Zozi Klisi 'la Dɩnanɩa Matie zie 'lɛ na 1 - Le Nouveau Testament en langue Dida

Zozi Klisi 'la 'wlʋlʋda

¹ 'Lɩka Zozi Klisi, ‑ɔ ‑glɩ 'lɛ Daviti 'la 'cʋ 'nyɩ Daviti ‑glɩ 'lɛ Ablaamʋ 'la 'cʋ na, ɔ tokadɔkadɔcɩ 'la 'ŋlɩ 'la ‑afluwaa.

² Ablaamʋ valɩ 'lɛ Izakɩ, Izakɩ ya 'lɛ Zakɔpʋ valɩ 'nyɩ Zakɔpʋ ya 'lɛ Zuda ɩya ɔ bholiecɩa valɩ.

³ Zuda ɔya Tamalɩ valɩ 'lɛ Falɛsɩ ɩya Zalaa, Falɛsɩ ya 'lɛ Eslɔmʋ valɩ 'nyɩ Eslɔmʋ ya 'lɛ Aghlamʋ valɩ.

⁴ Aghlamʋ valɩ 'lɛ Aminadabʋ, Aminadabʋ ya 'lɛ Nasɔɔn valɩ 'nyɩ Nasɔɔn ya 'lɛ Salɩmɔɔn valɩ.

⁵ Salɩmɔɔn ‑ya Ghlaabʋ valɩ 'lɛ Bozʋ, Bozʋ ɔya 'Lutu ya 'lɛ Obɛdɩ valɩ 'nyɩ Obɛdɩ ya 'lɛ Zesee valɩ.

⁶ Zesee valɩ 'lɛ nyɩbhɛlʋ Daviti 'nyɩ Daviti ɔya Ulii nʋŋlɔ ya 'lɛ Salomɔɔn valɩ.

⁷ Salomɔɔn valɩ 'lɛ Ghloboamʋ, Ghloboamʋ ya 'lɛ Abia valɩ 'nyɩ Abia ya 'lɛ Azaa valɩ.

⁸ Azaa valɩ 'lɛ Zozafatɩ, Zozafatɩ ya 'lɛ Zolamʋ valɩ 'nyɩ Zolamʋ ya 'lɛ Oziasɩ valɩ.

⁹ Oziasɩ valɩ 'lɛ Zoatamʋ, Zoatamʋ ya 'lɛ Akazɩ valɩ 'nyɩ Akazɩ ya 'lɛ Ezekɩasɩ valɩ.

¹⁰ Ezekɩasɩ valɩ 'lɛ Manasee, Manasee ya 'lɛ Amɔɔn valɩ 'nyɩ Amɔɔn ya 'lɛ Zoziasɩ valɩ.

¹¹ Zoziasɩ valɩ 'lɛ Zekoniasɩ ɩya ɔ bholiecɩ, 'bhlɛsʋan nɩkplaan ma famʋa 'lɛ Izlayɛlɩcuoa* geyliin Babilɔnʋbhlɩa 'kʋ na.

¹² Ma famʋ 'lɛ Izlayɛlɩcuoa Babilɔnʋbhlɩa 'kʋ na, dɛ Zekoniasɩ valɩ 'lɛ Salatɩɛlɩ 'nyɩ Salatiɛlɩ ya 'lɛ Zolobabɛlɩ valɩ.

¹³ Zolobabɛlɩ valɩ 'lɛ Abiudʋ, Abiudʋ ya 'lɛ Eliakimʋ valɩ 'nyɩ Eliakimʋ ya 'lɛ Azɔlʋ valɩ.

¹⁴ Azɔlʋ valɩ 'lɛ Sadɔkʋ, Sadɔkʋ ya 'lɛ Akimʋ valɩ 'nyɩ Akimʋ ya 'lɛ Eliudʋ valɩ.

¹⁵ Eliudʋ valɩ 'lɛ Eliazalɩ, Eliazalɩ ya 'lɛ Mataan valɩ 'nyɩ Mataan ya 'lɛ Zakɔpʋ valɩ.

¹⁶ Zakɔpʋ valɩ 'lɛ Zozɛfʋ, ‑ɔ cɩa 'lɛ Maliia, ‑ɔ valɩ 'lɛ Zozii, ma la 'lɛ Laagɔ 'la ‑Sasanyɔa* na.

