Lʉʉka 1 - Nyakyusa Ngonde New Testament (Ulwitikano Ulupya)

Amasyu ga bwandilo

¹ Bo papo ba bingi bagelile ukubatika mwa bakalata

² amasyu ga nongwa isi sibonike mmyitu muno, ukufwana na isi hatulekile aba bali baketi, kangi babombi ba isyu

³ ukufuma pabwandilo, nanine nagile nimu, bo nsyanisye fiyo syosa ukufuma kubwandilo, ukukusimbila muno sikonganile,

⁴ gwe mwimikigwa Teofili; ukuti ubumanye ubwanaloli bwa nongwa sila gwamanyisigwe.

Ukuyobela ngani isya kupapigwa Yohani Umosi

⁵ Pakabalilo aka Herodi ali ntwa gwa kisu kya Yuda, aliko umputi yumo uyu ali yo Zakaria ingamu, ugwa nkiyabo kya Abia; unkasi gwake ali yo Elisabeti ingamu, ugwa nkikolo

⁶ kya Aroni. Loli bosa bo babili bali bagolofu nkyeni mwa Kyala, balinkukonga mungomelesyo na mundagilo syosa isya

⁷ Ntwa, abasitakuyobigwamo nalimo ilibibi. Loli bakali numwana, namanga Elisabeti ali ngumba; kangi bosa bo

⁸ babili bafikilepo pabukangale. Lumo lelo bo ali pakubomba imbombo ya buputi, ndubatiko lwa kiyabo kyake nkyeni mwa

⁹ Kyala, bo mumo lwayilile ulwiho lwa buputi, ubulagusi bulinkunkola ukwingila mwa Tempeli gwa Ntwa nkufukisya;

¹⁰ ikilundilo kyosa kya bandu biputaga panja pakabalilo ka

¹¹ kufukisya. Popapo alinkunsetukila ugwandumi gwa Ntwa,

¹² uyu alyimile kukililo kya kigemo kya kufukisya. Umwene Zakaria bo ambwene alinkunyomoka, ulutende lulinkumwaga.

¹³ Loli ugwandumi alinkumbula alinkuti: Ungatetemaga Zakaria, buno ukusuma kwako kupilikigwe, unkasigo Elisabeti isakukupapilaga umwana undumyana, yo gwisʼumpege ingamu

¹⁴ ya Yohani; nanungwe kwisakuyaga nulusekelo nubwikyele, nabandu ba bingi bisakukusekelelaga ukupapigwa kwake.

¹⁵ Namanga isakuyaga nkulumba nkyeni muNtwa, atisakunwaga ubwalwa bwa mafilu, nifingi fyosa ifi fikungasya umundu; umwene isakwisulaga Mbepo Mwikemo ukufuma mu munda

¹⁶ munna. Ba bingi nabanya Israeli isakubagomolelega kuNtwa

¹⁷ Kyala gwabo. Yo isakwendaga nkyeni mmyake, mumbepo na mmaka ga Elia; indumbula sya bisabo isakusisyutulilaga kubanabo, aba bikwila isakubasyutulilaga kumahala ga bugolofu, nukumbikila ngani uNtwa abandu aba batendekesigwe.

¹⁸ Popapo Zakaria alinkundalusya ugwandumi alinkuti: Syo nikusimanyaga bulebule sisisi? Buno une ndi nkangale, yope

¹⁹ unkasi gwangu afikilepo pabukangale. Umwene ugwandumi alinkumwamula alinkuti: Une ne Gabrieli ne nikwima nkyeni mwa Kyala, ndumigwe kukuyoba nanungwe, nukukutwalila

²⁰ inongwa inunu isi. Keta, kuyaga kinunu itolo kisitakuyoba, ukufika pisiku lilyo sisakubonekelaga sisisi, papo ukagitika

²¹ amasyu gangu, aga gisakwisaga pakabalilo kake. Abene abandu bangulilaga Zakaria, balinkukuswiga ukukabila kwake

²² mwa Tempeli. Umwene bo asokile, alinkutoligwa ukuyoba nabo, balinkusyagania ukuti akibwene ikisetuka mwa Tempeli;

²³ alinkubanangikisya ki kiboko, alinkuya kinunu itolo. Bo gamalike amasiku ga bubombeli bwake, popapo alinkubuka kumyake.

