Exodo 13 - Northern Tepehuan Bible

²⁰ Go Israelitas bubuaka abhiadïrï xako Sukotiana tïgidu oidigi dai maigobai Etamïrï gïn urhi. Ami Etamañdïrï maigobioma gïïpi kaatï oidigi xako mai tipu óídakami.

^21-22 Diuxi bhaitïki kïïkigi go Israelitas xi podukai go Israelitas maatïkana xako sïïrhi iimiagi. Tasïrï ïmo tïkabakami kïakami kubhuxi maaxtugaiña ïgai dai tukarï ïmo gïï tïkabakami táí maaxtugaiña. Podukai bhaigakana ïgai xi oijadagi gïn imidagai tomaxuduku tomaxi tasïrï xiïpï tukarï.