Exodo 16 - Northern Tepehuan Bible

¹ Kaxi pogïduitadai ïmo masadai dan bhaibuxtama dan taama tasai xi bubuaka go Israelitas abhiadïrï Ejiptuañdïrï. Dai bhodïrï bïïxi go Israelitas iji Elimandïrïï xako gïn urhiñakatadai ïgai dai ayi ïgai xako gïïpi kaatï oidigi xako mai tipu óídakami dai tomarhi uxi mai tipu bhaitoma. Sin tïgidu go oidigi dai ïmapadïrï kaatï go Elim dai ajadïrï kaatï xako Sinaí tïgidu ïmo tubidaki.

² Dai ami oidigana iimïitadai ïgai bïïxkatai dai bui ñiño ïgai go Moises ïmadï Aaron ka mai tïïgakai ix tuma ugiagi.

³ Daidi ikaitimi, —Xioma ïr kïïgaikatadai xi gïr kodamudai Gïr Nukadakami aidïxi kia Ejipituana darajatadai aatïmï. Ami gia ajayi sonoana darajana aatïmï dai tataxkonïkana kuadatai bhaabhaidi. Dïï xibi ka oidigana gïr darasaka go Moises ïmadï Aaron ipïrhiditai ïgai ix koiyagi aatïmï bhiugigaikïdï— ikaitimi.

¹¹ Daidi Gïr Nukadakami aataga ïmadï go Moises daidi itïtïdai,

¹² —Kaïkana aanï xi kaitiña go Israelitas. Daiñi, aatagadañi ïmadï daidi itïïda aapi sai, —Diuxi pokaiti sai bïïxi urunoko kuadamu aapimï bhaabhaidi dai kiamoko taataxkonïkamu aapimï kuadatai pan. Dai aidï gia maatïkamu aapimï sai aanï ïr gïn Diuxiga dai gïn Nukadakamiga— itïtïdai Diuxi go Moises.

¹³ Dai aidï tasïrï urunoko mui dada bapaiburhi dai mobai bïï suda xakopïrï gïn urhiñatadai go Israelitas. Gobai kuadana go Israelitas. Dai xadiko ami xikorhi kïï boixi oidigi.

¹⁴ Dai ka gakïkai go bouxi ami oidigïrï sai go dïbïrai dama bii ixtumaxi ïpïamaaxkami tïbagi kïbaigadï.

¹⁵ —¿Tumaxi gobai?— ikaitimi go Israelitas nïiditai. Dai Moises itïtïdai, —Idi ïr kuadagai ix makïdï gïn maakai Gïr Nukadakami— itïtïdai.

¹⁶ —Gïn aagidamu aanï ix kaiti Gïr Nukadakami— itïtïdai. —Ix xïïki oidakagi óídakami ïmo kiiyïrï po kaki gï agai mïxi ïmpaidagi go kuadagai ix makïdï gïn maakai Diuxi ix makïdï tïbagi kïbaigadï maaxi tudu. Gï agai mïxi ïmpaidagi ïïgi xïïxi ugia antaada ïmoko, parï gogoka litro ïïmadutai— itïtïdai.

³¹ Go Israelitas maaná agaiña go kuadagai gobai tudu. Silantro kaidï maaxi dai toja dai yoobi. Bhaitoma ïpïan kaaka galleta bïnaidikami saiburhi papaigadï. Gobai ïr go kuadagai ix makïdï gamamaakaiña Diuxi tudu.

³⁵ Gokobhai umigi ukami go ïï maná kuayiña go Israelitas dai bhodïrï ayi ïgai mïï Kanaan ugidïrï ukami xako óídaka agaitadai ïgai. Ami gia oidakatadai ïma maaxi kuadagai ixtuma ugiagi ïgai.