1 Timoti 1 - Nyakyusa Ngonde New Testament (Ulwitikano Ulupya)

Uluponio nukusokigvia kumanyisyo sya butungulu

¹ Pauli untumigwa gwa Kristi Yesu, ukufwana nululagilo lwa Kyala uMpoki gwitu, na Kristi Yesu uyu yo lusubilo

² lwitu; kwa Timoti umwanangu gwa naloli ndwitiko: Ilipyana, ikisa, nulutengano, ifi likufuma kwa Kyala Tata na kwa Kristi Yesu uNtwa gwitu, fyo fiyege nanungwe.

³ Bo sisyo nakupyelisye bo nikubuka mMakedonia, ukuti uyege mwʼEfesi, ubakanisyege abandu bamo aba bikumanyisya

⁴ isingi, kangi ubabulege ukuti bangabikangapo umoyo patupango, na pangamu sya fikolo muno sikonganile isita kupela napamo, isi sikutwala inyinogono isya itolo, ukukinda ukutu-

⁵ labisya kububombeli bwa Kyala ndwitiko; loli kuno lukutulabikisya ululagilo, ko kulugano ulufuma mundumbula inyelu

⁶ na munyibonelo inunu, na ndwitiko ulusitabusyobi, muli isi

⁷ bamo bapagwike, balabile kumasyu ga itolo; bo bikulonda ukwipela ukuya bamanyisi ba lulagilo, napa bakasyagania isi

⁸ bikuyoba, nisi bikusisimikisya ukuti sya naloli. Loli uswe tumenye ukuti ululagilo lo lununu itolo, linga umundu

⁹ ikubomba muno lukulondeligwa; bo asimenye ukuti ululagilo lukabikigwe panongwa ya mundu ungolofu, loli lwabikigwe panongwa ya bilangomelesyo, nabasitakwilambika, nabasitakuntila Kyala nabatulanongwa, nabasitabwikemo, nabasitakwiputa, abagogabisabo nabagogabannabo, nabagogabandu,

¹⁰ nabahahani, naba bikulogwa nabanyambala abinabo, nabulabandu, nabatungulu, nabayiganikandungulu, nisingi syosa isi

¹¹ sikindene nulumanyisyo ulwa naloli, ukufwana nubukulumba bwa nongwa inunu ya Kyala umwimikigwa, iyi mbegigwe une.

Pauli ikugwa ulupi pakisa kya Kyala

¹² Nikugwa ulupi kuli uyu ambele amaka, yu Kristi Yesu uNtwa gwitu, papo ambwene ukuya nsubiligwa, apa ambikege pabu-

¹³ bombeli, napa iyolo nali ntukamahelu, nali mfwimabandu, kangi nali gwa matingo; loli nalwagile ulupakisyo, namanga

¹⁴ nabombelaga mbusitakumanya, na mbusitalwitiko. Loli ilipyana lya Ntwa gwitu lilinkulefuka itolo pamopene nulwitiko

¹⁵ nulugano, ifi fili mwa Kristi Yesu. Ilisyu lilili lyo isubiligwa, kangi libagile ukwambililigwa itolo, ili likuti: Kristi Yesu alisile nkisu nkubapoka abatulanongwa; aba nipelile ukuya ne

¹⁶ ntasi gwabo. Loli panongwa yiyiyi nalwagile ulupakisyo, ukuti mmyangu une ne ntasi, mo bubonekelege ubufisalyoyo bosa bwa Yesu Kristi, ko kuti njege ka kuketelamo ka aba

¹⁷ bisakumwitikaga, ukuti babwage ubumi bwa bwila. Umwene loli uNtwa gwa bwila itolo, unsitakufwamo, unsitakuboneka, Kyala yumoywene itolo, yo ulwimiko nubukulumba fiyeko kumyake bwila na bwila. Amen.

¹⁸ Gwe mwanangu Timoti, nikubika ululagilo lululu mmyako, ukufwana nubukunguluka ubu bakukungulukile ngani, ukuti

¹⁹ muli sisisi mo ulwilege ubwite ubununu. Uyege nalo ulwitiko ninyibonelo inunu, isi bamo bo basitagile, bendile nukukupuka

²⁰ ndwitiko; muli aba balimo ba-Himenaya na Aliksandara, aba numpele Setano, ukuti bamanyilege baleke ukuhelula.