इब्रानीहोन 1 - परमेश्वर को पवित्र वचन

परमेश्वर को वचन बेटा का वजेसे

¹ पैयले का जमाना मे परमेश्वर ने बापदादाहोन से थोडो-थोडो करीखे अरु तरह-तरह से भविष्यव्दक्ताहोन का वजेसे बात करी.

² यो आखरी दिनहोन मे हम से बेटा का वजेसे बातहोन करी. जेने ओने भोत चिजहोन को वारिस ठैरायो अरु ओका वजेसे ओने पुरी जगत की रचना करी हइ.

³ उ परमेश्वर की महिमा को उजालो अरु ओका तत्व को चिन्ह हइ. अरु सब चिजहोन खे अपनो सामर्थ्य को वचन से संभालस हइ. उ इन्सान जात का पाप खे धौइ खे माफ दिखे स्वर्ग मे जैखे महामहिम का जवना जगा बैठ्यो.

परमेश्वर का बेटा की महानता

⁴ या प्रकार बेटा स्वर्गदूत से महान बन्यो गयो उ प्रकार जसो परमेश्वर ने ओखे स्वर्गदूत से उत्तम नाम दियो.

⁵ क्युकि परमेश्वर ने कोय भी स्वर्गदूत से असो नी बोल्यो. “तु मरो बेटो हइ. आज मी तरो बाप बन्यो हइ” अरु नी कोय स्वर्गदूत से बोल्यो हइ. “मी तरो बाप बन्यु अरु तू मरो बेटो हुये?”

⁶ पन जब परमेश्वर ओका पइलो जन्मे बच्चा खे जगत मे भेजस हइ, परमेश्वर का सब स्वर्गदूत ओकी उपासना करस.

⁷ अरु स्वर्गदूत का बारे मे यो बोल्यो हइ, “व्हा अपना दुत खे हवा, अरु अपना सेवकहोन कि आत्मा भकभक अंगार बनस हइ.”

⁸ पन परमेश्वर बेटा का बारे मे बोलस हइ, हे परमेश्वर. तरी राजगद्दी पिडमपिडि र्‍हिये; तरो शासन तरा दुन्याहोन पर न्याय का साथ र्‍हिये.

⁹ तो ने सच्ची से धार्मीकता अरु बुरो काम से दुर रख्यो; यो कारण परमेश्वर. तरो परमेश्वर ने आनंद का तेल से अभिषेक करन का वजेसे तरा सोप्तीहोन से बडीखे चुन्यो.

¹⁰ परमेश्वर यो भी बोलस हइ. हे प्रभु सुरवात मे तो ने धरती को पय्यो डाल्यो, अरु स्वर्ग तरा हाथहोन को कारीगर हइ.

¹¹ वे तो खतम हुइ जाये, पन तु बन्यो ऱ्हीहे: परमेश्वर बोलस हइ. “उ अपना दूतहोन खे हवा मे उडास. अरु अपना सेवकहोन खे भगभग अंगार बनास हइ.”

¹² हे भैइ अरु बहीन हुशार र्हेनु कि तुम मे असो बुरो अरु अविश्वासी लम्बा मन नी होनु, जो तुमखे जिन्दो परमेश्वर से दुर हटन खे लि जाये.

¹³ अरु स्वर्गदुत मे से परमेश्वर ने कोका से कब बोल्यो, तु मरा जवना बठ, जब तक “कि मि तरा बैरिहोन के तरा पायहोन का नीचे को पिडो नी बनय दियो”.

¹⁴ क्युकि हम मसीह कि आत्मा से सेवक हुया हइ, अगर हम अपना पैयला भरोसा पर आखरी तक मजबुत से बन्या र्‍हिये.