Matai 1 - Nyakyusa Ngonde New Testament (Ulwitikano Ulupya)

Abanyenya ba Yesu

¹ Kalata gwa kikolo kya Yesu Kristi, unnya Davidi, unnya

² Abrahamu. Abrahamu alinkumpapa Isaka; Isaka alinkumpapa Yakobu; Yakobu alinkumpapa Yuda nabamyabo;

³ Yuda alinkumpapa Peresi na Sera mwa Tamari; Peresi

⁴ alinkumpapa Hesroni; Hesroni alinkumpapa Aramu; Aramu alinkumpapa Aminadabu; Aminadabu alinkumpapa Naasoni;

⁵ Naasoni alinkumpapa Salimoni; Salimoni alinkumpapa Boasi mwa Rahabu; Boasi alinkumpapa Obedi mwa Ruti; Obedi

⁶ alinkumpapa Yese; Yese alinkumpapa untwa Davidi.

⁷ Davidi alinkumpapa Solomoni munka-Uria; Solomoni alinkumpapa Rehoboamu; Rehoboamu alinkumpapa Abia;

⁸ Abia alinkumpapa Asa; Asa alinkumpapa Yosafati; Yosafati

⁹ alinkumpapa Yoramu; Yoramu alinkumpapa Usia; Usia alinkumpapa Yotamu; Yotamu alinkumpapa Ahasi; Ahasi

¹⁰ alinkumpapa Hezekia; Hezekia alinkumpapa Manase; Manase

¹¹ alinkumpapa Amosi; Amosi alinkumpapa Yosia; Yosia alinkumpapa Yekonia nabamyabo, pakabalilo ka kusamikisigwa ukubuka mu-Babiloni.

¹² Panyuma bo basamikisigwe mu-Babiloni, Yekonia alinku-

¹³ mpapa Salatieli; Salatieli alinkumpapa Zerubabeli; Zerubabeli alinkumpapa Abihudi; Abihudi alinkumpapa Eliakimu;

¹⁴ Eliakimu alinkumpapa Azori; Azori alinkumpapa Sadoki; Sadoki alinkumpapa Akimu; Akimu alinkumpapa Eliudi;

¹⁵ Eliudi alinkumpapa Eliezari; Eliezari alinkumpapa Matani;

¹⁶ Matani alinkumpapa Yakobu; Yakobu alinkumpapa Yosefu undume gwa Maria, muli uyu apapigwemo Yesu uyu ikuyo-

¹⁷ bigwa iya Kristi. Popapo lelo ingulilo syosa ukufuma pa Abrahamu ukufika pa Davidi sili kalongo na ina, ukufuma pa Davidi ukufika apa basamikisigwege mu-Babiloni sili kalongo na ina; kangi ukufuma apa basamikisigwege mu-Babiloni ukufika pa Kristi sili kalongo na ina.

Ukupapigwa kwa Yesu

¹⁸ Ukupapigwa kwa Yesu Kristi kwali bo uku: Bo unna Maria asingiligwe na Yosefu, bo bakali nukwegana, alinku-

¹⁹ boneka ukuya nikifuba mmaka ga Mbepo Mwikemo. Loli Yosefu undume, papo ali mundu ungolofu, kangi papo akaliganile ukunjwelula, alinkulonda ukundekela mbutitu.

²⁰ Umwene bo ikwinogona sisisi, alinkwaga ugwandumi gwa Ntwa ikunsetukila munjosi ikumbula ikuti: Yosefu gwe nnya Davidi, ungatilaga ukumwega Maria unkasigo; namanga

²¹ ikifuba kyake kya mmaka ga Mbepo Mwikemo. Umwene isakumpapaga umwana undumyana, yo gwisʼumpege ingamu ya Yesu, buno yo isakubapokaga abandu bake kumbibi syabo.

²² Syosa sisisi sisaga ukuti mo simalikilege sisyo uNtwa asiyobelege munkunguluka ukuti:

²³ Keta undindwana isakwinogaga, Isakumpapaga umwana undumyana, Yo bisakumpaga ingamu ya Imanueli;

²⁴ ko kuti Kyala ali nanuswe. Umwene Yosefu bo alembwike ntulo, alinkukonga bo mumo andagilaga ugwandumi gwa

²⁵ Ntwa, alinkumwega unkasi; alinkusita nukummanya tasi, ukwisakufika papo ampapege umwana; yo alinkumpa ingamu ya Yesu.