COLOSSIANUN 1 - Ottawa New Testament Penteteuch and Psalms 1874

¹ Paul, oodahpostleëmun owh Jesus Christ oonje ewh oodenanduhmoowin owh Kesha‐Muhnedoo, kuhya Timotheus kejekewaënaun.

² Oomahjebeähmahwahwaun enewh anuhmeähnejin kuhya ahyaungwahmezenejin wejekewaëmaun emuh Christing ayahnejin emuh Colosseïng: Mahnoo kegahahyahnahwah shahwandahgoozewin, kuhya pezaunewawin oonje owh Kesha‐Muhnedoo Koosenaun kuhya Tabanemenung Jesus Christ.

³ Nemahmooyahwahmahnaun Kesha‐Muhnedoo kuhya enewh oosun Tabanemenung Jesus Christ, moonzhug ahnuhmeätuhmahgooyag.

⁴ Akoo‐noonduhmaung anandahgwuk kedabwayanduhmoowinewah azhedabwayanemag Christ Jesus, kuhya kesahgeëwawinewah azhesahgeägwah kuhkenuh egewh anuhmeähjig.

⁵ Oonje ewh ahpanemoowin kahahtuhmahgooyag ewede keche‐kezhegoong, kuhyet kahezhenoonduhmag ewh tuhyabwamahguk ekedoowin emuh minwahjemoowining;

⁶ Ewh kahoodissegooyag debishkoo azheähyahmahguk mezewa oomah uhkeeng; kuhya netuhwuggetoomahguk ewh meenewinun, debishkoo azhenetuhwuggetoomahguk emuh keyowewaung, uhpe ewh kezheguk mahyahje-noonduhmag, kuhya mahyahje‐kekanduhmag ewh ooshahwanjegagawin owh Kesha‐Muhnedoo emuh dabwawining:

⁷ Kahezhekekenooähmoonag owh Epaphras suhyahge-ungid neeje‐buhmeetahgunenaun, owh ahyahwid kedaungwahmeze‐kuhgequa‐wenenemewah oonje owh Christ;

⁸ Me suh owh kahwahweenduhmahweyungid ewh kesahgeëdewinewah emuh Keche‐Oojechaugoong.

⁹ Me suh oo‐oo oonje kuhya nenuhwind, uhpe ewh kezheguk kahnoonduhmaung nahnauzh egoo noongoom, kahween nepoonetahsemin ahnuhmeätuhmahgooyag kuhya nuhduhwanduhmaung chemooshkenashkahgooyag ewh kekandahsoowin azhekekanjegahdag oodenanduhmoowin emuh kuhkenuh nebwahkahwining kuhya oojechaugoowine nesittootuhmoowining;

¹⁰ Quuhyuk cheëzhebemoosayag emuh kuhkenuh minwanduhmoowining kaëzhebemoosawahpun egewh bameetahwahjig enewh Tabaninganejin, meekoogetooyag kuhkenuh menoo‐ahnookeewinun, ashkum dush kekanemag owh Kesha‐Muhnedoo;

¹¹ Chemushkahwezeëgooyag kuhkenuh mushkahwezewin, debishkoo azhepeshigandahgwudenig oomushkahwezewin, cheöonje‐keche‐shuhshebanduhmooyag kuhya chesoongummunduhmooyag chemoojegezeyag;

¹² Chemahmooyahwahmag Wayoosemind owh kahezheënung chetaähpeetandahgoozeyung chemahdahoonegooyung ewh ootebenuhwawezewinewah egewh quuhyuk‐anuhmeähjig emuh wahsayahzewining;

¹³ Owh kahpuggedenenung kedebandahgoozeyungoobun emuh azhemushkahwezemahguk ewh puhsuhgish‐tebekud, kuhya kahezheäunjeënung emuh oodoogemahwewinening enewh suhyahgeähjin Oogwissun:

¹⁴ Me suh wah‐owh kahkishpinenung oonje oomisqueeming, chewabenuhmahgooyung kemuije‐ezhewabezewinenahnin:

¹⁵ Me suh owh ahyahwid oodezhenahgoozewin owh wuhyahbuhmenahgoozesig Kesha‐Muhnedoo, owh netum kahahyaud chepwah ahyahwaud kuhkenuh menik kahoozheïndjig:

