2 Timoti 1 - Nyakyusa Ngonde New Testament (Ulwitikano Ulupya)

Uluponio

¹ Pauli untumigwa gwa Kristi Yesu, mbwigane bwa Kyala, ukufwana nulufingo lwa bumi ubu buli mwa Kristi Yesu;

² kwa Timoti umwanangu unganigwa: Ilipyana, ikisa, nulutengano, ifi likufuma kwa Kyala Tata, na kwa Kristi Yesu uNtwa gwitu, fyo fiyege nanungwe.

Isya kugwa ulupi, nisya kuti abikengcpo umoyo, kangi ayege nkifu

³ Nikugwa ulupi kwa Kyala, uyu nikumbombela ninyibonelo inyelu ukufuma pabisukulu bangu, bo nikukukumbuka bwila

⁴ itolo munyiputo syangu pamusi na pakilo, nikusyukwa fiyo ukwaganila nanungwe, bo nikugakumbuka amasosi gako,

⁵ ukuti nisulege nulusekelo. Namanga ndukumbwike ulwitiko lwako ulusitabusyobi, ulu lwatalile ukuya mmwisukulugo Loi, na munyoko Yunike; nanine singolile ukuti lulimo na

⁶ mu mmyako. Po apa nikukukumbusya ukukikubilila ikikungilwa kya Kyala, ukuti kyakege kangi, iki gwambilile bo

⁷ ngubikilepo amaboko gangu. Namanga umwene Kyala akatupele mbepo gwa boga, himma, loli atupele mbepo gwa

⁸ maka, ugwa lugano nugwa lwiyufyo. Popapo lelo ungafwaga isoni ukusisimikisya uNtwa gwitu, nalinga ko kusisimikisya une ne mpinyigwa gwake; loli ukubilwege pamopene nanine

⁹ panongwa ya Ibangeli, ukufwana namaka ga Kyala; uyu atupokile, nulubilikilo ulwikemo, akatubilikile ukufwana nimbombo syitu, himma, loli bo mumo alinogonile ngani yuyo, kangi nipyana lyake, ili atupelile mwa Kristi Yesu

¹⁰ ukufuma mu mbukulu. Loli lilino libonekile nkwisa kwake uMpoki gwitu Kristi Yesu, uyu abuyosisye itolo ubufwe, abubikile pabwelu ubumi nubusitakubolamo, munjila ya

¹¹ Ibangeli, ili nanine nimikigwe ukuya ndumbilili, ukuya

¹² ntumigwa, nukuya mmanyisi. Pali sisisi po apa nikukubilwa, loli ndikufwa isoni, namanga nummenye uyu numwitike, kangi singolile ukuti isakukubatilaga aka mbegigwe ukufika

¹³ pisiku lila. Amasyu amumi aga upilike kumyangu, gayege ka kuketelamo ugwe, ndwitiko na ndugano, ifi fili mwa Kristi

¹⁴ Yesu. Akanunu aka upegigwe, ko ukubatilege mwa Mbepo Mwikemo, uyu ali mu mmyitu.

¹⁵ Umenye ukuti bosa aba mwʼAsia balisambukile, muli

¹⁶ bababa alimo Figeli na Hermogene. Umwene loli uNtwa abapakisyege abannyumba ya Onesifori, buno umwene kabili kabili ayisangalusyaga indumbula yangu, gope nunnyololo

¹⁷ gwangu gulinkusita nukumpelela isoni; loli bo isile mu-Roma,

¹⁸ nakalinga itolo alinkundonda, alinkunyaga. UNtwa ampelege ukuti alwagege ulupakisyo ulufuma kuNtwa pisiku lila! — syosa isi abombile mwʼEfesi, syo usimenye fiyo nanungwe.