Malika 1 - Nyakyusa Ngonde New Testament (Ulwitikano Ulupya)

Yohani Umosi nindumi yake

¹ Ubwandilo bwa Ibangeli ili likunjoba Yesu Kristi,

² uMwana gwa Kyala. Lili bo apa lisimbigwe mwa Yesaya unkunguluka, ukuti: Keta nikuntuma ugwandumi gwangu nkyeni mmyako, Uyu isakutendekesya injila yako;

³ Ilisyu lya nkoleli likukolela ndukubo: Amutendekesyege injila ya Ntwa, Mugolosyege imisebo gyake.

⁴ Mo mumo abonekile Yohani ukosya ndukubo nukulumbilila ulosyo lwa lupinduko, ulu lukutwala ubuswe bwa nongwa.

⁵ Popapo balinkunkulukila abandu ikisu kyosa kya mu-Yudai naba mu-Yerusalemu bosa, balinkosigwa ndwisi Yordani, bo

⁶ bikwilata inongwa syabo. Umwene Yohani afwalaga unselekesye gwa lusyoya lwa ngamila, numpango gwa lukoba munsana; kangi alyaga amapalalila nuluki lwa mmatengele.

⁷ Alinkulumbilila alinkuti: Panyuma pamyangu ikwisa uyu angindile amaka une, uyu ngabagila nukwinama pakwabula

⁸ utukoba twa nifilato fyake. Une ne mbosisye namisi, umwene isakubokesyaga na Mbepo Mwikemo.

Ukosigwa kwa Yesu

⁹ Lelo popapo mmasiku gala, Yesu alinkwisa ukufuma mu-Nazareti nkisu kya mu-Galilai, alinkosigwa kwa Yohani mwa

¹⁰ Yordani. Nakalinga itolo bo ikufyuka mmisi, alinkwaga kumwanya kukwiguka, Mbepo ikunsololokela ukuti ngunde;

¹¹ ilisyu lilinkufuma kumwanya lilinkuti: Ugwe gwe Mwanangu unkundwe, mmyako mo nikyelile.

¹² Nakalinga itolo Mbepo alinkwakumbika ndungalangala;

¹³ mo alinkuya ndungalangala amasiku amalongo mana (40), alinkugeligwa na Setano. Alinkuya pamopene nifinyamana, abandumi ba Kyala balinkumbombela.

Yesu ikwanda ukulumbilila

¹⁴ Panyuma bo akoligwe Yohani, Yesu alinkwisa mu-Galilai,

¹⁵ alinkulumbilila inongwa inunu sya Kyala, alinkuti: Akabalilo kafikile, ubutwa bwa Kyala busegelile; amupindukege nukusitika inongwa inunu.

Yesu ikubabilikila abafundigwa bake abatasi

¹⁶ Lelo bo ikwenda pambali panyanja ya Galilai, alinkubabona ba-Simoni na Andrea ugwamyabo gwa Simoni, bo bikusopa

¹⁷ ulwelo munyanja; namanga bali balobi. Yesu alinkuyoba nabo alinkuti: Isaga mungongege, nikubapelaga ukuya balobi

¹⁸ ba bandu. Nakalinga itolo balinkusileka inyelo syabo,

¹⁹ balinkunkonga. Lelo bo akindilepo panandi, alinkubabona ba-Yakobu unnya Zebedai na Yohani ugwamyabo bali mwi-

²⁰ boti, bikutendekesya inyelo syabo. Nakalinga itolo alinkubabilikila; balinkundeka ugwisabo Zebedai mwiboti pamopene nababombi, balinkunkonga.

Yesu ikumbumbulusya ugwa mbepo inyali mu-Kapernaumu

²¹ Balinkwenda balinkwakufika mu-Kapernaumu. Lelo pisiku lya Sabati alinkwingila mu-Sinagogi alinkumanyisya.

