BaEfesi 1 - Nyakyusa Ngonde New Testament (Ulwitikano Ulupya)

Uluponio

¹ Pauli untumigwa gwa Kristi Yesu, mbwigane bwa Kyala, kubikemo [aba bali mwʼEfesi] aba bikumwitika Kristi

² Yesu; ilipyana liyege nanumwe, nulutengano ulufuma kwa Kyala Tata na kuNtwa Yesu Kristi. Ulutufyo

³ Atufigwege Kyala uGwise gwa Ntwa gwitu Yesu Kristi, uyu mwa Kristi atusayile nulusayo losa lwa Mbepo ulwa

⁴ kumwanya; buno umwene atusungulile mmyake bo kikali nukwalisigwa ikisu, ukuti tuyege bikemo, kangi basitakilema

⁵ nakimo nkyeni mmyake, ndugano atusungulile ngani ukuti twipelege banake mwa Yesu Kristi, bo sisyo syalinkyelile

⁶ umwene pabwigane bwake; ko kuti bwimikigwege ubukulumba bwa ipyana lyake, ili atonelile Munkundwe gwake yula.

⁷ Mu mmyake mo tuli nububangi mwilopa lyake, nubuswe bwa

⁸ ngilanio syitu; ukufwana nubwingi bwa ipyana lyake, ili likindilile ukutulefukila, mmahala gosa na ukusyagania syosa;

⁹ bo atubulile isya mbutitu isya bwigane bwake, ukufwana

¹⁰ nubwikyele bwake, ubu abubatikile ngani muli yuyo, ko kuti isi atendekekisye ngani ise asibombege bo akabalilo kisile, ukufibungania fyosa mwa Kristi, ifya kumwanya nifya pasi.

¹¹ Mmyake mo twipelile benekilingo, twe atusalile ngani liyolo, ukufwana nisi alinogonile ngani, uyu ikusibomba syosa

¹² ukufwana nulutumulilo lwa bwigane bwake, ukuti uswe tuyege lutufyo lwa bukulumba bwake, twe twatalile ukubika

¹³ ulusubilo lwitu mwa Kristi. Muli uyu nanumwe mwe mupilike ilisyu lya naloli, inongwa inunu isya bupoki bwinu, kangi muli uyu bo mwitike mulinkukolekeligwa na Mbepo

¹⁴ Mwikemo ugwa ndufingo, uyu yo kipingikilwa kya kilingo kyitu, kububangi bwa twe bandu bake na kulutufyo lwa bukulumba bwake.

Pauli ikubiputila ukuti bammanyege Kyala

¹⁵ Ko kuno nanine, bo mbilike ulwitiko lwinu muNtwa Yesu,

¹⁶ nulugano lwinu kubikemo bosa, ndinkusita nukuleka ukuba-

¹⁷ gwila ulupi, bo nikubakumbuka munyiputo syangu, ukuti Kyala gwa Ntwa gwitu Yesu Kristi, uGwise gwa bukulumba, yo abapege mbepo ugwa mahala nubusetuli bwa kummanya

¹⁸ yuyo; ukuti amaso ga mundumbula syinu gamulikigwege, ko kuti mulumanyege ulusubilo lwa lubilikilo lwake muno luyilile, na muno buyilile ubwingi bwa bukulumba bwa kilingo kyake

¹⁹ mbikemo; na muno buyilile ubukulumba ubukindilisi ubwa maka gake, muli uswe twe twitike; ukufwana nukubomba kwa

²⁰ maka gake amakulumba; aga abombile mwa Kristi apa ansyusyaga mbafwe, nukumbika kukiboko kyake ikililo

²¹ kumwanya, pamwanya fiyo ukukinda pabutwa, pabulagili, pamaka, pabunyafyale na pangamu syosa isi sikuyobigwa,

²² momma mwene nkisu iki, loli na nkisu iki kikwisaga; fyosa itolo afibikile pasi pamalundi gake, kangi amwimike ukuya ntu

²³ gwa tundu tosa utwa kipanga, iki go gu mbili gwake, ubu bo bukwile bwa uyu ikukwila mosamosa itolo ntundu tosa.