²⁴ Lelo bo pagonilepo, popapo Elisabeti unkasi alinkwinoga;

²⁵ popapo alinkwibilila imyesi mihano alinkuti: Buno syo isi ambombile uNtwa, mmasiku gala angetelengemo, apa akusosyaga ukobeligwa kwangu nkyeni mbandu.

Ukuyobela ngani isya kupapigwa Yesu

²⁶ Popapo lelo mmwesi gwa ntandatu, ugwandumi Gabrieli alinkutumigwa na Kyala ukubuka nkaya kamo aka mu-Galilai,

²⁷ aka batigi Nazareti ingamu, kundindwana uyu asingiligwe numundu yumo uyu ali yo Yosefu ingamu, uyu ali nnya Davidi pakikota; undindwana ingamu yake ali yo Maria.

²⁸ Umwene ugwandumi alinkwingila nnyumba, alinkuyoba alinkuti: Nikukuponia gwe upegigwe ilipyana, uNtwa ali

²⁹ nanungwe. Umwene tali alinkunyomoka fiyo kumasyu aga,

³⁰ alinkwilusania alinkuti: Lo luponio luki lululu? Umwene ugwandumi alinkumbula alinkuti: Ungatetemaga Maria,

³¹ buno ulyagile ilipyana kwa Kyala. Keta, kwisakwinogaga umwana munda mmyako, kwisakumpapaga umwana undu-

³² myana, yo gwisʼumpege ingamu ya Yesu. Yo isakuyaga nkulumba, kangi isakuyobigwaga ukuya yo Mwana gwa yu Nkinde, uNtwa Kyala isakumpaga ikikota kya butwa bwa

³³ gwise Davidi; yo isakuyaga ndagili panyumba ya Yakobu bwila bwila, bope nubutwa bwake butisakuyaga na pabuma-

³⁴ likilo napamo. Loli Maria alinkundalusya ugwandumi alinkuti: Syo sikuyaga bulebule sisisi, bo ngaya nunnyambala

³⁵ nayumo? Umwene ugwandumi alinkuti: Mbepo Mwikemo isakukwisilaga, namaka ga yu Nkinde gisakukukupikilaga; ko kuno uyu isakupapigwaga, isakuyobigwaga ukuya Mwikemo —

³⁶ Mwana gwa Kyala. Keta, yope nunkamugo Elisabeti inogile umwana undumyana mbukangale bwake, ugu go mwesi gwake

³⁷ gwa ntandatu uyu batigi ngumba. Namanga likayako nalimo

³⁸ ilisyu lya Kyala ilisitamaka. Popapo Maria alinkuyoba alinkuti: Keta une ndi ntumwa gwa Ntwa, asinyisilege bo sisyo usiyobile. Popapo ugwandumi alinkundeka, alinkubuka. Maria ikubuka kwa Elisabeti. Amasyu ga Lutufyo

³⁹ Popapo mmasiku gago Maria alinkusumuka, alinkubuka mbibimbibi nkisu kya mfyamba, alinkwakufika nkaya kamo

⁴⁰ aka mwa Yuda; alinkwakwingila nnyumba ya Zakaria, alinku-

⁴¹ mponia Elisabeti. Lelo bo Elisabeti apilike uluponio lwa Maria, popapo akana kalinkukina munda mmyake; umwene

⁴² Elisabeti alinkwisula Mbepo Mwikemo, alinkukolela ilisyu ilikulumba alinkuti: Uli nsayigwa ugwe mbakikulu bosa,

⁴³ sayigwa yope nimbeyu iyi yili munda mmyako. Syo sinyagile bulebule sisisi, ukuti unna gwa Ntwa gwangu anyisilege

⁴⁴ une? Keta, bo uluponio lwako lufikile mumbulukutu syangu,

⁴⁵ akana kalinkukina nulusekelo munda mmyangu. Nsangalufu uyu itike, namanga sikumwisilaga sisyo abuligwe nuNtwa.

⁴⁶ Popapo Maria alinkuyoba alinkuti: Umoyo gwangu gukunjumbika uNtwa,

⁴⁷ Imbepo syangu sikwikyela kwa Kyala uMpoki gwangu,

⁴⁸ Papo abuketile ubupimba bwa ntumwa gwake; Buno ukwanda lilino, ingulilo syosa sikunjobaga ubusangalufu;

⁴⁹ Papo ugwa maka ambombile ingulumba, Yope ningamu yake nyikemo;

⁵⁰ Kyope nikisa kyake kikuyako kungulilo ningulilo, Muli aba bikuntila.