¹⁷ 'Lɩka ‑zɔkpʋa 'fɩan 'la ne: ‑Ɩ bhɔlʋ 'lɛ Ablaamʋ 'la 'bhlɛsʋa nɩkplaan ‑aan 'nyɩ ‑ɩ ŋeni 'lɛ Daviti 'la 'bhlɛsʋa nɩkplaan na, ɩ nʋ ‑zɔkpʋ 'kʋgba ‑nmɔɔna. ‑Ɩ bhɔlʋ 'lɛ Daviti 'la 'bhlɛsʋa nɩkplaan ‑aan 'nyɩ ‑ɩ ŋeni 'lɛ 'bhlɛsʋa nɩkplaan ma famʋ 'lɛ Izlayɛlɩcuoa Babilɔnʋ na, ɩ nʋ ‑zɔkpʋ 'kʋgba ‑nmɔɔna. ‑Ɩ bhɔlʋ 'lɛ Izlayɛlɩcuoa 'la Babilɔnʋ ‑famʋdaa ‑aan 'nyɩ ‑ɩ ŋeni 'lɛ Klisi 'la 'bhlɛsʋa nɩkplaan na, ɩ nʋ ‑zɔkpa 'kʋgba ‑nmɔɔna.

Saa Malii valɩvalɩlɩ 'lɛ Zozii na

¹⁸ 'Lɩka saa ma valɩvalɩlɩ 'lɛ Zozi Klisi na. Zozii nɔ Malii ‑glɩa 'ŋlɔa ma ‑zlaa 'lɛ 'nyɩ ma ya 'lɛ Zozɛfʋ 'nyɩ na. ‑Ma 'fɩɔn ma 'ka 'lɛ 'sle pla na, ‑Kplɔkplɔ ‑Wugoa* 'la 'tɛtɩa nɩkplaan, Malii ya nɩkpla 'ma.

¹⁹ Ɔ ‑ŋuto Zozɛfʋ ‑glɩa 'lɛ 'kʋnylugolunyɔ na, ɔ 'taa ‑wa le ɔ 'kaa Malii, ‑owe ‑owe 'cɩcɩɛ gbɔlʋ, ɔ yaa wabha le ɔ 'kaa 'mɔɔ cɩɩnwlʋlʋ 'cɩɩ.

²⁰ Na, ɔ ‑kʋa 'mɩɩ 'lɛ guguda na, ‑Kwlenyɔa 'la 'bhlaandleea* yɔɔ 'claawluun 'cla lebhe: «Zozɛfʋ, Daviti 'la 'cʋ, ‑n nʋŋlɔ Malii 'la 'sleen famʋlɩɛa ɩ 'la kalɩɔ pɔɔvʋ. Sa 'cileea ‑ɔ ‑kʋɔ 'lɛ nɩkplaan na, ɔ 'wlʋlʋ ‑Kplɔkplɔ ‑Wugoa nɩkplaan.

²¹ Ɔ cɩ 'ka ŋodico valɩ ɩya ‑n 'kɔɔ Zozii la, sa ɔmɔ ‑ɔ ‑cɩ ka 'lɛ ɔla 'lɔlʋa ʋla nyinyia nɩkplaan ‑sa.»

²² Ka ɩmɩ ‑naa ‑tɛtɛa ŋeni 'lɛ ɩya ɩmɩa ‑Kwlenyɔa nyɩtɛlɩa 'lɛ ɔla nekʋnyɩtɛnyɔa neen na, ɩ 'ka 'kʋglalɩ:

²³ 'Lɩka 'ŋlɔa ‑ɔ 'ta ka 'lɛ ŋodi cibhlili na, cɩ 'ka nɩkpla 'ma ɩya ɔ 'ka ŋodico valɩ, ɩya ma 'kɔɔ Emanʋwɛlɩ la, ɩ sa ‑zɔn lebhe Laagɔ ‑kʋ ‑anyɩ cɩ.

²⁴ Daa Zozɛfʋ galɔ 'lɛ na, ɔ ya ɩmɩa ‑Kwlenyɔa 'la 'bhlaandleea solua 'mɔɔ 'lɛ na nʋ. Ɔ ya ɔ nʋŋlɔ 'sleen famʋ.

²⁵ ‑Ma ɔ 'tɔɔ 'ŋlɔ la ‑aan 'nyɩ ɔ ya 'lɛ ɔla 'ciŋodicoa valɩ 'nyɩ Zozɛfʋ yɔɔ 'lɛ Zozii ŋlɩa zʋ.