Rut 1 - Northern Tepehuan Bible

¹ Ïïki aidïxi kia gatïanïitadai go kakaigi Israelïrï sai aidï kabami ayi bhiugigai ami oidigana. Dai aidï oidakatadai ïmo kïïrhi Elimelek tïgidukami. Bhelenïrï oidakamikatadai ïgai ix makïdï Judea municipiïrï bipiïyi.

² Dai aduñdï go kïïrhi Noemi tïgidukatadai. Dai jii go kïïrhi ami kiyañdïrï ïmadï modukai aduñdï dai maamaradï dai maigobai mïkaxi oidatu xako Moab tïgidu oidigi. Gokadu maamaradï go kïïrhi dai bïï goka ïr kïkïïrhi ïpï.

³ Dai gokiïrï ugidagai go Elimelek dai aduñdï ka ïgi bii ïmadï maamaradï Mahlon dai Kilion tïtïgidukatadai.

⁴ Dai bïï gokatai ïgai onta bho baaxi Moabïrï oidakami oki. Ïmoko Orpah tïgidukatadai dai ï gïmai Rut. Bhabuxtama umigi bho baaxi oidatu ïgai tudu Moabïrï

⁵ Dai bhodïrï koi kukunadï ïgai ïpï. Koi go Mahlon dai Kilion tudu. Dai xibi gia kïïgakïrï ïgi bii go Noemi, ka mai tipukatai tomarhi kunadï tomarhi maamaradï ïpï.

Nora go Noemi Iraelamu

⁶ Dai kajioma go Noemi sai kïïgai soikïitadai gïr Nukadakami go oidakami Judaïrï ix makïdï Israelïrï bipiïyi. Kajioma ïgai sai kïïga yoba ïgai kuadagai tudu.

⁷ Dai jii go Noemi abhiadïrï xako oidakatadai ïgai dai bhïi boi Judamakoga. Dai bïï goka kakaxdïdï oi ïpï.

⁸ Ka boiyana iimïitadai ïgai daidi go Noemi potïtïdai, -Aapimï aarhi buaboikïdï kïï tutiakana aapimï gin bïïtarï. Xibi nonoigibïrai kikidïrï gïn dïïdï- itïtïdai.

⁹ -Dai Gïr Nukadakami gïn soiñana dai gïn maakana kukuna ïpamï dai xako kïïgakïrï oidakana aapimï- itïtïdai dai kokomithu. Dai gïgïr susukatadai go kakaxdïdï

¹⁰ daidi potïtïdai ïgai go Noemi,

¹¹ -Cho- itïtïdai. -Gï oijada rïrhidi dai gï ïmaï daka rïrhidi amïka xako oidaga gï aaduñi- itïtïdai.

¹² Daidi Noemi potïtïdai aidï, -Tuma bïïtarï gin oijadana aapimï? Bhai ix mamartana aanï aarhi kïkïrhi xorai gïrhituda aanï bai kukuntada aapimï? Daiñi, tomaxi kunakamudai aanï xibi tukarï dai mamartamudai aanï,

¹³ bhai ix ïïgi biïna aapimï dai mai kukuntana asta xïxkadï ka kïrhitua ïgai? Xadïrï! Bamioma gïpiïrï gïi bii aani xi aapimï tudu. Kaxi gin bui kïkiba Gïr Nukadakami di!- itïtïdai.

¹⁴ Dai ïpamï gïgïr sosoakatadai ïgai. Daidi go Orpah komitu tumudï dai diosagi. Dïï gia go Rut gia apiadukai mai dagito. Apia (was holding on to her) bhaiyoma.

¹⁵ Daidi go Noemi potïtïdai, -Daiñi aapi Rut, ka nora gï (Noxi) dai uraba agai aaduñdï pamï dai apia buaboitudada agai didiuxigadï ïgai. Gin dagitomudai aapi ïpï ïpïan dukai go Orpah.

¹⁶ -Maiti gin aagida ansai gï dagitona aanï- itïtïdai go Rut. -Gï oijadamu aan tuma xako imïdagi aapi tudu. Dai gï ïmadï oidakamu aanï toma xakoga ïpï. Aapi gï aaduñi ïr aanï gin aduñikamu ïpï dai buaboitudamu aanï aapi gï Diuxiga ïpï.

¹⁷ Xako ugitiagi aapi, aanï abhaxi biimu asta xïxkadï mukia aanï ïpï dai abhaxi gin yaasatumu aanï bïïxi. Aanï agai sai gin maakana gïgïbidaragai Diuxi ix ïjïko iimia aatïmi mai kia gïr aïkai mukigami- itïtïdai.

¹⁸ Dai aidï gia ka dodorhi bii go Noemi dai ka mai ñokidi ïgai go Rut nïiditai sai mai dagito aagai tomax dukai.

¹⁹ Daidi bhïi ïgai boi ïpamï dai ayi Bhelenïrï. Dai kïïgai bhai gïn ïjïrhi go oidakai daidi ikaitiña -Gobai ïr go Noemi- ikaitiña go nïiditai.

²⁰ -Ka maiti abïr Noemi gin aagada- itïtïdai go Noemi. -Mara abïr gin aagada xibi bhaiyoma. Diuxi ix makïdï bïïxi adama gubuka ka soidodai gin oidakaraga tudu.

²¹ Kïïga ginbidkatadai aanï imïkai aanï tabhiadïrï baasïki dai xibi kabami soitigami aanï bhaigobai gin otosakai Gïr Nukadakami ïpamï. Ka maiti gï agai sai Noemi bhai ïrhidikami gin aagada tudu, kaxi soi gin ïldatu Gïr Nukadakami gin otosakai mos ïï bïïtïkami soi ïrhiaragai- itïtïdai.

²² Podukai tudu jii go Noemi Moabañdïrï ïmadï go Rut. Go Rut ïr kadïïdï go Noemi tudu dai Moabañdïrï oidakami ïgai dai ayi ïgai Bhelenïrï ixtuigako utudami ayitadai yobaragai cebada.