¹⁶ Me mah owh kahoozhetood ahnooj gagoo ewede keche‐kezhegoong ayaugin kuhya oomah uhkeeng ayaugin, wahyahbuhmenahgwukkin kuhya enewh wuhyahbuhmenahgwussenoogin, enewh oogemah‐wuhbewinun, gamuh oogemahwinun, gamuh oogemaunsewewinun, gamuh mushkahwezewinun, oogeöozhetoonun ahnooj gagoo uhyeëen, kuhya ween keöonje‐oozhechegahdanoon:

¹⁷ Ween suh negahneze dush ween kuhkenuh enewh uhyeëen, kuhya ween oonje‐duhgoomahgudoon kuhkenuh uhyeëen.

¹⁸ Kuhya ween ahwe ewh ooshtequaunemah emuh weyowemaung, me suh ewh ahnuhmeähwin: me suh owh wanjesing ahnooj gagoo, mesuh kuhya owh kahnetum‐neegid menik anduhshewaud egewh kahneboojig, emuh kuhkenuh uhyeëeng cheneegaun‐andahgoozid.

¹⁹ Keminwandum suh owh Wayoosemind, kuhkenuh ewh mooshkenawin cheduhgoomahguddenig emuh ooweyowening enewh;

²⁰ Kuhya ween cheöonje‐poonanemaud kuhkenuh bamahdezenejin kahoozhetood ewh pezaunanindewin oonje ahzhedayahtikoo oomisqueemening; ween oonje, nindekid, kishpin uhkeeng duhzhe bemahdezewahgwan gamuh keche‐kezhegoong.

²¹ Kenuhwah dush kuhyet kahmahyuggezeyagoobun kuhya kahsheenganjegayagoobun oonje mujje‐ahnookeewinun, noongoom kegeminwandahgoozeëgoowah.

²² Oonje weyausemahwine weyowing emuh ooneboowining, cheähsigooyag peenezeyag kuhya kuhnuhga mujje‐enanemegoosewag kuhya kuhnuhga cheäunwanemegoosewag emuh anahsuhmuhbid owh:

²³ Kishpin minjemanduhmag ewh dabwayanduhmoowin soongekahbahweyag, kuhya mushkahwegeyag kuhya quakeëgoosewag ewh oonje ahpanemooyag minwahjemoowin kahnoonduhmag, kuhya kahdebahjemootuhwindwah kuhkenuh kahoozheïndjig oomah uhkeeng ayahjig; me suh ewh bameetuhmaun neen Paul;

²⁴ Neen noongoom mwahjegezeyaun oonje kooduggetooyaun kenuhwah oonje, nemooshkenuhtoonun dush menik kahnoondasanig ookooduggetoowinun owh Christ emuh neweyausing oonje ween ooweyow, me suh ewh ahnuhmeähwin:

²⁵ Mesuh ewh kahoonje‐ahnoonegooyaun chebuhmeetuhmaun, debishkoo anahkoonegamahgudenig oodenahkoonegawin Kesha‐Muhnedoo kahmeenegooyaun kenuhwah oonje, chedebishkoosetooyaun oodekedoowin Kesha‐Muhnedoo;

²⁶ Ewh mamuhkauj‐kekanjegawin kahkahduhmoowindwah egewh kuhyet kahahneka‐bemahdezejig, zhuhyegwah dush wahbundahahwun enewh anuhmeätuhgoojin:

²⁷ Me suh enewh wahwahbundahahjin Kesha‐Muhnedoo azhekeche‐peshegandahgwuk maunduh mamuhkauj kekanjegawin emuh anduhzhe ahyahyaud egewh mayuggezejig, ewh kekishkahwag Christ wanje‐ahpanemooyag ewh peshegandahgoozewin:

²⁸ Me suh owh pabahdebahjemungid, kezhah guhnoonungidwah kuhya kekenooähmahwungidwah kuhkenuh enenewug ahnooj gagoo nebwahkahwin; cheöonje‐ezheüngidwah kuhkenuh egewh enenewug ahpeche‐quuhyuk‐azhewabezewaud emuh Christ Jesusing:

²⁹ Me suh kuhya neen wanje‐ahnookeeyaun, weekoojetooyaun apeecheewemahgudenig oodahnookeewin, anuhnookeed peenjenuh neyowing emuh mushkahwezewining.