कुलुस्सियो 1 - परमेश्वर को पवित्र वचन

अभिवादन

¹ पौलुस का तरप से जो परमेश्वर कि इच्छा से मसीह यीशु को प्रेरित हइ, अरु भैइ ती तीमुथियुस का तरप से,

² मसीह मे वे पवित्र अरु विश्वासी भैइहोन को नाम जो कुलुस्से मे ऱ्हेस हइ हमारो बाप परमेश्वर का तरप से तुमखे अनुग्रह अरु शांती मीलती होती र्‍हिये.

धन्यवाद की प्रार्थना

³ हम तुम्हारा लिये सदा प्रार्थना करीखे अपनो प्रभु यीशु मसीह को बाप यानी परमेश्वर को धन्यवाद करस हइ,

⁴ क्युकि हम ने सुन्यो हइ कि मसीह यीशु पर तुमारो विश्वास हइ, अरु सब पवित्र दुन्याहोन से तुम प्रेम रखस हय.

⁵ वा आस कि चिज को करण जो तुमारा लिये स्वर्ग मे रखी हुयो हइ, जेको वर्णन तुम उ सुसमाचार कि सच्चो वचन मे सुनी चुक्यो हय,

⁶ जो तुमारा पास पहुच्यो हइ, अरु जसो संसार मे भी फल लास अरु बडते जास हइ, वोसो य जो दिन से तुम ने ओको सुन्यो अरु सच्ची से परमेश्वर को अनुग्रह पहिचाननो हइ, तुम मे भी असो य करस हइ.

⁷ ओकि शिक्षा तुम ने हमारा प्रिय सहकर्मी इपफ्रास से मील्यो, जो हमारो लिये मसीह को विश्वासयोग्य सेवक हइ.

⁸ ओ ने तुम्हारो प्रेम कि जो आत्मा मे हइ हमारा पर प्रगट कऱ्यो.

⁹ येका लिये जो दिन से यो सुन्यो हइ, हम भि तुम्हारा लिये यो प्रार्थना अरु प्रार्थना करणो नी छोडुस कि तुमने सब आत्मीक ज्ञान अरु समझ सहित परमेश्वर कि इच्छा कि पैछान मे परिपुर्ण हुय जाव.

¹⁰ ताकि तुम्हारो चल-चलन प्रभु, योग्य हय अरु वे सब प्रकार से प्रसन्न हुये, अरु तुम से हर प्रकार का भला काम का फल लगह्ये, अरु तुम परमेश्वर की पैछान मे बडते जाव.

¹¹ ओकी महीमा की शक्ति का जसो सब प्रकार को सामर्थ्य से ताकत होते जाये, ह्या तक कि आनन्द, साथ हर प्रकार से धीरज अरु सहनशीलता देखी सक्यो.

¹² अरु बाप को धन्यवाद करता रिये, जेने हमके यो योग्य बनायो कि दिवो मे पवित्र लोग का साथ मीरास मे शामील हुये.

¹³ ओ ने हम खे अन्धर का कुल से छुडाये लिखे प्रिय बेटा का राज्य मे प्रवेश करायो.

¹⁴ जे मे हमखे छुटकारो मंनजे पाप कि माफी मीलस हइ.

मसीह की श्रेष्ठता

¹⁵ व्हा तो अदृश्य परमेश्वर को प्रतीरुप अरु सब सृष्टि मे पयलो हइ.

¹⁶ क्युकि ओ मे सब चिजहोन की सृष्टि हुय, स्वर्ग कि हय अथवा पृथ्वी की, देख्यो यो बिनादेख्यो, राजगद्दी, प्रभुताहोन, अधिकार, सब चिजहोन ओका वजेसे अरु ओका लिये सृजी गय हइ,

¹⁷ व्हा सब चिजहोन मे पयलो हइ अरु सब चिजहोन वो मे रुख्यो र्‍हेती थी.

¹⁸ उ आंग का मंनजे मंडली को माथो हइ. व्हा अगर हइ, अरु मर्‍यो हुयो मे से जिन्दो उठनआला मे पयलो कि सब बात मे व्हा प्रधान रोख्ये.

¹⁹ क्युकि बाप कि प्रसन्नता ये मे हइ कि ओमे सब परिपूर्णता से वास कऱ्हु,

²⁰ अरु ओका क्रुस पर बोहायो हुयो खुन खे वजेसे मीलिजुलीखे करीखे, सब चिजहोन, ओका वजेसे से अपना सात मीली खे ली, समजो वे पृथ्वी पर की हुये चाह्ये स्वर्ग मे की.

²¹ तुम जो पैयले बुरा काम करण मन से दुर था.

²² ओने आब ओका शारीरिक आंग मे मरना का वजेसे तुमरो भी मीली लियो जबकी तुमखे अपना समने पवित्र अरु नीष्कलंक, अरु नीर्दोश बनयखे हजीर कर.

²³ अगर तुम विश्वास को पय्या पर पक्को बन्यो र्‍हिये अरु उ सुसमाचार कि आस खे जो तुम ने सुन्यो हइ नी छोड, जिनको प्रचार बद्दल का नीच्चे की सब सृष्टि मे कर्‍यो गयो, अरु जेको मी, पौलुस, सेवक बन्यो

पौलुस मंडली को सेवक

²⁴ अब मी वे दुख को करण खुसी करस हय, जो तुम्हारा लिये उठस हय अरु मसीह कि पिडा कि कमी ओका आंग का लिये, मंनजे मंडली का लिये, अपनो आंग मे पुरो करस हय.

²⁵ जिनको मी परमेश्वर को उ प्रबन्ध का जसो सेवक बन जो तुमारा लिये मेखे दियो गयो जबकी मी परमेश्वर को वचन खे पुरो प्रचार कर्‍हु.

²⁶ मंनजे उ भेद खे जो टेमहोन अरु पिडीसे लुकयखे र्‍हियो, पन आब उनको वे पवित्र दुन्या पर प्रगट हुयोस हइ.

²⁷ जिन पर परमेश्वर ने प्रगट करणो चाह्यो कि उनने समज्यो कि गैरयहूदीहोन मे वा भेद कि महिमा को मोल हुये खे हइ, अरु व्हा यो हइ कि मसीह जो महीमा कि आस हइ तुमारा मे र्‍हेस हइ

²⁸ जिनको प्रचार करी खे हम हर एक इन्सान खे सिखास हइ कि हम हर एक इन्सान खे मसीह मी सिध्द करीखे उपस्थित कर्‍हे.

²⁹ येका य लिये मी ओकी वा शक्ति का जसो जो मेखे सामर्थ्य का सात प्रभाव डलतो हइ, तन मन लगयखे अराम भी करस हय.