⁵¹ Abombile isya maka nikiboko kyake, Abanyambenie aba matingo munyinogono sya mundumbula syabo;

⁵² Aba maka abisisye pafikota fya butwa; Abakwesisye ba bapimba,

⁵³ Aba njala abaswilile ifinunu, Abakabi abakagile kisitakubapa nafimo.

⁵⁴ Antulile Israeli umbombi gwake, Bo ikukikumbuka ikisa kyake;

⁵⁵ Bo lilyo ayobile kwa batata, Kwa Abrahamu na kuluyungu lwake bwilabwila.

⁵⁶ Umwene Maria alinkutugala nagwe imyesi mitatu, popapo alinkugomoka ukubuka kumyake.

Ukupapigwa kwa Yohani Umosi. Amasyu ga Lusayo

⁵⁷ Popapo Elisabeti akabalilo kake ka kupapila kalinkwisa,

⁵⁸ alinkumpapa umwana undumyana. Abene abapalamani nabakamu bake balinkupilika ukuti uNtwa ambakisye ikisa, popapo

⁵⁹ balinkusekela nagwe. Lelo pisiku lya lwele, balinkwakumbutako umwanike; balinkuti tumpege ingamu iya gwise

⁶⁰ Zakaria. Umwene unna alinkwamula alinkuti: Himma, loli

⁶¹ ayege yo Yohani. Abene balinkumbula balinkuti: Akayamo

⁶² nayumo nkikolo kyako ugwa ngamu yiyiyi. Balinkundalukisya ugwise nkimanyilo, ukuti bamanye muno iganile ukumbi-

⁶³ likilila. Umwene alinkusuma aka kusimbilapo, alinkusimba alinkuti: Ingamu yake yo Yohani. Bosa balinkuswiganika.

⁶⁴ Nakalinga imilomo gyake gilinkwiguka, nululimi lwake

⁶⁵ lulinkwabuka, alinkuyoba alinkuntufya Kyala. Popapo ulutende lulinkubaga bosa abapalamani babo; inongwa isi silinkufumuka mosa nkisu kya mfyamba fya muYudai.

⁶⁶ Bosa aba basipilikaga sisisi, balinkusibika mundumbula syabo balinkuti: Umwanike uyu kali ikuyaga mfiki? Namanga ikiboko kya Ntwa kyali pamyake.

⁶⁷ Popapo Zakaria ugwise alinkwisula Mbepo Mwikemo, alinkukunguluka alinkuti:

⁶⁸ Atufigwege uNtwa, Kyala gwa Israeli; Papo abaketile abandu bake, nukubapelela ububangi,

⁶⁹ Atwimikile ulupembe lwa bupoki nnyumba ya Davidi umbombi gwake;

⁷⁰ Bo mumo ayobelege nkanwa mbakunguluka bake abikemo aba mbukulu,

⁷¹ Ukuti tupokigwege kubalugu bitu, Na kukiboko kya bosa aba batubengile;

⁷² Ukunangisya ikisa kwa batata, Kangi ukukumbuka ulwitikano lwake ulwikemo;

⁷³ Uluyigo ulu alinjigile tata Abrahamu,

⁷⁴ Ukutupa uswe ukuti, bo tupokigwe kukiboko kya balugu, Tumbombelege yuyo kisita lutende,

⁷⁵ Mbwikemo na mbugolofu nkyeni mmyake, mmasiku gitu gosa.

⁷⁶ Loli nanungwe gwe mwanike, kwisakuyobigwaga ukuya nkunguluka gwa yu Nkinde; Namanga kwisakulongolaga nkyeni muNtwa gwako ukptendekesya injila syake;

⁷⁷ Ukubapelela ukubumanya ubupoki abandu bake, Mbuswe bwa nongwa syabo;

⁷⁸ Panongwa ya kibabilisi kya ipyana lya Kyala gwitu, Mo mumo undangalila gwa kumwanya gutwisile,

⁷⁹ Ukubamulika aba batugele mungisi na munsyungulu gwa bufwe, Ukugalongosya amalundi gitu munjila iya lutengano.

⁸⁰ Umwene umwanike alinkukuta alinkukaka mumbepo, alinkuya mundukubo ukwisakufika pisiku ili inangisyaga kwa Israeli.