प्रकाशन 1 - परमेश्वर को पवित्र वचन

अभिनंदन

¹ यीशु मसीह को प्रकाशन जो वोखे परमेश्वर ने येका लिये दियो कि अपनो सेवकहोन खे वे बात खे जेको तुरुत होनु जरुरती हइ दिखाये अरु वोने अपनो स्वर्ग दूतखे भेजीखे वो का वजेसे अपनो दास यहून्ना खे बतायो.

² यहुन्ना ने परमेश्वर को वचन अरु यीशु मसीह की गवय खे अगर जो कुछ ओने देख्यो थो ओकी गवइ दी.

³ धन्य हइ वु जो या किताब, खे पडस हइ कि धन्य हइ भविष्यवाणी का वचन खे सुनस हइ कि अरु जो लिखस हइ अरु ओका जसो चलास हइ सुनस हइ क्युकि या सब बात घटित होन को टेम नजीक हइ.

सात मंडलीहोन को अभिवादन

⁴ यहून्ना का तरप से का खे देस का सात मंडलीहोन को नाम उ परमेश्वर का तरप से जो हइ, अरु जो थो अरु जो आनवालो हइ अरु वे सात आत्माहोन का तरप से जो वोको राजगद्दी का सामने हइ,

⁵ अरु यीशु मसीह का तरप से जो विश्वासयोग्य गवाह अरु मऱ्यो हुया मे से जिन्दो उठनआला मे पयलो अरु जमीन को राजाहोन को अधिकारी हइ, तुमखे अनुग्रह अरु शांती मीलती ऱ्हे. जो हमारा से प्यार से रखस हइ, अरु जेने अपना खुन का वजेसे हम पाप से छुडायो हइ,

⁶ अरु हम एक राज अरु अपना बाप परमेश्वर का लिये याजक भी बनय दियो. यीशु मसीह अरु प्राक्रम पिडमपिडि ऱ्हिये. आमीन.

⁷ देख, वु बद्दल का साथ आनवालो हइ, अरु हर एक आख वोखे देख्ये का क्युकी जिनने वोखे गड्यो थो वे भी वोखे देख्ये का अरु जमीन का सब दुन्या वोखे करन छाती ठोक्हे हुये. आमीन.

⁸ “प्रभु परमेश्वर,” जो हइ अरु जो थो अरु जो आनवालो हइ, जो सर्व शक्तिमान हइ, ह्या बोल्योस हइ, मी ही पयलो अरु आखरी हय.

यहून्ना खे मसीह को दर्शन

⁹ मी यहून्ना, को जो तुमारो भैइ अरु बहीन यीशु को बडो दुख अरु राज अरु रुखना मे तुमारो सात हय, परमेश्वर को वचन अरु यीशु की गवय कारन पतमेस नामको टेकडो मे थो.

¹⁰ मी प्रभु को दिन आत्मा मे अय गयो, अरु अपना पिछे पिपडी का जसो बडो अवाज यो बोलते सुन्यो,

¹¹ “जो कुछ तु देखस हइ वोखे किताब मे लिखीखे साथ मंडलीहोन का पास भेजी दे, अगर इफिसुस अरु स्मुरना, अरु पिरगमुन, अरु थुआतीरा, अरु सरदीस, अरु फिलदिलफिया, अरु लौदिकिया खे.”

¹² तब मे ने वोखे, जो मरासे बोली रो थो, देखन का लिये अपनो मुडो फिरायो अरु पिछे घुमीखे मे ने सोना का साथ दिव्वा को वोडो देख्यो,

¹³ अरु वे दिव्वा को वोका बिच मे इन्सान को बेटो सदृश एक इन्सान खे देख्यो, जो पाय तक का कपडा पेन्या अरु छाती पर सोन्ना को पट्टो बांधी खे हुयो थो.

¹⁴ वोका माथो अरु बाल उजरा बाल अरु पाला का जसा उजालो थो, अरु वोकी आख अंगार का भडकती अंगार का जसी चमकती थी.

¹⁵ वोको पाय अच्छो पीतल का जसो थो, जो मान भट्टी मे तपायो गयोस हय, अरु वोको बात खुप पाणी का बात का जसो थो.

¹⁶ उ अपना जवना हात मे सात तारा लिये हुयो थो, अरु वोका मुडा से धार दोधारी तलवार नीकालती थी. वोको मेडो भर धुपार मे नीकल्यो हुयो सुरज का जसो चमकतो थो.

¹⁷ जब मे ने वोखे देख्यो ते वोको पाय पर मुद का जसो गिरी गयो. वोने मरा पर “अपनो जवनो हात रखी खे बोल्यो, मत डरे. मी पयलो अरु आखरी हय.

¹⁸ मी जिन्दो हय मी मरी गयो थो, अरु आप देख मी हमेशा हमेशा जिनदो हय; अरु मऱ्यो पर अरु मरन का सब जगत पर मरो अधिकार हइ.

¹⁹ येका लिये जो बात तो ने देखी हइ अरु जो बात हुय री हइ अरु जो बात येका बाद होनआली हइ, वे सब खे लिखी ले.

²⁰ अगर वे सात तारा को भेद जेने तो ने मरा जवना हात मे देख्यो थो, अरु वे सात सोन्ना को गुच्छो को भेद: वे सात तारा सात मंडलीहोन का दूत हइ, अरु वे सात दिव्वा को वोडो सात मंडली हइ.