²² Balinkuswiga fiyo ukumanyisya kwake, namanga bo ikubamanyisya abonekaga ukuya yo mwenenasyo yuyo, akali bo

²³ abamanyakalata. Lelo mu-Sinagogi yabo alimo umundu

²⁴ ugwa mbepo inyali, yo alinkukolela alinkuti: Tuli buki nanuswe nanungwe, gwe Yesu gwa mu-Nazareti? Gwisile nkutupyuta itolo? Ngumenye ugwe, uli Mwikemo gwa

²⁵ Kyala. Umwene Yesu alinkuyikemela, alinkuti: Batama!

²⁶ usokemo mmundu uyu. Popapo imbepo inyali yilinkundusanikisya kosakosa, yilinkusoka bo yikukuta inguto ingulumba.

²⁷ Balinkuswiga itolo bosa, balinkulalusania balinkuti: Fyo fiki fififi? Lumanyisyo lupya! buno na si mbepo inyali ikusilagila

²⁸ namaka, isyene sikwenda nukumwitika. Nakalinga ukufumuka kwake kulinkufika kosakosa, mfisu ifi fipalamene na Galilai.

Yesu ikumbumbulusya unko gwa Peteri unkikulu, nabangi

²⁹ Lelo bo basokile mu-Sinagogi, balinkwingila nnyumba ya ba-Simoni na Andrea. Bali pamopene na ba-Yakobu na

³⁰ Yohani. Loli unko gwa Simoni unkikulu alambalele, ali

³¹ nisekema. Balinkusita nukuhaba ukumbula. Bo asegelile kumyake, alinkunkola ikiboko alinkunsumusya. Popapo isekema yilinkundeka, alinkubabombela.

³² Namayolo lelo bo liyongile ilisuba, balinkuntwalila bosa

³³ ababine, naba mbepo inyali; bope naba nkaya mumo bosa

³⁴ balinkubungana pakifigo. Umwene alinkubabumbulusya ababine ba bingi indamwa syosa, nukusisosya imbepo inyali si nyingi itolo. Alinkusikanisya imbepo inyali bo sikuti tuyobe, namanga syalimmenye.

³⁵ Nulubunju bo kukali ukukya alinkulembuka, alinkusoka

³⁶ alinkubuka ndukubo, mo alinkwakwiputa. Umwene lelo

³⁷ Simoni nabanine balinkundonda. Lelo bo bamwagile, bali-

³⁸ nkumbula balinkuti: Abandu bosa bakubingilile. Umwene alinkubabula alinkuti: Tubuke kubungi ntwaya utungi utwa mbupipi muno, ukuti mope ngalumbililege; buno syo isi nisile.

³⁹ Popapo alinkulumbilila mmaSinagogi gabo nkisu kyosa ikya mu-Galilai, nukusisosya imbepo inyali.

Ukubumbulusigwa ugwa bukoma

⁴⁰ Lumo alinkwisa kumyake ugwa bukoma, alinkufugama nukupyelesya alinkuti: Linga gwiganile, ubagile ukunyelusya.

⁴¹ Umwene bo ikisa kimwagile, alinkugolosya ikiboko kyake,

⁴² alinkumpalamasya alinkuti: Niganile, elukaga. Nakalinga

⁴³ ubukoma bulinkundeka, alinkweluka. Popapo bo ammuma-

⁴⁴ nile fiyo, alinkumosya mbibimbibi, alinkuti: Keta, ungayakumbulaga nayumo umundu, loli buka ukibonesye kumputi; kangi ukasosyege ifya kwiyelukisya fifyo alagile Mose, fyo

⁴⁵ fiyege fya kumanyilamo abene. Umwene loli bo asokile alinkwanda ukulumbilila nukusifumusya inongwa sisisi; fyobene Yesu alinkusita nukwingila nkaya pabwelu, alinkuya pabusitabandu. Popapo balinkufuma mosamosa ukubuka apa alipo.