiolonuna angele lado arare gupi lisaya. Godeme nipuna eindiolonuri pokiki leale ma-alua lea. Gupuma nipuna pupudengi nao-ae repaare repana lenga leale ma-aulalua lea.

⁸ Gode nipuna Nakina angele ladore gupi lea. Neere Gode. Nena ki rambuao-alea eiri na-perele pa suari pelea. Neeme nena wenaaliri ora rendepona andere-ao-ali.

⁹ Neemere ora epe aunu pape eina raname komoalepare koae aunu pape einare raname na-komele. Gode nena Godemere nee mea ae. Gupuma neere waru andasiaoma waru andeleme. Go peapare nena menda pamepe yangonu reparare Godeme go au na-pilia.

¹⁰ Godeme gupi ora lopaya. Reali ambala ririna neemere go su warisiya. Gupuma nena kimiri so epeni anda warisiya.

¹¹ Go andasuri aka leale kurupilia. Gupuma peredea. Go aunu pulu peapare nee komea ora pa ao-ali.

¹² Neemere go anda suri akanu ma-liripi minyale rupa manda go au pili. Gupuma akanu ropo pimi rupa ropo pili. Go peapare neere pa gupa ao-ali. Neere ora pa endoma ao-ali.

¹³ Godeme Yesu para gupi angele ora lopaya. Neere nina popeke ki nane piralea. Go au pumare werepenare nena yanda runguli alinuri nena rolo para ma-piralua lea. Gurupa angelenuri nipuna eindiolonu para na-lisaya.

¹⁴ Go einare mo eindiolonuri alenuyapae. Nimuri Godena pupudengi nao-aeme remonu ae. Godeme go eindiolonu monde endoaya ei mula peme repaa rambaminyaya rapao-aeya.